اسرار الضياع

البارت الرابع عشر

الكاتبه :♛『عہصہفہورة』♛
★*****★*****★*****★

اذا تعلمت التجاهل
فقد اجتزت نصف
مشاكل الحياة

•┈┈••✦--✦••┈┈••┈┈••✦--✦••┈┈•
زمزم

حضنتهاا وبجيتت من گل كلبي رفعت راسي وباوعت عليهاا
زمزم : حبيبتي انتي ما بيه شي

هزت راسهاا ساكته
عفتهاا ورجعت اتمددت وضلت ادموعي تنزلل وحدهاا فزيت لمن سمعته صااح بيه

حسين : زمزمم وينججج

طفرت امسح بدموعي وطلعت من الغرفه
زمزم : هاا يابه

حسين : سويلي جاي بسرعه

زمزم : تمام
رحت للمطبخ حطيت القوري على طباخ ورحت للسنگ غسلت وجهي وجهزت الگلاص وصبيت الجاي ورحت للصاله لكيته گاعد مديت ايدي يلي بيها الجاي
وحجيت

زمزم : هاك يابه
اخذه مني ورجعت للغرفه لميت اغراضي وشغلاتي يلي احتاجهن للسفره وجهزت لبستي لاروح بيها بنطرون وتيشيرت وشال وحذاء واخذت ملابس ورحت سبحت طلعت من الحمام سرحت شعري ورحت الامي اسويلي ضفيره  شعري طويللل يجنن وناعم عكس اختي جان شعرها كيرلي عل فوفو ضفرته اليه وفرتني عليها واني مدنگه راسي

سعاده : حبيبتي

زمزم : رفعت راسي وعيوني غرغرن ادموع 

سعاده : لسوين هيج وتبجين صيري ام السان وهاذ ابوج مو غريب ايحبج ويعرف مصلحتج

رفعت راسي وحجيت
زمزم : يي مصلحتي وهوه يگلي تاكلين بلمطبخ مثل الجلب اسكتي امي اسكتي تره مو زغيره اني وما افتهمم احجي ودموعي گامت تنزلل

سعاده : ههههه شهل دموع ولجج صدك تحجين

زمزم : وخري عني اضحكين عليه شنوو

سعاده : حبيبتي ابوج جاي يسوي هيج الخاطرج تفتهمين

زمزم : هوه شنو الخاطري شبيج رحمه الامة محمد مسويني خدامه

سعاده : عوفي هاي السوالف عيب ويله جهزي نفسج باجر الفجر نطلع

زمزم : كمت بدون ما احجي گعدت بالغرفه وضليت صافنه بالفراغ حته ما افكر بشي اصلاً فزيت عل شهمم

شهم : زوزه

رفعت راسي وحجيت
زمزم : عيونهاا

شهم : اريد جاااييي

زمزم :  ههههه هسه اسوي
كمت بدون ما اجادله ولا اعترض هوه اني صايره خدامه على شنو اتعب الساني سويت جاي ورحت انطيته اله ورجعت للغرفه وبقيت للمغرب ما طلعت واني صافنه فزيت على ابويه يصيح

حسين : وينهاا هايي ما تطلععععع

زمزم ضحكتت على نفسي صرت هاي انوب كمت طلعت بدون ما احجي كلمه وحده رحت للمطبخ لگيت امي اسوي عشه جهزت العشه وياها وكملته ونقلت العشه للصاله ورحت للمطبخ اتوضيت وطلعت اريد ادخل للغرفه وفتريت عل شهم من حجه وياي