Blooming Flowers | Completed ✔️

-1-

' ඔයා මේක දකින්න ඕන කෙනෙක් නෙවි .. ඒත් මට සමාවෙන්න '

" සයාශ් ... "

චනුසද කූද්දනකොටයි මං පියවි සිහියට ආවෙ. ඒ වෙද්දිත් දාඩියෙන් පෙගිලා හිටපු මගෙ ඉස්සරහ වතුර වීදුරුවක් අල්ලගෙන හිටි චනුසදගෙ මූනෙ ඇදිලා තිබුන බැරෑරුම් බැල්ම එක්ක මට කියන්න පුළුවන් උනේ ආයෙමත් ම⁣ගේ councilong session එක පටන් ගන්නවා කියලා විතරයි.

" ආයෙමත් පරන හීනෙමද "

" හ්ම්.. "

වතුර වීදුරුව මේසෙ උඩින් තියන ගමන් මං හුම් බෑවෙ මට ඊට වඩා කියන්න දේවල් නොතිබුන නිසා.

" මොකද්ද ඇත්තටම ඔය දකින්නෙ.. කියන්න බැරිද උබට උබගෙ soulmate වගේ උන මටවත් "

" මං rest room එකට ඇවිත් කොච්චර වෙලාද .. orders ආවද මට ?"

ප්‍රශ්නෙට ප්‍රශ්නයක් තියලා ඒප්‍රන් එක අදින ගමන් මම මම දොර ඇරගෙන kitchen එකට යන්න ගියත් චනුසදගෙ තල්ලුවෙන් මං ගිහින් වැදුනෙ බිත්තියක. එතනින් නැවතුනෙ නැති චනුසද මගෙ උරහිස් දෙකෙන් අල්ලගෙන හිස් කැටේක ඉතුරු කාසි බලන්න හොල්ලනවා වගේ හොල්ලන්න ගත්තා.

" බලපං කෙලින් මගෙ මූණ දිහා .. මේක ඉවරයක් කරමු මෙතනින් "

අහක බලාගෙන හිටපු මං එක්ක කෙලින් බලන් කතා කරන්න ලොකු උත්සහයක් චනුසද දුන්නත් මගේ ලොකුකම් පරාදකරන්න පහුගිය අවුරුදු දහ අටටම වගේම මේ පාරත් බැරි උනා.

වදෙන් බේරෙන්න ලොකු ආයාසයක් දීලා කක්කුට්ටෙක් වගේ මගේ ඇගේ එල්ලිලා හිටිය චනුසදව අහකට කරලා මං ඉක්මනට එලියට ආවා. ඒ එක්කම මට ඇහුනෙ එතන තිබුන පුටුවකට චනුසද පයින් ගහන සද්දෙ . තා වෙලා ළඟ හිටියනම් මාව රෝස්ට් කරල Resturant එකේ dinner menu එකට තියන්න තරම් මිනිහට කේන්ති ගිහින් තිබුනෙ කෝම උනත්.

" මොකෝ මේ chef සින්ක් එක ඇරගෙන පිලිකුල් බාවනාව වඩන්නෙ "

වැඩක් කරගන්න චනුසදව මගෑරල ආවට මං කරපු වැඩක් නෑ කියලා දැනගත්තෙ තේෂ්ගෙ කටහඩට ගැස්සිලා ගියාමයි.

" නෑ බං මං පොඩි කල්පනාවක හිටියෙ ... "

බටර් පාර ගාලා ලිස්සලා යන ගමන් මං ටැප් එකත් වහගෙනම ගිහින් එබුනෙ එලවලු කූඩෙට.