ضلمت نفسي

الجزء 6

ابو معتز : تشاقه مو

معتز : لابويه احجي صدك

ابو معتز : عود الله كريم 

#واني على الاتصال  وجان كلامه بستهزاء  واني ميته قهر  من كال هاي الكلمه  ودموعي اصب  سمعت معتز ماناقش وكام   ورجع يسولف ويضحك وياي طبيعي واني مصدومه  وتعاركت وياه وكتله  شنو من حب هذه تحبنياه بحيث ابوك رفضني وانت تضحك

معتز : وليش  اني ماعندي قرار ؟

هيفاء : لاعندك بس ذولي اهلك ماتكدر تخطي خطوه بدونهم

معتز : عود الله كريم

#بعد مرور كم اسبوع رجعت الناس اداوم بالمدارس
وبيوم من الايام اتصل معتز

معتز : هاي السنه ترجعين للجامعه وتكملين دراستج خوش  وذا اطلعين عذر بالفلوس  اني ادبر شلون ماچان  وكملي السنتين البقن

#بنات حسيت  اكو شخص جاي يرجع املي بالحياة بعد مافقده حسيت اكو شخص مهتم بكل تفاصيل حياتي صح هوه قاسي بوقت الي اغلط وعصبي كلش  بحيث اخاف من عصبيته   بس رغم هذه  احتواني  وبعدني عن كل عاده سيئه  جان كتله

هيفاء : تحجي صدك

معتز : اي احجي صدك  وتكملين دراستج وذا كلتي لا اكص السانج

هيفاء : صار حبيبي  بس اني اختصاصي انكليزي وصعب

معتز : سهله  اكو ولد اصدقائي  اخليهم يشرحون الماده تصوير ودزه الج

هيفاء : والله حبيبي ماعرف شلون اجازيك

#داومت اول سبوعين وجان معتز يجمع بفلوس جامعتي  اجتني وحده من صديقاتي وكالت

صديقتي : هيفاء تشتغلين وياي بصالون 

هيفاء : ائ اشتغل بس قبل كلشي اخذ قرار حبيبي لان هوه الي يأمر وينهي

صديقتي : تمام حبيبتي حته اذا ماتشتغلين  اشوف غيرج

هيفاء : تمام  حبيبتي باجر ارجعلج خبر

#اكيد حالي حال اي بنيه تطلب هذه شي من زوجه او حبيبه   واكيد يكون الجواب رفض  المهم حجيت موضوع الشغل ال معتز 

معتز : هيفاء تريدين تشتغلين حته تعتمدين على نفسج  او لان مصروفج ميكفي

هيفاء : اريد اعتمد على نفسي حبيبي  واني وياك نتعاون  على موضوع زواجنه  نجمع المهر والذهب وغرفه والاخشاب

معتز : يروحي انتي  اشتغلي بس النفسج لاجمعين شي  اني رجال ودبر 

هيفاء : ادري بيك رجال  وماكو احد مثلك بس نتعاون

# بنات صار معتز بمجرد ما اذكر اسمه ابتسم  لان فخوره بهيج شخص بحياتي  وبقيت اشتغل بصالون  ويه صديقتي وكلش حبت شغلي يوم من الايام
راسلته ( و كتله تعال البغداد اشوفك )

معتز : وين اشوفج حبيبي

هيفاء : بصالون نفسه ألي اشتغل بيه

معتز : حبيبي مترهم  صديقتج خاف متقبل ومانريد نحرج الناس

هيفاء : حبيبي هيه طرحت عليه الفكره  وكالت شوفيه  لان باجر مافتح الصالون تعاي انتي وخل يجي هوه وشوفيه  وهاك هذه العنوان كامل

معتز : تمام كلبي ان شاء الله باجر يمج

هيفاء : انتضرك على نااار

#ثاني يوم الصبح الساعه 6 الصبح راسلت معتز وكتله وين انت كال اني طالع  ساعه وأوصل  صارت الساعه 8 اتصلت على معتز

هيفاء : حبيبي وينك  شو تأخر 

معتز : اعتذر منج حبيبي بس  رجعت  ماراح اجيج

هيفاء : تحجي صدك واني منتضرتك بصالون  وحسب دقيقه دقيقه

معتز : كلش اعتذر منج

هيفاء : تمام حبيبي 

#وجنت ابجي ومقهوره  بقيت 5 دقايق بزايد
مامنتبه على الباب دخلت للغرفه الجوه اجيب ملابسي حته اروح للبيت دخلت اجيب ملابسي حته اطلع توني اطلعت من الغرفه وماحسيت اله شخص حظني اني جمدت بمكاني لمن باوعت وهذه معتززززز

#بقيت حاظنته كل قوتي منا لمن بقه صدري يوجعني  من كد ما حاظنته  وعيوني ماتبطل من البواجي  من كد مافرحانه  بيه

#سويتله ريوك  وبقينه نسولف  ونشاقه وهوه كل شويه يبوسني من عيوني ويبوسني من كصتي  وعيونه عليه ابد ما  وخرهن  حته من اكل

#تقربت عليه وجان بسته من حلكه وهوه هم نفس الشي  اني انتهيت بين اديه  لان حسيت مالكه الدنيه كله  منا لمن  نسيت نفسي    وبديت وياه العلاقه  وجان  الشخص الي ابالي بكل تفاصيله  حته بعلاقتنه  وبوس بشفايفه وبقينه نسولف

هيفاء : حبيبي شلون موضوعنه يبقه هيج

معتز : معليج هاي الايام اجيب ابوي

هيفاء : شلون اتجيبه وهوه رافض

معتز : اثقين بيه كده لو لا

هيفاء : طبعا اثق بيك كده  وراح امشي وراك واني مغمضه

#بقينه نسولف بكل مواضيعنه وكال بعد اسبوع اني جاي اقره فاتحه  كتله صدك تحجي كال اي والله  ابوي راح اجيبه وشوف منو من عمامي يجي وياه

#بقيينه يوميه نسولف ومنتضرين هذه السبوع على نار  وامي اكيد تعرف وكتله سهلي الموضوع عرفت معتز على شيخ فخذ عشيرتنه  وصار صديقه لان ارتاحله منا لمن اجه اخير يوم بالاسبوع  اتصل معتز

معتز : حبيبي اني جاي اني وابوي وابن عم ابوي ولد عمي  حضري نفسج

#بنات اني طرررررت من الفرح  لان كل هذه تخيلته حلم لان  ابوه  من كلامه جان قافل  بس حسيت  الموضوع حلم وجاي اعيشه

يتبع

بارت 7