لماذا تصر على كسرى لما تصرى على ابعادى عنك قلبى اكتفى بالجراح لم يعد به مكان جرحتنى بكل الاشكال والأساليب وانا اسامحك لكن عفوا ليس بعد الآن سانتقم لجراحى منك
منتهى بصتله ومشيت خافت تضعف وتقوله الحقيقة انه جوزها
عرفات:جرى وراها منتهى منتهى استنى طيب انا اسف طيب خلاص حقك عليا اعتبرينى مقولتش حاجه واللى انتى عايزاه انا هعمله ومسكها من ايديها
منتهى : سيب ايدى مش من حقك تمسكها
عرفات ساب ايديها : حاضر حاضر اهدى بس اعتبرينى مقولتش اى حاجه
منتهى : حاضر عن ازنك عشان عايزه اروح انا اتاخرت
سابها عرفات تمشى ومشى وراها بالعربيه
وصلت منتهى البيت وحاولت تتعامل عادى وماتبينش اى حاجه
تانى يوم الصبح لبست منتهى بنطلون جينز وتيشرت ازرق لانها عارفه ان زهران منبهه عليها انها تلبس الالوان الصريحة زى الازرق والاحمر والفوشيا لانها بتظهر جمالها اكتر وعملت ميكب هادى يليق مع لبسها
دخلت المكتب وتعاملت عادى جدا وهو حاول انه مايزعجهاش
وصل مؤمن الشركه ودخل على مكتب عرفات
مؤمن : ها يا منتهى مستعدة
منتهى : اه وربنا يستر
مؤمن: انا خايف انه يموتنى او يفتخلى دماغى دا غار وكان هيتجنن عشان بس قولتلك يا منتهى مبالك بقى لو نفذت الخطه
Flash back
وصلت منتهى البيت وكانت واخده قرار انها خلاص هتسيب الشغل وتكلم مؤمن عشان يتابع هو بدالها العلاج مع عرفات وانها قررت تطلق منه وتسيبه مع حياته اللى هو اختارها
أتصلت منتهى بمؤمن
مؤمن : السلام عليكم ازيك يا مدام منتهى
منتهى : الحمد لله بخير بقولك يا مؤمن انا قررت اسيب الشركه وعايزاك تخلصلى كل الإجراءات انا لما كنت عايزه اقدمها انهارده عرفات رفض
مؤمن: على فكره اللى عمله انهارده ده كان بسبب غيرته عليكى انا اول مره اشوف عرفات بيغير بالشكل ده
منتهى : هو كلمنى وانا بعدها عديت الموقف وسامحته
مؤمن: طيب حصل ايه تانى غيرك
منتهى حكتله انه طلب يتجوزها عرفى
مؤمن : معقول ده طلع مدلوق بقى
منتهى : بص انا بقول ايه وانت بتقول ايه
مؤمن: بجد يا منتهى عرفات بيحبك قلبه ومشاعره معاكى بس هو مش فاهم انما احنا فاهمين
منتهى : هو وجعنى اوى اوى انت مش فاهم انا مش بعمل حاجه غير انى اتوجع
مؤمن : تحبى تشعلليه شويه
منتهى : قصدك ايه
مؤمن: خطه شريره عشان تحسى انك خدتى حقك منه شويه
منتهى : ربنا يستر قصدك ايه
مؤمن : هروح اخطبك منه هههههههههههه
منتهى : بتهزر
مؤمن : اسمعى منى بس
منتهى : طيب افرض الزاكره رجعتله كده هتخسره
مؤمن: لا انا بنشط الزاكره عنده مش انتى كنتى بتقولى انه بيغير عليكى
منتهى : بحنون
منتهى : هو رجعله الشعور بالحب من ناحيتك نرجعله بقى شعور الغيره
منتهى : هسمع كلامك وربنا يستر
End flash back
منتهى : ادخل ربنا معاك
دخل مؤمن لقى عرفات قاعد سرحان
مؤمن: عرفات عامل ايه
عرفات: كويس
مؤمن: شكلك متضايق انا بقى جايلك بخبر هيفرحك أوى
عرفات : قول يا سيدى
مؤمن: انا قررت اخطب
عرفات: تخطب مين قالها بتوجس
مؤمن: منتهى هكلمها انهترده واتقدملها رسمى ها ايه رايك واشوفلك انا سكرتيره تانيه او ارجع نهله واخليها معايا فى مكتبى واهى فرصه نقرب من بعضنا اكتر
