البدايات محبه و النهايات نصيب

10

المهم حمده نست انها رمست حمدان من حسابها و طلعت منه كانت تبا تجرب شي بس نست تدخله مره ثانيه

و حمدان لما يرمسها يجوفها ما ترد بس ما كان خايف عليها وايد لان كانت ترمس قوم هزاع

يوم رجعه الشباب للبلاد🇦🇪✈️🛫🛬 ساعه 5:00

ام حمدان:حمده سيري جوفيهم وصولو؟!

حمده طلعت جافت مافي حد

حمده:ما وصلو

ام حمدان:من شوي قالو قريب

5دقايق و الشباب داخلين وسوولهم الاستقبال و قعدو يسولفون عن لندن و اجواء لندن

ام عبدالله:يا بنات سيرو سوو عصريه

ام حمدان:هيه سوولنا على كيفكم و حطو برع

قامو البنات يجهزون العده و يطبخون

حمده:انا افشل وحده فالطبخ

فطيم:تعالي

حمده:شو

فطيم:كسري البسكوت

حمده:خير انا بجهز ادوات الذره

خديجه:انا بكسر البسكوت

فطيم:منو بيسوي الذره

حمده:روضه

قامو حمده و روضه يسوون الذره

حمده:احط كريمه طبخ؟

روضه:هيه

حمده حطت شوي

روضه:تستهبلين؟حطي اكثر

حمده:مب شي يغثثث

روضه زادته

المهم ع الساعه 8قاعدين برع و يسولفون و كل شوي يطرشون حمده تيب شي

حمدان:تعالي تعالي حمدو شي شغالات شي اصغر عنج رايحه راده

حمده:شدعوه عادي

حمدان:لا والله اقعدي ريم انتي سيري

عبدالله:اقولكم

علي:ها

عبدالله:انا اجرت شقه ايحد يبا يسير هناك حياه الله 3غرف و كل غرفه حمام و انتو بكرامه و صاله و مطبخ

حمدان:والله زين

هزاع:وايد اوكيه

حمده قاعده و تسولف و تضحك ويا خالد يعني عادي تعتبره شرات اخوها الصغير

سوو العشا و جهزو للريايل و قامو غسلو يدينهم

عبدالله:حمدان يلا بلا نقاش اغسل ايدك و تعال تعشى

حمدان:ياخيي شبعااان مابا احس مالي خاطر

عبدالله:لالا يلا تعال يلا

بعد اقناااع حمدان تعشى اكل لقمتين و نش سار يغسل ايده

الحريم قاعدين فالميلس و حمده كانت طالعه من غرفتها و نازله و تجابلت ويا حمدان و ابتسمت بس حمدان ما عبرها