هلا هلا
مدري شمات بيه
وكمت ما اشتاك
عمر تانيتك ومليتك بسرعه
من شفت على عينك لون
غير عيون
غسلت جفوني منك ب١٢ دمعه
وانه الخاطرك خنت
الوفو وياي
من اوكع يعني حيل استاهل الوكعه
ليث الله يطيح حضك كون ياحيوان ليش هيج تفكيركك حيدرر لاتشلع كلبي كافيني الي بيه وعلي روحي طالعه شد حيلك خليني اشد ضهري بيك واكول اكول اخوي بضهري مو اخوي مدد بالمستشفيات يوميه كوم يالله
حيدر. ثق بالله لوما الدوام ما ابقة ساعه وحده بالانبار
ليث. كفوو والله كفو عفية بالسبع دام خال هاي الفكره بالك انساني حيدر عفتة وطلعت اخذت السياره ورجعت للمركز كملت شغلي لل٩ بليل يالله رجعت للبيت اول ما طبيت خابرني عمي ابو احمد باجر كعده يجون ويه الغده كلتله صار كل الهلا بيهم سديته من عنده طبيت للبيت تلكتني رقية وحسنين يركضون شلت رقيه وبست حسنين وطبيت للبيت نوران كالعاده منهزمه مني ومروه نايمه اجتي ساره انطيتهة رقيه وطبيت يم بيبيتي بستهة من راسهة وكعدت يمهة سالت على حيدر كلتلهة زين الحمدالله
الجدة. شبيك يمه شو شكلك مهموم
ليث. يمه الدنيا كلهة فاره وياي
الجده. ليش يروح امك
ليث. الحمل لي عافه ابوي وجدي عليه صعب وعلي صعب.
الجده. كول يالله يمه تهون وعيونك تهون انته على كيفك ويه روحك
ليث. الله كريم جده خابرني عمي ابو احمد باجر عازم ناس على الغده حضرو روحكم واكتبو النواقص علمود ادز الولد يجيبوهن
الجده جم نفر يمه
ليث خمسين يمه ركبو زايد مو ناقص
الجده. صار وليدي اصعد ارتاح حبيبي وهيه تصفه
ليث. ان شاء الله خير يالله تصبحين على خير
الجده وانته بالف خير يمه
ليث. صعدت للغرفه صحت على حسنين يشوفلي رقيه وين اجاني كال نايمه يمي سال شبيه كلتله ماكو شي وراح اني فتت سبحت وطلعت كبل رحت للغرفه مال حسنين لكيت رقيه نايمه بحضنه بستهم ثنينهم
ليث. بابا وخرهة من حضنك ثكيله عليك
حسنين لا عوفهة مرتاحه ليوم منامت تبجي من اسنانهة
ليث. ليش.
حسنين كلت الجده كالتلي ديطلعولهة سنون بس يابه اني اعرف مو هذا السبب
ليث. لعد شنو السبب حبيبي
حسنين بخجل. بابا اني من سالت رقيه اشرتلي على حفاضتهة وتبجي اعتقد بيهة شي ياذيهة
ليث. شو شويونه وخر شلت رقيه من حضنه وهوه كام كلتله روح جيبلي هدوم الهة بين ماشوف اختك كال صار وراح نزعتهة البجامه على كيفي وخرت الحفاضه الطفلة متاكله من جوه تخوف صايره حتى من يم حد الحفاضه طالع دم 🩸 ياروح ابوج نزعتهة كلشي وصحت على حسنين يستعجل هيه كعدت تبجي وديتهة على المغسله لبست جفوف غسلتلهة وجبت عصارتهة خليت للاماكن المتحسسه اخذتهة الغرفتي وجبت عدهة فد شي تنام عليه بس من جوه نايلون يعني ميعبر دفيت الغرفه كلش وفرشت بالكاع الي والهة وهيه خليت جواهة ملحف مالتهة وخليتلهة هذا وغطيتهة بالجرجف بدون حفاضه حسنين سوالي الممه اني معلمه يغسلهة وهيه تشربهة بس بليل شربت الممه بهرمشه مال واحد ميت جوع ونامت وهيه تونون انداريت على حسنين كال رايح الغرفتي اشرتله اي وطلع هوه واني وبقت كاعد رحت فتحت شباك الغرفه وبقيت ادخن ل٢ يالله نمت كعدت بال خمسه رقيه تبجي كمت سويتلهة ممة شربتهة ورجعت غفت رجعت نمت لان ميت تعب كعدت بال١١ على صوت الباب ساره كالت رح يجون العالم وعمامي جوه كلتلهة اي كمت بقيت اتحارش رقيه وحضرت الهدوم وهاي تناغي وتلغي وحدهة شلت الفراش لان موصخه بي طبعاً اني حمامي كامل على عهد ام حسنين يعني كلشي بي غساله ونجانه وهل سوالف المهم واخذت هدوم رقيه غسلتهم على المغسله بالبدايه بعدين خليتهم بالنجانه وفتحت عليهم المي علمود يتعلن جبتهة دفيت الحمام وسبحتهة وكملتهة طلعتهة لفيتهة بالخاولي ولبست جفوف وخليتلهة علاج ولبستهة حفاضة بس قبله خليتلهة كننس على حدود الحفاضه علمود لا تاذيهة وبدلتلهة ومشطت الهة ورحت سويت ممه الرقيه شربتهة على كيفهة طبيت للحماما اخذت لهدوم الي وصختهم رقيه بالنجانه عصرتهم وخضيتهم على المغسله يالله ذبيتهم بالغساله خليت بس هدومهة وخليتلهم غسول مال اطفال وشغلت الغساله اني هم سبحت وغسلت وطلعت بدلت واخذتهة ونزلت كلت المروه اكو هدوم بالغساله ساعه واصعدي شريهن بالمشره الي بالصاله كالت ليش انته غسلتهم ليث والله اني جان صعدت غسلتهن وانوب مسبح رقيه
