السلام عليكم
تعال اشتاقلي بگدي
إذا ما ارسم عيونك على الشباك
هذا الليل مَيعدي
ولأن ما عندي غيرك
اشكي حزني وياه چنت ابچيلك لوحدي
ليث. يابه حسنين انته بعد تبدي دوام انه دوام وخفارات مثل ما وعيت انته ودوامي يخوف انه وافقت على هذا الزواج مو لان امك مجانت غاليه عليه لو ما احبهة او نسيتهة امك كل ما اشوفكم اشوفهة بيكم مريم مطبوعه بوجه وتصرفات كل واحد بيكم انته ماخذ حنيتهة وبياضهة وطيبة كلبهة ورقيه طبق الاصل من شكلهة انه وافقت بنت العالم علمود تساعدني بيكم وبنفس الوكت تهتم بيه وبيكم لان اني بعد كبرت وتعبت رح اطب ال٣٨ الله اعلم باجر عكبه شيصير اريد اذا صارلي شي عدكم سند عدكم احد يلمكم لان انتو هنا محد رح يهتم بيكم هذا مو يعني انو همه ميحبوكم لا همه يحبوكم وحبابين بس كلمن ملتهي بنفسه مو فارغين الكم ماشي وليدي ماريد تصير فكره بالك مو حلوه على بنا انو ابوي تزوج ونسه امي ونسانه ماشي يابه انته واختك عيوني الثنين انسه روحي وما انساكم وشاهد ربي وغلاتكم عندي هذا الزواج الخاطر عيونكم والله من اجي من الدوام واشوف اختك وصخه ومبهذله واشوفك جوعان بس تكابر وتغلس روحي تروح عليكم
حسنين. يابه انته شنو تسوي اي تصرف تسوي بنضري صح سوي الي انته تشوفه صح النه بدون ما تكلي هاي حياتك انته مستحيل احد يعرف بشنو جاي تحس او يصير وياك انه يجوز ما افهمك يجوز انته ما تكلي كلشي تحتاج احد اكبر مني يفتهمك سوي الي يعجبك دام تشوفه صح اني وياك بنفس المركز والبيت قليل افوته مو كدامك يعني ماكو اي فرق عندي واذا على امي اكيد رح تتمنالك الخير لان هيه كلش جانت تحبك وماتتمنه الشي الشين الاحد
ليث. اخذته بحضني وبقيت ابوس بي بعدين اخذته ونزلت لان رقيه نامت عفناهة ونزلنه اول ما نزلت راح حسنين يم عمي ابو مصطفى كعد بصفه كلش يحب عمي علي ومتعلق بي لان عمي علي يتعامل ويا مثلي عبالك ابنه مو حفيده وره شويه ستاذنو وراحو عمامي واحنه هم طشينه كلمن الغزفته اتفقنه نطلع بالوحده يصير التجمع بيتنه هنا صعدت نام حسنين ورقيه بعدهي نايمه اتفقنه انو رقيه وحسنين يضلون يم مرت غيث لان شتاء وشهر الواحد وطريق طويل اخاف عليهة كلت الحسنين تجي كال ابقه يم رقيه ومرت عمي عود غير وقت اروح المهم مشه الوقت خابرني سجاد كال يالله هم يالله نوصل وصدك بدلت ونزلت وبدو ينزلون واحد وره الثاني خابرت حارث ومصطفى كالو رح نطلع اجه سجاد ويانه طلعنه بسيارتي بيبيتي بالصدر وره ساره ومروه ونوران وغيث اخذ ويا حيدروكرار ومرتضى المهم شايفين من تمشون مجموعه سيارات تصير مراوغ وشقه فتقدت سجاد باوعت على سيارته ورانه بهواي خابرته
سجاد. اوف اوف اصعب واحلى لحضات هاي صعبه كلش ماكو احد وياك يفرح بيك ماكو احد تشاركه فرحتك معانات لو شكد ما احجي محد رح يفتهمهة تبقه صعبه صعبه بقيت امشي وراهم واني الف حسبه بالي وعيت من صفنتي على صوت التلفون ودموعي الي وكعو
