مرحبا اسمي شيماء راح احجي قصة
( اختي هيفاء ) واقعيه .. وهذه البارت كلش مهم لان راح تربط بيه احداث تلتمس الواقع بهواي شغلات
كاعدين اني وختي هيفاء جاي نصفح الفيسبوك
( سنه 2016 )
هيفاء : اكلج شيماء هذه ولد ضوجني كل شويه يسوي اضافه الي بكروب فيسبوك ورجع اغادر ضوجني
شيماء : روحي كوليله بعد لاتضيفني
هيفاء : تمام راح اراسله
شيماء : شنو اسمه هوه
هيفاء : كاتب اسمه بالفيس ( معتز سامي )
شيماء : اها تمام جاوبج لو لا
هيفاء : دقيقه اي جاوب خل اعيط بيه
بدت هيفاء المراسله واني كاعده يم هيفاء
هيفاء : سلام عليكم عيوني ليش كل شويه اضيفني للكروب واني جاي اغادر
معتز : عليكم السلام اعتذر منج بس جاي اضيف عشوائي وماركز منو الغادر ومنو البقه
هيفاء : تمام بعد لاتضيفني هاي اخر مرا اكلك
معتز : تمام عزيزتي كلش اعتذر منج
بعد نص ساعه رجع ضاف هيفاء للكروب
هيفاء : اني موكتلك لاضيف
معتز : ليش عصبيه احذفي الصداقه لان جاي اضيف عشوائي ومامركز على حسابج
هيفاء : صدك ماعند ذوق شلون تكول لبنيه احذفيني
معتز : العفو بس ماحب ازعج شخص واني هذه الكروب مصدر رزق اليه اسوي بيه اعلانات وروج الشغلي
هيفاء : شنو شغلك
معتز : اشتغل صيانه سكترات ابراج انترنت
هيفاء : حلو بتوفيق وربي يرزقك وعتذر على اسلوبي
معتز : لابلعكس عزيزتي كل الاحترام الج
وبعد هاي المراسله اختفه ( معتز ) وبعد ماضاف ( هيفاء ) للكروب
هيفاء : اكلج شيماء خل اروح اشوف كروبه بله ودخله
شيماء : بكيفج حبيبتي بس ليش ادخلين
هيفاء : ماعرف صار هيج فضول لا اكثر
شيماء : براحتج حبيبتي
دخلت ( هيفاء ) للكروب ولكت ( معتز ) وكروبه
وشافته ينشر يوميه بخصوص شغله واكو منشورات منوعه بيه
هيفاء : شيماء راح انشر منشور بله وشوف ردت فعله
شيماء : وك حبيبتي
نشرت هيفاء وجان رد معتز كلش طبيعي
كلمه حده رد عليه منوره وبقت التعليقات مستمره اجه ولد بتعليقات اجاوز على ( هيفاء ) وهيفاء تعاركت وياه وكال الهيفاء اله اقفل حسابج + تجاوز
هيفاء : خل اراسل معتز وهوه يصرف ويه هذه الولد ويطرده
راسلت هيفاء معتز بليل ومعتز ماجاوب جان نايم
( بليل انغلق حساب هيفاء )
معتز الصبح لكه المراسله وشاف الولد المجاوز على هيفاء وسد حساب الولد قفله
بعد 3 ايام هيفاء سوت حساب وراسلت معتز
هيفاء : اني مو راسلتك ليش ماجاوبت واحد من جماعتك سد حسابي بس الصوج مو بيك بالي يبقه بكروبك
معتز : اوكفي دقيقه ترا جنت نايم والولد قفلت حسابه من شفت مراسلتج وكلش اعتذر
هيفاء : تمام
معتز : اصعدي مسؤول بكروبي واليجاوز اطرديه
هيفاء : تمام صعدني
وستمرت صداقه هيفاء و معتز لمدة ( سنه )
اجت هيفاء لبيتي اني مزوجه وبيتنه بصف بيتهم بليل تسولف وياي
هيفاء : شيماء اني تعلقت ب هذه الولد معتز كلش تصرفاته وسلوبه ومواقفه كلش حلوه وياي
شيماء : اكلج هيفاء انتي مطلقه وهذه شي مايتقبله اي واحد
هيفاء : اي اعرف واني ماكتله مطلقه او جبنه هيج مواضيع لان كتلج سوالفه وياي بحدود حته ماسئلني على عمري او هوه كال عمره
شيماء : اي اعترفي اله او لمحيله عن البنيه الي يحلم بيه وحاولي تبينين اعجابج اله او حبج
أنت تقرأ
ضلمت نفسي
Romanceقصة هيفاء من بغداد | والشاب معتز من الحله | المحتوى ليس مناسب لبعض الاعمار وجب التنويه
