ساذيقك من نفس كأس الغيره كى تشعر بما اشعر به
لكن لن استطيع أن اريك الخزلان الذى جعلتنى أراه اعلم انه ليس بيدك لكن ما افعله انا بيدى ساجعلك تعود مره اخرى بقلبك قبل عقلك سترانى في احلامك كل ليله سترانى في يقظتك ساتربع على عرش قلبك وامحى منه اى شعور لغيرى.
مؤمن: أه عادى وانا اللى طلبت منها كده وعلى فكره بقى هى انسانه خلوقة ومحترمه جدا وبتاعت شغل ولو خلصت شغلى سبنى اروح اشوف شغلى
عرفات: اقعد عشان نراجع سوا
راجع عرفات الملاحظات اللى كتباها منتهى وعجبه طريقه تلخصها للى تم فى الاجتماع لانعا كاتبه كل حاجه كانه كان حاضر بالظبط ودى مش اى حد يعملها لازم يكون خبره وندم انه اتسرع وبعتها لمؤمن
مؤمن: كده خلصنا شغل هروح بقى مكتبى عن ازنك
خرج مؤمن وساب عرفات بيفكر ازاى يرجع منتهى قدامه مره تانيه ويقدر يعرف قصتها ايه
اصبح عرفات يعطى نهله اعمال لا تستطيع ان تفعلها أصبح كثير التزمر على أقل الاشياء جعلها تشعر بالتوتر ولا تفعل. اى شىء
ذهبت نهله لمؤمن
نهله : استاذ مؤمن انا اسفه بس مش هعرف اشتغل مع استاذ عرفات حضرتك رجع منتهى مكانى وانا ارجع هنا تاتى او هقدم استقالتى انا من كتر التوتر بقيت اغلط فعلا في الشغل
مؤمن : طيب بصى استحملى انهارده وبكره بالكتير انا هتصرف
منتهى : فى ايه
مؤمن: في انه عرفات عايزك ترجعى تانى بس مش عايز يقول فمطلع كل عصبيته على الغلبانه اللى عنده نهله
منتهى : وانا مش هرجعله تانى 😏😏 مش ده كان طلبه
مؤمن : بس انتى عايزة تبقى معاه
منتهى : لما يطلب هو انى ارجعله وقتها يبقى في كلام تانى
مؤمن : استحاله عرفات يطلب او يقول انه غير رأيه وعايزك
منتهى : بس زهران هيطلب انى ارجع جمبه تانى انا متاكده
المهم انهارده معاد الدكتور انا كلمت اهله وجايين معايا
عدى اليوم في الشغل وسط عصبية عرفات الغير مبررة
وفى الاخر مقدرش يكمل اليوم وروح
هاله : ايه ده جيت بدرى ليه
عرفات: مرهق شويه هطلع انام سبينى لحد ما اصحى لواحدى
هاله: طيب وحبيبه
عرفات: لما اصحى هلعب معاها وسابها وطلع دخل غرفته واخد دش
كان واقف عرفات تحت الدش بيحاول يصفى الدوشه اللى فى ذهنه وصوره منتهى مش بتفارق خياله
فوق فوق يا عرفات هى متجوزه وانت متجوز فوق فوق عايزها ليه مش انت اللى نقلتها
جايز بفكر فيها كده عشان بحاول ابعدها لازم ارجعها تانى يمكن لما اشوفها واتعامل معاها كتير يروح الإحساس اللى انا حاسه ده واتعود على وجودها سكرتيره
صح كده من بكره هطلب رجوعها تانى ده الحل
خرج عرفات من الحمام واتخيل منتهى قدامه بفستان ابيض وبتضحكله وبتبصله بطرف عنيها بصه مش غريبه عليها كانه متعود انه يشوفها كده كأن ده حاجه كانت طبيعة
مسك عرفات التليفون واتصل بالدكتور
الدكتور السلام عليكم ازيك يا عرفات بيه
عرفات: بقولك يا دكتور انا محتاج اقابلك ضرورى
الدكتور: فى حاجة ولا ايه
عرفات : اه فى موظفه جديده اشتغلت في الشركه عندى حاسس انى اعرفها لا انا شبهه متاكد انى اعرفها حتى رد فعلها اوقات كتير بستنتجه منها كان. اعرفها او عشت معاها قبل كده
الدكتور: يمكن تكون شبهه حد قديم انت تعرفه قبل ما تفقد الذاكره
عرفات: تفتكر
الدكتور: ده احتمال كبير جدا نصيحه خلى البنت دى قدامك وانا هغيرلك الأدوية اللى عندك دى
عرفات: ياريت لانى حاسس ان مافيش تقدم خالص حتى الفلاش باك اللى كان بيحصلى بطل من ساعت ما اخدتها
خلاص هبعتلك بكره الأدوية على الشركه ووقف اللى انت بتاخدها دى
نروح بقى عند هاله
هاله اتصلت بمامتها عفاف
