اسرار الضياع

البارت التاسع عشر

الكاتبه :♛『عہصہفہورة』♛
★*****★*****★*****★

لي صَاحبٌ عن غيره يُغنيني
‏إِنْ ضَاقت الدنيا أراهُ يميني.

🌛✨🌛✨🌛✨🌛✨🌛✨🌛

فنار : نزلونه بدت الهلاهل وزمزم مختفيه دخلت وي النسوان وبده الرگص وماشوف اله زمزم بنص رايحه💃🏻💃🏻 باوعتلهه وهزيت ايدي

فنار : والله يالله   اني ادور عليهه وهيه ترگص كمل العرس ورجعنه للبيت مشت الايام عاديه يوم من الايام كلنه گاعدين نتغده وحجه ابوي

ابو فنار : اكو واحد خطب منا  واني ماگدرت ارفض

ام فنار : لمنو وليش ماتگدر ترفض

_منا ما گانت موجوده راحت تجيب الچاي لابوي

ابو فنار :  انتم كلكم تعرفون خديجه خطبهه ابو هنوف الفضل  واني انطيتهه وره زواج احمد تتزوج

_واجاني قبل اسبوع ابو كرار  خطب مني ومن گتله خديجه نخطبت گام  وگال لأن اني غريب محد ينطيني الابني مره اني مشتري قرابتكم  بيت الحجي وانته تدري احنه مشترينكم 

_وصراحه ماگدرت اگول لا خلي ام الولد تجي ونتم شرطو عليهه بلكت يبطلون

ام فنار : خير يارب اللهم اجعله خير

فنار : مر يومين واجت ام الولد تشوف منا هيه عدهه ولد ثنين جاي تخطبلهم واحد گبير اسمه علي واحد امين وعلي اكبر من امين

_هيه گعدت وبدت سوالف هيه وبيبي وحنه هيج وحنه هيج وامين هيج وعلي هيج المهم طلعتهم ملاك  يمشي

أم فنار : اي  خيه ام كرار انتي تعرفين بنتي منا بعدهه زغيره ومو مال زواج ولا تعرف تطبخ ولا تعرف مسؤليه  ومتكفيه بنسوان خوتهه

ام كرار : يما وحده من بناتي واني الي اعلمهه عله كلشي ولا يصير بالج وين صغيره كلنه تزوجنه وحنه بنات اربع طعش

ام فنار  : خيه وكت هسه مو مثل قبل

ام كرار : خيه ولا يهمج بنيتي  والله حالهه حال بناتي وحنه شنريد نريد كرابتكم

_دخلت منا والمره اكلتهه اكل بعيونهه نوب الي يشوفهه يگول ماشايفه بنات ابد

منا طولهه متوسط ونحيفه شويه وملامحه طبيعياتوكلش كتومه مو من النوع الي يرادد او يسوي مشاكل ولا دافع عن نفسهه بسرعه تبجي

فنار : نوب بيبي المصيبه هم گامت تباوع المنا الي يشوفهه يگول اول مره تشوف منا

(الكاتبه :ولج فنارووو حتى بيبيتي مخلصانه منج ههههه)
هيه لابسه نضاره نزلت نضارات ورجعت لبستهن ورجعت تباوع المنا گوه لزمت نفسي ماضحكت وتفشلت لأن منضر بيبي فد شي 😂

ام فنار : مو لبنيه غبيه ومو هالكد تستوعب ومو نادره طبخها تخربه

ام كرار : خيه اني اعلمها صدك جذب مثل بنيتي راح صير