السلام عليكم
شفتك وروحي اطشرت
نص مني ضل يمك عدل
وعلى الثاني اقره الفاتحه
مصعب. جبناه للبيت سكران ميكدر يشيل روحه صح لو غلط شلون تردين تزوجي بنتج
ام ليث. اي اتفقنه انه وامه نزوجه علمود يستقر ويكون عائله ويبطل هل سوالف
ليث. اي واني ماعندي شغله وعمله كاعد اوزع بخواتي يساعدن بولد العالم يعدلون حياتهم يمه انتي شجاي تحلمينننن مروه بالنسبه الماجد حلم بليس بالجنه انتهة ماجد واهلهة كلهم يرحون فدوه للتراب الي يمشي عليه حارث شجاي تحجين انتي لج يمه حارث ربيتي بيدج يعوف واجبه وعلي ويروح يصلي لا فد يوم باوع على بنيه بالحرام ولا شرب فد يوم وانه وياه من الطفوله كمت وكفت. يمه هاي اخر جيه الج ترجعين ويانه وتلمين ولدج وبناتج وترجعين ام البيت وتستقبلين حيدر وتعوفين جهال اختج كل الهلا بيج لج يمه اصفني وفكري باعي احنه شحالنه حيدر يا يرجع بخير يا لا انا هاج باعي باعي ايدي شلون مزرفه من ابر الانسولين وانه المفروض هسه باحلى عمر لا ابوي ولا جدي بيهم سكر هاي انه كدامج سكر وانسولين وضغط وتخثر ودنيه غيث الي مو طايق مرته ومحد يعرف ليش كرار الي باقي بيناتنه وتعرفي شكد يحبج عفتي طزز بنتج مدرسه مفكرتي منو يكعدهة منو ينتبه الاكلهة ولبسهة لو مروه لي محد داري بحالهة المهم مال تبقين شكالت اختي وشحجت بت اختي ابقي يم اختج خلي تفيدج بس ها صحي على شغله ترا هيه لامه ولدهة وبناتهة ودافعلهم اذا جانو صح او غلط وانتي يمه انتي بعتينه بشربت مي واجيتي هنا على كلاً انتي مو صغيره وانه اجي اعلمج انتي تعرفين الصح بس انه اكلج بس اعبر هل باب بعد بيت جدي يتعذرج يا ترجعين وتستقبلين حيدر وتعوفين اختج يا مشكوره عوفينه عايشين براحتنه يالله ثيمالا تعبتك انه جدي واسف اذا رفعت صوتي بحضوركم سلمت على جدي وخوالي وبوست الولد ورحت عليهة بست راسهة وطلعت محفضتي خليت بيدهة فلوس حجو خوالي بس غلست درت وجهي وطلعت وانه اسمع خوالي يرزلون بيهة رجعت للبيت بوجهي لغرفتي حتى ما التفتت ولا سلمت على واحد طبيت لكيت رقيه نايمه على جربايتي وراسهة بحضن حسنين وحسنين يلعب بالتلفون ذبيت غراضي على الميز هوه انتبه عليه كال كلمته المعتاده
حسنين. الله يساعدك
ليث. حبيبي انته تعال اجه حضني بس زعلان بسته من راسه حسنين انته ابويه وانته اخويه وانته صديقي انته سندي بهل دنيه ماشي بابا
حسنين. صار يابه بس والله من ضربت رقيه مو لان اكرهة لو اريد افرض شخصيتي عليهة بس لان تجاوزت على عمتي وهيه جانت تريد توكلهة محبيت واحد يحجي على تربيتك النه بعدين رقيه بنتي لا تتصور اذيهة
ليث. من التعب ماكدرت اجاوبه بس حضنته حيل وره شويه وخرته وكمت غسلت واجيت للغرفه لكيته لا هوه ولا رقيه ومطلعلي كلبيتي خالهة على الجربايه لبست ونمت كعدتني بيبيتي بالسته كوم انريد نروح لبيت العالم
