နွေဦးလေပြေ၏ညှင်းသွဲ့သွဲ့တိုက်ခတ်မှုကြောင့် ရွက်ဟောင်းတို့မြေခ၍ ရွက်နုလေးများပွင့်ဖူးသည့်အချိန်။ တသိမ့်သိမ့်စီးဆင်းနေသည့်စမ်းချောင်းလေးဘေးတွင်ထိုင်ရင်း သဘာဝအလျောက်ပွင့်နေသည့် ပန်းရိုင်းပွင့်ငယ်များစွာထဲကမှနီနီရဲရဲပန်းပွင့်ငယ်ကိုခူးယူကာ ဘေးတွင်ထိုင်နေသူ၏နားကြားတွင်ပန်ဆင်ပေးလိုက်သည့်အခါ ခေါင်းလေးငဲ့ကာကြည့်လာသူ.......။
"လှတယ်....."
"ကျွန်ုပ်ကလား........"
"အင်း....ပန်းကလေးကလှတယ် ကျုပ်တစ်ယောက်ထဲပိုင်တယ့်ပန်းကလေးလေ"
သဘောကျစွာ တခစ်ခစ်ရီမောသံက ကမ္ဘာမြေကြီးရဲ့လှုပ်ရှားမှုအားလုံးကိုရပ်တန့်သွားစေသလိုပင်။ သူ၏အမြင်အာရုံထဲမျက်ဝန်းကျဥ်းလေးများမှိတ်ကျသည်အထိ ရီမောနေသည့်သူကိုသာမြင်ရတော့သလိုပင်။
"ရာသီဥတုကသာယာတယ်နော်......."
ရီမောနေသောသူသည် ပတ်ဝန်းကျင်သို့ခေါင်းလှည့်ကြည့်ကာ ပြောလိုက်သည်။ ထိုသို့ပတ်ဝန်းကျင်အားစူးစမ်းနေရင်းမှ သူ၏ဘေးတွင်ထိုင်နေသူကိုပြန်လှည့်ကြည့်လိုက်တော့ ထိုသူကမရှိတော့ပေ။
"Jungkook.....ဘယ်ရောက်သွားလဲ"
"Jimin!!!!"
အနောက်ဘက်မှအော်သံကြောင့် အထိတ်တလန့်လှည့်ကာကြည့်မိတော့ မြင်လိုက်ရသည့်မြင်ကွင်းကသူ့အားအကြီးအကျယ်စိုးရိမ်သောကရောက်သွားစေသည်။
မြေပြင်ပေါ်တွင်လက်နောက်ပြန်ကြိုးတုပ်ခံထားလျက် ဒူးထောက်ထိုင်နေရသော သူ၏မိဘနှစ်ပါး......လည်ပင်းနေရာမှသွေးတို့စီးကျလျက် ငိုကြွေးနေကြကာမျက်ရည်တို့အစား သွေးမျက်ရည်တွေသာစီးကျနေသည်။
"အမေ!!!အဖေ!!!!!"
ထိုသို့သူ၏မိဘနှစ်ပါးအနောက်တွင် သွေးစများပေပွနေသောသူ၏ခင်ပွန်း Jungkookက သွေးချင်းချင်းနီနေသောဓားကိုကိုင်ကာ သူ့အားစိုက်ကြည့်နေသည်။ ထို့နောက် ဓားကိုင်မြှောက်လိုက်ကာ သူ၏မိဘနှစ်ပါးလည်ပင်းထက်ဝယ်ဖြတ်တောက်တော့မည့်ဟန်ဖြစ်တာကြောင့် ပြေးကာတားရန်ပြင်လိုက်သော်လည်း ခြေခေါက်လဲမှုကြောင့်မြေပြင်ပေါ်သို့ဝမ်းလျားမှောက်ကျသွားပြီး နားရွက်ကြားမှပန်းနီနီလေးသည်လည်းမြေပေါ်သို့ကြွေဆင်းသွားရသည်။
YOU ARE READING
ရန်သူမှကြင်ယာတော်သို့ { Completed 🍎}
Randomအချစ်ကြီး၍အမျက်ကြီးခဲ့သူနှင့် နှလုံးသားနှင့်ရင်းကာချစ်ခဲ့ပြီးအသက်ဖြင့်ရင်းကာမုန်းတီးခဲ့သူ