عفاف : ازيك يا هاله عامله ايه
هاله: بخير الحمدلله
عفاف: وجوزك عامل ايه معاكى
هاله: بقاله يومين بيفكر كتير انا حاسه بيه و انهارده جه من بره طلع الاوضه بتاعته على طول حتى من غير مايلعب مع حبيبه زى ماهو متعود
عفاف: انتى بتغيريله الدوا
هاله: أه طبعا
عفاف: طيب مافيش حد جه سأل عليه من ساعه ماصورته نزلت
هاله: لأ
عفاف: يمكن أهله ماتوا ولا جرالهم حاجه لو كان ليه حد كان زمانه ظهر
هاله: ماتنسيش ان كان مكتوب فى بطاقته وجواز سفره انه متجوز قبل ماحرقهم
عفاف: ومين دى اللى هتستنى واحد فوق ال ٤ سنين من غير ماتعرف عنه حاجه اهم حاجه هو مافتكرش حاجه عشان يفضل ليكى لواحدك ومحدش يشاركك في الهلومه دى او يحاسبك
هاله: عندك حق
عفاف: المهم انت. ماتديلوش فرصه يفتكر اشغلى وقته نطيله كل شويه فى الشركه عشان محدش يفكر يبصلك
واه أهم حاجه هو جاب سكرتيره ولا لسه
هاله : اه واحده بيقولولها مدام منتهى
عفاف: حاولى تاخديها في صفك وخليها تجبلك كل اخباره وزغللى عنيها بالفلوس
هاله: تصدقي عندك حق من بكره هعمل كده
اخر اليوم وصل مؤمن عند الدكتور ومعاه منتهى وابو وام زهران
مؤمن : السلام عليكم ازيك يا دكتور عامل ايه
الدكتور: وعليكم السلام اتفضلوا
مؤمن: دى مدام عرفات وده ابوه وامه
الدكتور: طيب انا ايه اللى ياكدلى
والد زهران: اتفضل ده الورق الخاص بيه من شهادات ميلاد وشهادات تخرج وصوره قديمه من البطاقه بتاعته
ودى صوره شخصيه لينا كنا مع بعض قبل ما يسافر
منتهى : ودى قسيمه الجواز ودى صور فرحنا ودى مع ابننا اول ماتولد وادى بطاقتى مكتوب فيها إسم الزوج
الدكتور: تمام كفايه كده
منتهى : انا عايزه اعرف كل حاجه عن حاله زهران وازاى اقدر اساعده ان ترجعله الزاكره
الدكتور: بصى يا مدام منتهى اهم حاجه اننا منحاولش نفاجئه بكل الحاجات دى مره واحده عقله مش هيستحملها وهيحصل مضاعفات خطيرة هتاثر على حياته
ام مهران: العمل ايه طيب يا دكتور
الدكتور: بصى يا مدام منتهى انا عرفت من مؤمن بيه انك شغاله معاه في نفس الشركه صح
منتهى : ايوه صح
الدكتور: هنبدا نحط قدامه حاجات كان بيحبها فى الماضى تقولى قدامه كلمات كنتى مشهوره بيها أو هو مشهور بيها تحطى ريحه برفان كان بيحبه تنادى مره باسم زهران بدون قصد هنبدا نوصل لعلقله الزكريات بشكل هادى بحيث ننشطله الزاكره ويقدر بعد كده يفتكر كل حاجه
فضل الدكتور يكلمهم فتره على حالته وازاى يقدروا يقربوا منه وامته
( هنعرفها في الأحداث مانستعجلش )
ها اى اسئله تانيه
منتهى : كنت حابه اكلم حضرتك لوحدنا
مؤمن: طيب انا هستناكوا بره
خرجوا كلهم واتبقت منتهى مع الدكتور
منتهى : دكتور اللى عرفته انك متابع حاله زهران من زمان صح
الدكتور: ايوه صح
منتهى : مافيش مره قالك ان حد وحشه حاجه نقصاه محاولش حتى يفتكر ايه اللى ناسيه
الدكتور: مين قال كده عرفات او زهران دخل كتير فى حاله اكتئاب واخد كتير ادويه مهدئه ومنوم عشان يقدر يتعايش طبيعى الفتره اللى مر بيها وكان فيها لواحده خلته حاول الانتحار انتى متخيله انسان عايش لواحده مايعرفش هو مين ولا جاى البلد دى ليه ولا مين اهله ولا صحابه كان خايف يموت وميلاقيش حد يغسله ويدفن فى مقابر الصدقه كان دايما يقولى لو كان عندى أهل كانوا سئلوا عليا حاولوا يوصلولى يبلغوا السفارة عن اختفائى لكن مافيش اى حد سأل عليا اسئله كتير مكنش ليها اجابات
انا عايز اقولك انه كلمنى قبل انتوا ماتيجوا كان بيكلمنى عنك على فكره وانا نصحته انك تفضلى جمبه عشان انا عارف ان ده هيساعدوا
