Blooming Flowers | Completed ✔️

-77-

" තිවිරු මට අර අත්වැට ළඟට යන්න උදව් කරන්නකෝ "

මං කිව් පමාවට ඇවිත් තිවිරු මාව උස්සලා ගෙනිහින් වැටට හේත්තු කරලා මගේ දෙපැත්තෙන් වැට අල්ලගත්තෙ මගේ ඇඟේ දශමයක්වත් ගෑවෙන්නෙ නැතිවෙන්න.. සෙල්ලක්කාරකමට හිටියත් මාරම ජෙන්ට්ලිමන් ගතිගුණ තිවිරුට තියෙනවා.. ඒවා දැකලා ඇත්තෙ සමහරක් විට මංම විතරක් වෙන්න ඇති..

මං ඉඳියෙ ඈතින් පෙන අයිෆල් ටවර් එක දිහා බලාගෙන.. මට මතක් වෙන්නෙම යාශ්ගෙයි මගෙයි අවසාන ඩේට් එක.. එදා මාවයි පුතු පැටියවයි වැව රවුමෙදි එයාගෙ තුරුලට අරගෙන මගේ උරහිස උඩ නිකට තියාගෙන හිතට එන සින්දු හරි හිමින් මුමුණපු හැටි..

මං කල්පනාවෙන් ඇහැරුනේ ලාවට ගිටාර් එකක සද්දයක් මගේ කනට වැකුණු නිසා.. මං හිමීට හැරිලා බැලුවත් හරි මට හුස්ම ගන්න පවා අමතක උනේ තිවි⁣රු ස්ටූල් එකක වාඩි වෙලා ගිටාර් එක ප්ලේ කරන්න ගද්දි..

තිවිරු මං වෙනුවෙන් ගිටාර් එක ප්ලේ කරන්නම පුරුදු වෙලා.. ඊටත් වඩා මගේ හිත රිද්දුවෙ වෙන දෙයක්.. ගිටාර් එකේ තිබුණ ලැවෙන්ඩර් මලෙයි ටී අකුරෙයි ස්ටිකර් එක.. ඇත්තටම මං මේ හිතා මතාම එකතු කරගන්න පව් ටික ගෙවලා දාන්න විදිහක් මටම හිතාගන්න බෑ..

" ආ..ආ..ආ..ආ..ආ..

ආ..ආ..ආ..ආ..ආ..

ආ..දරෙන් හද පොගවනා
නමක් නැතී.. බැදීමකි ඔයා
නිමක් නොදැනම ලංවුනා
සද ඇබින්දී.. සද ඇබින්දී ඔයා
ආ..දරෙන් හද පොගවනා
නමක් නැතී.. බැදීමකි ඔයා "

මගේ ඇස්වල කඳුළු පිරුණා.. තිවිරු කියන්නෙ මට උනත් මට මතක් වෙන්නෙ වෙන කෙනෙක්ව නම් , මට සමාවෙන්න තිවිරු .. මං ඇස් කන් නෑ වගේ ඔයාගෙ ඉස්සරහ ඉන්න එක තමයි හොඳම දේ.. මට වෙන විකල්පයක් ඔයා වගෙම ඔයාගෙ අයියත් ඉතුරු කරලා නෑ..

" ඕ..

හාදුවක උණුහුමක් හින්දා
සියොලගම මුසපත් වුනා
තුරුලටම ලං වී.. ඔයා..

ආ..දරෙන් හද සැනහුවා
නමක් නැතී.. බැදීමකි ඔයා
නිමක් නොදැනම ලංවුනා
සද ඇබින්දී..සද ඇබින්දී..ඔයා "