اسرار الضياع

البارت الثاني عشر

الكاتبه :♛『عہصہفہورة』♛
★*****★*****★*****★

عِشت بسكون بينما كان من المفترض أن أصرخ في وجه المواقف التي زعزعت ثباتّ قلبي .

🦋💝🦋💝🦋💝🦋💝🦋💝🦋

ضليتت لوقت متأخر بس ما نعسانه شسوي طلعت بره گعدت صافنه وافگر  ....  شنو اراح يصير ويااي بعد واحمد شيريد مني وشلون تغير هيج بسرعه اكيد اكو شي ابعقله مامعقوله اتندم من رزلته فنار لان هيه هوااي رزلته وما سمع منهاا والله اعرف بس گلبي لاعب منه فزيت من صفنتي واشوف احمد گدامي اتوسعت عيوني بصدمهه هذا اشجابه وبهل وقت وشيريد جاي وگفت وحجيت

زمزم : هاي شجابك؟
ابتسم ابتسامه خفيفه

احمد : جابني گلبي

زمزم : هسه يگعد واحد شيگول عليك

احمد : ما يهم

زمزم : حجاها وگعد بصفي اني هم رجعت گعدت ابمكاني وضلينه ساكتين لمن گسر الصمت احمد من حجه

احمد : شعندج گاعده لهل وقت

زمزم : شعليك انته
ضحك عل گيف

احمد : هم صدك حجيج

زمزم : امم

احمد : بس اني اجيت احجي وياج

زمزم : احجي اسمعك

احمد : باعي وداعت عيونج الغاليه عليه اني احبج من گلبي لا شهوه ولا شي ثاني ومن اتقرب عليج مو يعني اريد اسد شهوتي بيج لا ابد والله بس لان اشتاقلج اسوي هيج وياج جاي تفهميني مو زمزم؟

باوعت عليي وحجيت
زمزم: بس انته تعرف هذا الشيء كلش غلط مو؟

سحب نفس وذب حسره شگت صدره وحجه
احمد : يي اعرف گلش زين هل شي ما يصير بس شسوي اني شبيدي فهميني گلبي عاف بنات العراق كلها واجه عشگج انتي وراح يعذبني بيج والله العظيم مو بيديي شسوي شسوي فهميني اني شنو البيدي علمود اسوي واخلص من كلشيي لان اني متعذب وتعبان من التفكير حبيت وحده مستحيلل اصير اليه ولا حته بلحلم يعني عبالج هل شي هين عليه لو عبالج مرتاح؟

زمزم : ضليت صافنه عليي لان كلامه صحيح هوه مو بيده لو بيده جان حب وحده اتكون حلاله مو اني بس شسويله هوه تورط ورطه ممكن ادمر حياته

احمد : احجي لا اضلين ساكته حاجيني لان تعبت اريد حل

زمزم : اني احس بيك بس عندي حل واحد
_مسح وجها وافتر گعد مقابيلي عدل وحجه بصوت مخنوك

احمد :  شنو؟

باوعت بعيونه وحجيت
زمزم : تزوج
_صفن عليه شويه وضحك ضحكه  عاليه وكأنه ناسي هوه وين هسه والدنيه نص اليل
حجيت بخوف

زمزم : صوتك احمدد شبيك تخبلت
بسرعه سگت وحجه بصوت يرجف ومخنوك

احمد : انتي شجاي تحجين اكلج اني هايم بيج تكليلي ازوج وهسه فرضنه زوجت شنو راح يتغير بس راح اظلم البنيه وياي وهاي هيه انتي بيج شي فهميني هوه هذا حل