الفتره اللى فاتت مكنش بيتذكر حاجه لان مكنش فى مؤثرات خارجية تساعده او مواقف حصلت تخليه يشبه عليها غير لما انتى ظهرتى وانا على فكره غيرتله العلاج لان وجودك هيفرق الفتره الجايه
منتهى : طيب هو بيحب مراته او اتجوزها عن حب ولا احتياج انا بعد كلامك ده قدرت انه اكيد كان محتاج حد فى حياته بس هل فى مشاعر قويه اتجاهها
الدكتور: مقدرش اقولك انا مدخلتش حواه واكيد مش كل حاجه هو هيقولهالى وانا كطبيب مش هقدر اقولك كل أسراره انا اديتك التفاصيل اللى هتساعد في العلاج اكتر من كده مش هقدر اتكلم
منتهى : تمام شكرا لحضرتك يا دكتور
الدكتور: خدى رقمى خليه معاكى عشان لو حصل اى مضاعفات او حاجه تتواصلى معايا فورا او لو حسيتى بتقدم تبلغينى بيه
منتهى : تمام شكرا لحضرتك
وسابته ومشيت
تانى يوم وصلت منتهى الشركه ودخلت في مكتب مؤمن
مؤمن: صباح الخير
منتهى : صباح النور
مؤمن: ايه ده مش هترجعى مكتب تانى عند عرفات
منتهى: لما هو يطلب
مؤمن: مش هيطلب
منتهى : زهران هيطلب
مؤمن : نتراهن
منتهى : نتراهن وهنا دخل عرفات عليهم
عرفات: تتراهنوا على ايه
منتهى : نتيجة مسألة حسابية عن ازنكم
عرفات: استنى مؤمن بقولك ايه رجع نهله عندك وخلى مدام منتهى ترجع مكانها تانى
منتهى : انا مكانى هنا مش موافقة ارجع تانى مكتب حضرتك
عرفات: ليه بقى إن شاء الله
منتهى : حضرتك اللى فى الاول كنت شايف انى مش اد المسئولية وطلبت نقلى
عرفات: انا مقولتش كده
منتهى : امال حضرتك نقلتنى ليه
عرفات مكنش عارف يرد عليها ويقولها ان وجودها بيوتره
عرفات: انا ماقولتش كده بس عشان نهله كانت اقدم منك لكن انا عرفت انها مش بالادميه
منتهى : تمام إذا كان كده هرجع مره تانيه لحضرتك
عرفات بصلها برفعه حاجب: تمام يا فندم اتفضلى معايا على مكتبك
وصلت منتهى وعرفات مكتب عرفات وعرفات بلغ نهله انها هتتنقل مره تانيه مكتب مؤمن وهى حمدت ربنا انها اخيرا هتخلص من عصبيته
دخل عرفات مكتبه وفضلت منتهى بتشتغل في الاستقبال وجالها مندوب شحن بالادويه
منتهى خبطت على مكتب عرفات ودخلت
منتهى : زهران بيه اقصد عرفات بيه فى مندوب بره من شركه شحن معاه ادويه
عرفات تمام الحساب كام
اتفضل الفاتوره
خدى حاسبيه خرجت منتهى وحاسبت مندوب الشحن
ودخلت بالادويه مره تانيه
منتهى : دى ادويه لحضرتك
عرفات: اه
منتهى : ليه
عرفات: نعن
منتهى : اسفه بس كنت حابه اساعدك واظبطلك مواعيدها عشان متنساهاش وقت الشغل
عرفات: تمام هتعرفى
منتهى : جربنى وبصتله بطرف عنيها وقالتله وشوف اذا كان ينفع تثق فيا ولا لأ ودى نفس البصه اللى اتخيلها وهى بتبصهاله لما كان خارج من الحمام
عرفات فضل واقف سارح فيها وخياله اخده ليها انه راح اخدها فى حضنه وقالها انا واثق انك ادها وموافق وباسهاا من خدها واديها
فاق من سرحانه على صوتها
ها قررت ايه
عرفات: موافق طبعا المواعيد مكتوبه على العلب ورينى بقى شطارتك انا هسيبلك نفسى فى الموضوع ده
منتهى : فى معاد برشامه دلوقتي هجبلك حالا ميه وفى واحده بليل هتصل بيك وقت المعاد بتاعها افكرك بيها
عرفات تمام
منتهى اخدت العلاج وجابت البرشام وكوبايه الميه وبشكل تلقائي حط البرشامه باديها فى بقه وشربته وهو كان قاعد تايه فى ملكوت تانى وبشكل لا ارادى مسك اديها وباسها وقالها شكرا
اتوترت منتهى وبعدت عنه وخرجت على مكتبها
بارت طويل عريض اهو لما اشوف بقى التفاعل لو معجبنيش البارت هيبقى يوم ويوم لانى بتعب جدا فى الكتابة واقل تقدير الاقى تفاعل على اللى بكتبه
