المهم اليوم الي بعده العصر وضحى و عبدالله كانو طالعين عشان عبدالله يعلم وضحى السواقه و ما يحسون الا و الموتر يفتر وضحى كانت مصدوومه و عبدالله مب مستوعب جاف برع ان في موتر مدعوم
عبدالله:لا الاه الا الله انزلي الموتر يطلع دخنه (نزل و سار صوب الريال المتعور)
الريال رقبته مكسوره و راسه دم
عبدالله:اخوي انت بخير (ذكرني ف خليفه انت بخير😭)
الريال:اههخخ انا مافيني شي انت فيك شي
عبدالله:يا ريال راسك ينزف
وصلت الدوريه و الاسعاف و طلعو الريال
وضحى ترتجف و راسها يدور
عبدالله:وضحى حصل خير الموتر بيتعوض و الريال ما فيه شي جوفي بعد
وضحى سارت و هي ترجف وجافت الدم و الريال تعبان وضحى انهارت و طاحت و عبدالله يوقفها
الريال:اختي مافيني شي والله انا بخير
عبدالله:وضحى قومي
الريال:اخوي يمكن البنت متعوره
عبدالله: نحن ما علينا الضرر
الريال:الحمد الله
عبدالله:وضحى بتصل فحد يشلج انا بيلس ويا الريال
و اتصل ف هزاع لان مافي حد فاضي و هزاع شل حمده و سارو يشلون وضحى
الاسعاف كانت حذره وايد لان الريال كان تعبان و قاعدين يفحصونهم
وصلو و وضحى على طول حضنت حمده و قعدت تصيح و هزاع سار صوب الريال
هزاع:ما تشوف شر
الريال:الشر ما اييك
هزاع:عبدالله بتسير وياه صح؟
عبدالله:هيه
هزاع:تمام
المهم عبدالله سار ويا الريال و وضحى سارت ويا حمده و الريال طلع بس في كسر ف رقبته
فبيت بو عبدالله
بو عبدالله معصب:اليوم الصبح انا ما قلت لك لا تعلمها السواقه
عبدالله:ابوي ساقت شوي ترا
ام عبدالله:بو عبدالله خلاص حصل خير اهم شي هم مافيهم شي
بو عبدالله:و لا فالشارع العام
ام عبدالله:خلاااص
عبدالله:ابوي ترا والله وضحى مافيها شييي
بو عبدالله:ستغفرالله خلاص سير
عبدالله طلع
ام عبدالله:ادري انك تخاف عليهم ترا حتى انا كنت خايفه قلبي طاح يوم دريت بس ما يباله ها كله
بو عبدالله يطالع فونه و يبتسم:ها؟
ام عبدالله:بو عبدالله عادي اقولك شي
بو عبدالله سكر فونه:اقولج انا عندي شغل يمكن ارجع البيت الفير او الصبح(لبس كندورته و شل اغراضه و طلع)
ام عبدالله لحقته و ركبت موترها و راحت وراه وقف لين عند بيت و ما نزل طلعت بنت صغيره و عقب نزل شل البنت و دخل داخل ام عبدالله كانت مصدومه بس ما صاحت و نزلت و دشت عليهم و جافته قاعد ويا ولد كبر حمدان و حرمه و بنت صغيره فحضنه
ام عبدالله:ما شا الله خوش خوش
بو عبدالله انصدم:انتي شو يابج هني
ام عبدالله:ممكن تخبرني هاييل منو يااااااا ثاني
بو عبدالله:ش شش شو ؟
ام عبدالله:ما عرفتنا عالعائله السعيده هذي
الحرمه اسمها(مريم)و البنت(قصايد) و الولد(حسن)
مريم وقفت:انا مريم و هذا ولدي حسن عمره 24 و هذي بنتي قصايد عمرها 7 سنين
حسن:ابوي منو هاي
ام عبدالله:يعني انت متزوج من سنوااات و الدليل عندك ولد منها عمره 24
حسن:منو قال انا اقوله ابوي لان هو بحسبه ابوي
ام عبدالله طالعتهم:الله يوفقكم
بو عبدالله:لحضهههه
ام عبدالله:نعم
بو عبدالله:انتي طالق
ام عبدالله مسكت عمرها و ركبت الموتر و اول ما وصلت البيت جافت وضحى ام عبدالله انهارت على وضحى و خبرتها كل شي
وضحى:ماما لازم ترتاحين(دخلتها داخل و رقدت ويا امها)
وصلو للمحاكم و قررت المحكمه ان البنت الي هي وضحى تسير ويا ابوها و فعلا سارت
حمده:وضحى
وضحى:مابا اودر ماما
عبدالله:ما عليه انتي سيري و عيني من الله خير
علي:وضحى اذا ما ارتحتي رمسيني
وضحى سارت ويا ابوها
حمده نزلت راسها قلبها معورنها على وضحى
حمدان:خديجههههه
خديجه:خيييير جيييي تزاعققق
حمدان:امج تباج
دخلو حمده و عبدالله و علي الصاله
حمدان:وين كنتو
علي:انت شعليك
عبدالله:وين امي
علي و عبدالله سارو عند امهم
حمده:بلاك جي تطالع
حمدان مسك ايدها و طلعو برع سار حمدان الموتر و طلع جيس ديور
حمده:حمدان والله خوفتني جي ساحبني تقول عنزه
حمدان ضحك
يتبع،،.
نزلته عشانكم و انا مريضه وين بتحصلون مثلي
بس والله تستاهلون❤️
أنت تقرأ
البدايات محبه و النهايات نصيب
De Todoروايه اماراتيه قلت ابيه .. قالوا لي نصيب ! قلت اغليه واحبه .. قالوا تنساه .. وشلون انسى واحد(ن) يسوي عيوني؟ وشلون اودي المحبه والغلا ! ليتني ماسمعت هالخبر ياليت ... ياليتني ماشرعت للحب بيبان قلبي ياليت ..
