Mujhay uss din ka intezaar rahega
Jab bilaakhir tum merey hogay
Humaray visaal ki woh shab
Jab khushiyon sey aanchal bharray hongay
Yeh jo chaand taaray humaray tootay dilon kay gawah hain
Uss din yeh bhi khushi sey jhoom uthengay
Kay inn takleefon kay baad uss din
Humaray milan kay yeh gawah jo hongay
Safaid ghorray pey aana tum
Bilkul shehzaadon ki tarah
Mujhay bhi hoorein sajayengi
Tumhari hoor jo banayengi
Haq meher mei tumhara saath likhwaoungi
Hamesha kay liye, kaho dogay na?
Phir uss jahan mei tou koi ranjish nahi
Woh jahan bhi tou iss sab sey alag hai na
Sab kehtay hain yeh bas khwab hain tumharay
Par main jaanti hu ek din haqeeqat hogi
Kay iss duniya mei tou na ho sakay tum merey
Par main taqayamat tumhari ban kay rahungi
Phir tumhay tou mera hona hee hai
Kay yeh tou sadiyon sey teh hai
Iss duniya mei nahi, tou arsh pey kahin
Jahan na tou kuch ghalat hai, na hee kuch sahi hai
Bas kuch hai tou mohabbat hai
Aur milan, jo humara hoga
Aur han tab tak mujhay intezaar rahega
Iss vasl e yaar ka
-Z 🩷
YOU ARE READING
Vasl e Yaar
RomanceUss ka chehra Asfand ke chehre ke bilkul saamne aagaya aur dono ek doosre ki aankhon mei kho se gaye. Asfand ki shehad rang aankhei Anabia ki gehri bhoori aankhon se mili toh dono keliye jaise waqt thamm sa gaya. Uss ke haath mei maujood laltain ab...
