#الـبُــرزق " سلاسل محكمه"
هلا والله شلونكم ؟
اجيتكم بمشاهد علمود تتعرفون
للروايه أكثر ، وانطوني رأيكم في
المشاهد 😔🤍.
+
اتمنىٰ تتفاعلون علىٰ المشاهد وتكتبون
أكثر من تعليق، لأن هذا راح يفرحني
أكثر والله.
قراءه ممتعه🌚✨.
.........
مشهد "1"
چنت داغسل مواعين بخير وسلامه، منتظرته يجي
نحچي سوه ونشاقه ،بس ابد ما توقعت راح يصير هل شي اليوم الي نزل عليه مثل الصاعقة ،
سمعت صوت الجرس مال الباب يدك ، غسلت ايدي
وطلعت للطرمه علمود افتح الباب ،
فتحت الباب وجان اشوف الشخص الي داخل گلبي بدون استأذان،طلعت راسي والا اسمع صوت هوسه من بعَيد ، دورت بعيوني علمود اعرف مصدر هاي الهوسه ، بس جذبني صوته وهو يگول ،
:- .... بيت خالتج يمكن اخوها استشهد .
ما انطيت اي رده فعل علىٰ الكلام الي گاله ، بس هزيت راسي وسديت الباب ، جان بوقتها اجه بالي اخوهم الصغير ما عبالي اي شخص ثاني ، لأن كالي اخوهم ، رحت رگض لبيبي صحت بصوت عالي.
:- لحكيي بيبييي ابن اختچ استشهد .
جان واني اريد اكمل كلامي ، تدخل خالتي ، هي تصيح وتلطم علىٰ رأسها ،
:- خـ** بحضچچچ يا شرووق ما عندجج حظ دوووم هيجج يروح ابنهاااا .
نصدمت بكلامها يعني الي استشهد ، مو اخوها لا ابنها ؟؟، بس انيَ چنت منتظرة جيته علمود انسولف مو منتظره جيته بتابوت !...
........
مشهد "2"
- ماما اني خايفه الحلم مالتي يتحقق لأن تعرفين هاي الفترة احلامي كاعد تتحقق .
- لا ماما أن شاءالله خير گولي يا الله ، روحي نامي تعبانه أنتِ بنيتي .
رحت نمت، گعدت ؏ رچ اختي الي، تحچي وهي تلهث،
- گعدي يمعودة تعالي شوفي حلمچ وين وصلنا .
گمت ابلع ريگي بخوف معقوله حلمي تحقق!!؟ ،
فززني صوت رمي طلقات، الدم نشف بجسمي، رحت رگض لجوة اريد افهم شي ماكو، كلها ترجف وخايفه، ليش كلّ احلامي گاعد تتحقق، بس اكيد بيها اراده يا ربي!!...
.........
مشهد "3"
گاعد بغرفتنه الچبيره العب بالتلفون ، فجأة سمعت صوت برة بس انيَ غلست گلت بگلبي اكيد وحدة من اخواتي ، صار الصوت اقوى خلاني التفت علىٰ الباب مال الغرفه ، اركز على الممر اشوف منو راح يدخل ،
لمحت ظل شخص واگف ميتحرك ، انيَ عبالي وحدة من اخواتي ، گلت
- بلا سخافة طلعوا ترا ما تخوفوني .
شفت ماكو اي ردّ ، نزلت من الچربايه واتجهت ناحيه الباب، فتحت الباب وطلعت للممر ، الصدمه هنا ماكو احد بس، الظل بعَده واگف بصفيّ !!..
.........
مشهد "4"
راجعه من المدرسه فرحانه ، لازمه بيدي النتيجه ومَ هامني أحد بگد بالنتيجه ، وي دخلتي للفرع شفته واكف يم السيارة مالتهم ومنطي ظهره علىٰ بنيد السيارة ويلعب بالتلفون مَن بعيد ما ادري شلون لمحني ، جان يحچي بصوت شوي عالي .
- ها راسبهه موو؟
قلدت علىٰ طريقه كلامه وحجيت
- مَ يحتاج احجي واكلك أني ناجحه المهم اني اعرف .
- شو بلا شوفينهه
رفعت الشهادة من بعيد ، حجيت
- شوف ناجحه وغصبًا عليك .
.......
المشهد الاخير
ـ هي هاي جزاتي هيچ تسوين بيه يا بنيتي مخليچ بيتي بعد كل الي صار بس هيچ يروح على الفاضي!
ـ لا يبوي ما عاش اللي يسوي هيچ بس يابوية سامحني يابوية اخر مرة والله..
ـ اشَش اللي صار اليوم ما اريد احد يعرفة ، وسفة أني تطلع هيچ شي من تربات ايدي وسفة .
ـ لااا بابا والله راح اعوفـه والله...
ـ حررف واحد ينهيچ اسكتتي،، نزلتي راسي ...!
.............
شكررراً على آلاف مشاهدة اللي حصلت
عليها البدايه گلش اشكركم .
هذهِ مشاهد واتمنى انو تحصل على مُشاهدة
وتصويتات ....
عادي انو تنشرون الرواية على مواقع التواصل الاجتماعي ، أو تشاركونها ويَ اصدقائكم 🤏🏻✨.
دمتمّ في حفظ الرحمٰن 🤎.
أنت تقرأ
الـبُـرزق " سلاسل محكمه "
Romansaغَـࢪيـبُ ، قُلوبِ مَحطمة ، آناراتِ مَطفئه مُحطاتَ مضلمهً ، بَشر مُخلوصونْ اسرارِ مُخفية تخلقِ الخوف ومَا فيه ، مجردِ من الشعور ، اسودِ القلبَ اعذار أقبح منِ الافعِال ، شعور بالشر ، كَلماتِ عذراء تخلقِ السعادة في من حُوليها . كسرِ القلوب ، مَعجن الـ...
