گعدت الصبح ومكسره گعدت على صياح امي "يله كومي اليوم عدنه هواي شغل خاتون!! " گالت ام ديان
"يو ماما مابيه حييييييل"
گالت ديان
"مو هوه بكيفچ يله گومي لا بالنعال" گالت ام ديان وهيه تصيح
قررت اگوم ورحت وطبيت سبحت وفرچت وطلعت بدلت صارت ال12 فگمنه ورحنه علمود نجيب شغلات للعرس
_____________________
youssef pov
"شباب اليوم ماكو تمرين نروح للمول؟ " گال دوسكي (اعتبروهم ديحچون انجليزي)
(اي ليش لا) زيزو وامير وعلي الحمادي وعلي جاسم ويوسف گالو.
ميمي وريبين اعتذرو ميگدرون يروحون
"شوكت نروح؟ " گال امير
"ب11 زين؟ " دوسكي گال
كلهم اتفقو ورضوا بالوكت
______________________
dian's pov
"بابا يله لا تأخروني"گال ابو ديان
"اوكي بابا بس اصبر خلي ادور على الگلاده "
گالت ديان
ولگتها وصعدت للسياره
بعد ربع ساعه وصلو نزلت هيه وامها وگعدت تلفلف بالمحلات ولگت الفستان بس باقي الحذاء والاكسسوارات وچفوف وقبعه واظافر
"ديان هسه الا اكسسوارات عندچ طن اكسسوارات وعندچ طن احذيه وكلشي عندچ" گالت ام ديان
"لا لا ماما ما يطلعن حلوات ويه هذا الفستان"
شكل الفستان:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دا اطب لمحل احذيه بس مدري شلون دبروها المحل احذيه نسائيه ورجاليه
"ماما امشي شوفي المحل متروس ولد"
گالت ام ديان
"اصبري ماما واذا هس.. " گالت ديان وفجأه توقفت تحچي...
شافت وجهه شخص..
هذا يوسف!!!
صنمت وامي گعدت تصيحني واني ولا منتبهه گبل رحت ليوسف واني كامشه موبايلي وگتله
"اخذر اكد خوره وياص" گلت اني
و الحمد لله حچيتها بالعربي حتى ما يفتهم لأن زربت باللغه العربيه
هوه گال "شنو" بالانجليزي
اني گلتله "اگدر اخذ صوره وياك؟ " هو فهمني لأن گعدت احچي بالانجليزي فگال "اوكي"
اخذت صوره وياه واني احس فراشاتتتت
بس...
امي صاحتني وفشلتني وقطعت اللحظه الرومانسيه.
"لچ ديان مطيه تعاي شدتصخميييييين"
تفشلت باوعتله لگيته ديضحك بصوت ناصي واصدقائه انتبهوو بس ما شافوني وكم واحد بس اليفتهمون عربي خرطو ضحك
رحت واني متفشله ورجعت حتى كلشي ما اشتريت حصلت رزاله من امي ورجعنه للبيت
______________________________________
youssef's pov
حرفيا البنيه مراحت من عقلي
شلون تفشلت
شلون مضرطت بالبدايه مع انو ما فهمتها بس البنيه تضحك وحلوه
وشلون خجلت واستحت من هذيچ المرأه صاحتها
گطع تفكيري زيزو وهو يسألني بدون ما ينتبهه احد ويگولي "شبيك برو اكو شي شاغل بالك؟ "
باوعتله وگتله "لا بس دا افكر... "
گالي"بشنو دتفكر"
گتله "ولا شي يله خنروح ان مليت"
باوعلي بنظرة استغراب وگال "اوكي" وطلعنه
_______________________________________
dian's pov
رجعت وگلت لريناد على كلشي صار وياي وعلى العموم ريناد البيستي مالتي صارلها 13 سنه صديقتي عمرها همين 19
"عزههه هاي صدگ هيچ صار وياچ؟
احا ما اصدگ احراجججججج. بس اگلچ زين ما يفتهم عليچ"
گالت ريناد
"يمعوده همه اصدقائه اليفتهمون عربي فحطو ضحك عليه اكيد حيگولوله شگلت اني"
گلت اني
"ياخيه هسه دفكري بيها من الجانب الايجابي هسه هوه ابد محينساچ. صدگ شفتي زيدان"
گالت ريناد
"لا والله " گلت اني
"يو حرامات" گالت ريناد
المهم كملنه لغوه ووراها رحعت نمت واني افكر
هسه هوه اكيد ديضحك عليه ونمت واني دا ابچي
صدگ نسيت اگللكم اني فد حساسهههههه.
_______________________________________
بعد اسبوع
الحمد لله اشتريت شغلاتي قبل العرس
والسالفه الي صارتلي ويه يوسف ابد مراحت عن بالي
. بس اهم شي تونست بالعرس
"وصراحه ابن خالتي ميستاهل البنيه
الولد شخصيته خره وچنه سلبوح البنيه تخبل بس اكيد مو احلى مني
وشخصيتها عسوله "
چنت دا احچي ويه ريناد واگوللها على العرس بس بعدين وصلني اشعار مكتوب بيه انو يوسف حيلعب لعبه بالعراق
"لچ اسكتي اسكتي" اني گلت
"ها شكو"
گالت ريناد
"لچ يوسف حيلعب بقطررررررررر هوه وزيدان الاسبوع الجاي "
گلت اني
"ياي تحمست حخلي ابوي يشتريلي التذاكر اريد اشوفهم فيس تو فيس"
گالت ريناد
"ولي ولي خلروح اقنع امييي"
گلت اني
رحت نزلت ووگفت گدام امي
امي گالت "مصلحه جديده. شتريدين؟ "
گلتلها "ماما تدرين بيه احبچ واني اكثر انسانه تقدر... " ما لحگت اكمل حچيي الا تگول
"اختصري"
گلت "شوفي ماما ريناد اشترت التذاكر مال لعبة الطوبه الي بقطر الاسبوع الجاي"
گلت فردت عليه "وتريدين نشتريهن؟ " باستهزاء
گلتلها"صراحه اي"
رفضت بالبدايه بس بعدين قنعتها وگالتلي "روحي شوفي ابوچ اذا قبل تروحين فأني قابله"
رحت لأبويه وفاتحته بالموضوع
فگال "لا"
گتله"ليش بابا مواني بنتكككك"
گالي "لا والف لا وين اكو بنات يتابعن طوبه"
گتله"بابا شبيك شنو وين اكو بنات يتابعن طوبه الكل يتابع عاديي" فگالي...
"لا وانتهى الموضوع يله روحي لغرفتچ"
رحت واني محطمه وگعدت ابچي بالساعات ووراها طبت امي عليه وگالت...
_______________________________________
شباب تعبت عود بال11 اسوي جزء ثالث هسه هيه بال 10
+تره لمن شسمها ديان تحچي وي يوسف تحچي انجليزي وكلهم من يحچون وي شخص اجنبي او يحچي انجليزي يحچون انجليزي
المهم شباب بعده ماكو اكشن لحد الان
اني صراحه احس فراشاتتتتتت المهم هسه حروح اخذ استراحة محارب واكمل بعد شويه لأن هدفي اخلص الروايه قبل ال ثلاثاء واليوم خميس تتوقعون اگدر؟ المهم بايييييي🥹💗
روحو لاخر جزء من ينزل الي اسمه تصويت
أنت تقرأ
Stuck in my mind/عالقه في رأسي
Roman d'amourلاعب كرة قدم شاف معجبه. . . . . . . . . . ممكن حبها؟.
