Blooming Flowers | Completed ✔️

-76-

Thurul's pov :

" හිටපු ජනපති අපේක්ෂක එඩ්වඩ් වර්ණකුලසූරියට ජීවිතාන්තය දක්වා සිර දඬුවම් නියම කෙරේ ! "

නිව්ස් පටන් ගන්න කලියෙන් news in brief වලට යනවා මං අහගෙන.. මං පැටව් දෙන්නා නිදිද කියලා බලලා ඇවිත් ෆෝන් එක අතට අරන් යූටියුබ් එක පැත්තට ගියේ සින්දුවක් අහන්න උනත් ,

සයාශ් වර්ණකුලසූරිය යනු එඩ්වඩ් වර්ණකුලසූරිය භාරනොගත් තමන්ගෙම දරුවෙක් ? තමන්ගෙ සහෝදරයා ඇතෑරපු දරුවට පියෙක් වෙලා සහෝදරයාගෙම අතින් මියගිය වරුණ ඩේව් වර්ණකුලසූරිය ගැන ඔබ නොදත් දේ !

ඒ හෙඩ්ලයින් එක දැක්කහම මගේ මාරයා ආවේස උනා.. ලංකාවෙ මිනිස්සුන්ට මී කුණක් හරි කමක් නෑ විකුණගෙන කන්න තියෙනවා නම්.. වීඩියෝ එක නොදැක්ක වගේ පහලට යන්න ගියපු මගේ කේන්තිය ආයෙම දළුදෑවෙ සජෙස්ට් වෙන වීඩියෝ ටික දැකලා..

නීතියෙන් නිදොස්කොට නිදහස් කරත් ඩියෝද් වර්ණකුලසූරිය තාමත් අතුරුදහන් ?!

මගේ කේන්තිය අවසාන සීමාවට එන්න ඇති.. මං ෆෝන් එක පොලවෙ ගැහුවෙ තවත් ඒවා දිහා බලාගෙන ඉන්න බැරිකමට.. අමල් වික්‍රමසූරිය විත්තියට සාක්ෂි දුන්නත් අංකල්ට ආපු කලු පැල්ලම එසේ මෙසේ එකක් නෙවි.. පිටට යාලුවො විදිහට රඟපාපු නිසා අමල් අංකල්ට පවා මූල්‍යමය චෝදනා එල්ල කරන්න බිස්නස්මන්ලා ගොඩක් පෙලගැහුනා.. අනිත් කෙනා අගත් දේවේන්ද්‍ර.. කසුකුසු එක දෙක ගියත් ඉලෙක්ශන් එකෙන් අගත් දිනිනවා කියන එක මටසීයට දෙදාහක් ශුවර් ! ලංකාවෙ ලොකුම මූල්‍ය වංචාකාරයා වගෙම කාලයක් හොයාගන්න බැරි උන මිනීමරුවා ඒ විදිහට එළි උනේ අගත්ගෙ උදව්වෙන් නිසා ගොඩක් මිනිස්සු මිනිහට දෙවියෙක්ට වගේ සලකනවා.. එතකොට ඔය කාටත් හොද නම ගන්න ජීවිතේ අමාරුවෙ දාගතිපු මගේ යාශ්ටයි , මැරුම් කන්න උන මල්ලිටයි දහසක් කතා අහගන්න වෙලා..

සයාශ් ලංකාවට ගිහින් අදට මාසයක්.. අද චනුසදයි මොවිදුයි ආයෙම පැරිස් එනවා කියලා තිබුණා.. ඒත් යාශ් මොනවා කරයිද කියන්න මං දන්නෙ නෑ.. මාසයයි සතියකින් මං යාශ්ගෙ කටහඩ අහලා නැති වෙද්දි නිව්ස්වලට උසාවිය ළඟදි දෙතුන් පාරක් පෙන්නද්දිත් මං මූණවත් දැක්කනම් දැක්කේ.. මං කරපු කියපු දේවල්වල හැටියට මේ දඬුවම මට මදි.. මංම පිලිගන්නවා..