ආදරණීය සෙහස් ||SS01||වසන්තයේ දවසක්

අට වෙනි දිගහැරුම

*************************************
"චූටි පුතා... නැගිටින්නකො මැණික." අම්මා මට කතාකළේ මගේ ඇද උඩ වාඩි වෙලා ඉන්න ගමන්. "අන්න සෙහස් හදිස්සියෙම ගමේ යන්න හදනවා. ගෙදර මොකක් හරි ප්‍රශ්නයක් වෙලාද දන්නෙ නෑ." ඒක කිව්ව ගමන් මම නැගිට්ටේ සෑහෙන කලබල වෙලා. මම කෙලින් ම ගියේ සෙහස්ගෙ room එක හොයාගෙන.

"සෙහස්.. මොකෝ මේ?" මං ඇහුවෙ සෙහස් ඇදුම් ටික සූට්කේස් එකට අහුර ගන්න දිහා බලාගෙන.

"අයියේ අපේ තාත්තා කෝල් කළා. අපේ ඉඩම් වල අයිතිය වෙන කෙනෙක් පවරගන්න යනවලු. අනේ මං දැන් එහෙ යන්න ඕනේ අයියේ.. ඔයා ඉතුරු දවස් ටික ගෙදර ඉඳලා එන්න. ඔයාට පුලුවන් නං මට cab එකක් කතාකරලා දෙන්න Daegu වලට යන්න."

"හරි මාත් එන්නං යන්න. මොකක් හරි කරගන්න පුලුවන්නෙ මාත් ගියොත්." මං එහෙම කිව්වෙ ආයෙත් මගේ කාමරේට යන්න හැරෙන ගමන්. ඒත් එක්ක ම සෙහස් මගෙ අතින් අල්ලගත්තා.

"එපා අයියේ.. මං කතාකරගෙන එන්නං. මං ගිහින් ඔයාට කෝල් එකක් දෙන්නං.. මගෙ හොද කොල්ලනේ..." සෙහස් එහෙම කියලා ආයෙමත් ඇදුම් අහුරන්න පටන් ගත්තා. එයාට ලෑස්ති වෙන්න ඉඩ ඇරලා මං කාමරෙන් එළියට ආවේ Daegu යන්න වාහනයක් ලෑස්ති කරලා දෙන්න. මම අපේ ගෙදර වාහනයක් ම ලෑස්ති කරලා දුන්නා.

"හදිස්සියක් වුනොත් මට කෝල් කරන්න. හරිද.. ආ.. මේ debit card එක තියාගන්න. වුමනාවක් වුනොත් මේකෙන් ඕන තරම් සල්ලි ගන්න. මං secret code එක SMS කරන්නං..." ප්‍රසිද්ධ band එකක් වුනත් මුල් කාලේ අපේ කොල්ලො ගාව කෝටි ගණන් සල්ලි තිබ්බෙ නෑ. ඒ නිසා මං සෙහස්ට මගෙ family bank account එකේ card එක දුන්නා.

"අනේ අයියේ...මේක.?" සෙහස් මගෙන් ඇහුවෙ පුදුමෙන් වගේ.

"ඕක තියාගන්න. ප්‍රශ්නයක් වුනොත් මට කියන්න. හරි නේ? පරිස්ස්මට ගිහින් එන්න මගෙ මැණික. ආදරෙයි" සෙහස්ගෙ කනට කරලා මං හෙමිහිට කිව්වේ අම්මට ඇහෙන්නෙ නැති වෙන්න.
අම්මා ළඟ හිටිය නිසා මට සෙහස් ව kiss කරන්න බැරිවුණා. මට දුක අපේ ගෙදර ඇවිල්ලා කොල්ලට එක සතියක් එක දිගට ඉන්න බැරිවුණ එක ගැන.

සෙහස් ගියාට පස්සේ මුලු හවස් වරුවම මං හිටියෙ අම්මයි තාත්තයි එක්ක කියව කියව. ඒත් මං බලාගෙන හිටියේ සෙහස්ගෙන් call එකක් එනකං. අම්මලත් එක්ක රෑ කෑමට එළියට ගිහින් එනකොට එදා රෑ 12 ටත් කිට්ටු වෙලා තිබ්බා. සෙහස්ගෙන් call එකක් එනකං මට එදා රෑම නින්ද ගියේ නෑ. අන්තිමේදී පාන්දර 3 ට විතර සෙහස් කතා කරලා කිව්වා එයා ගෙදර ආවා කියලා. මට නින්ද ගියේ එතනින් පස්සෙයි.