قصه_من_ واقع _ الخيال 🪐
بقلم hilal
تصويت و تعليق بين الفقرات 🦋
""""""""""""""""""""""""""
* انتهى اتصالهم احمد عاف التلفون و كعد يتغده هوه و إيليا شويه إيليا صارت مشاغبه لكن هيه هاي الحياه شيسوي ، خالد سد التلفون و راح للمقر نضف اسلحته و ركبهم و طلع يم جماعته و يسولون و يرجعون الخطه شلون لازم تصير و ضافو شويه على الخطه جانو مستعدين لأي هجوم يجيهم جانو حذرين من اطراف المكان الموجودين بيه خالد جان اهم شي عنده يرجع سالم من هاي المهمه لان تفكيره صار كله يم إيليا اذا صار بيه شي منو راح يصير ابوها بعده أو هل احمد راح ينسه حبه اله مع مرور الوقت هواي اجت افكار الخالد قاطع افكاره الخالد صوت رمانه جا قريب عليه و هنا بده الهجوم بينهم و بين الاعداء جانو مطمأنين لان جانو جاهزين للهجوم ، انتهت المعركه بانتصار و واحد جريح برجله بس هذا الجريح فقط جانو فرحانين لان انتصرو على الاعداء و حزينين لان انجرح واحد منهم طلبو منهم ما يرجعون يبقون ب سامراء لان صاير هجوم بيها بالمناطق المجاوره الهم و خطر عليهم اذا طلعو من المنطقه الي بيها همه لذالك راح يبقون لحد ما يحررون المنطقه المجاوره الهم حتى يرجعون لبيوتهم .
بعد يومين
~~~~~~~~~~
*طلع خالد من المقر مالتهم ضل يدخن و قرب الجكاير يخلص منه و اشتاق لإيليا و ما يكدر يتصل بيهم لان هوه مو بحالهم و ما يكدر يصبر على نفسه إذا سمع صوتهم جان يجي اتصال من احمد بس ما جان يرد عليه أو حتى يفتح رسائله ( يتصل عليه من الرصيد و الرسائل من الرصيد ) جان يتجاهل احمد كعد يحسب بالايام يمته يخلصون هل الاسبوعين و يرجع الهم اشتاق الهم اشتياق مو طبيعي .
*احمد ما اعرف ليش خالد ما يريد على اتصالي أو رسائلي جنت اخاف و ابجي عليه اخاف صاير بيه شي و محد يكلي احس غيابه ياذيني حتى إيليا صرت ما اهتم الها مثل قبل من اشوفها احس جاي اشوف خالد كبالي صح هيه ما تشبهة بس عيونها عليه اضعف من اباوع بعيونها ما اعرف شسوي من اشوف إيليا شايله التلفون و بيه صورت خالد و حاضتنه و تبجي ما اعرف اتصرف احس روحي جمر انقهر و اعصب عليه بسببه إيليا جاي تبجي ليش ما يرجع النه إيليا حيلل متعلقه بخالد اكثر من ما متعلقه بيه ما مستعد افقد خالد بعد احس روحي تعبان عبالك واحد شايب بكلبه هم يومين ما شايف خالد و هيج صار بيه جا من فاركته 3 سنوات شصار بيه ؟
احمد:: إيليا يلا تعاي نام شوفي الساعه بيش راح تصير
إيليا:: ماما لا لا خلي نثوف بابا يجي
احمد:: اول شي لا تكولين ماما كولي بابا ، ثاني شي بابا ما يجي بعد جم يوم و يرجع تمام يلا تعاي نام
