မျိုးနွယ်စုနှစ်စု၏ နယ်မြေလုတိုက်ပွဲမှာ ၃လနီးပါးကြာမြင့်လာခဲ့ပြီး အနိုင်အရှုံးမပေါ်သေးပေ။ သို့သော် မျိုးနွယ်စုနှစ်စုလုံးမှစစ်သည်များကတော့ ဒဏ်ရာရ အသက်ဆုံးရှုံးသူများ များစွာရှိလာခဲ့သည်။ အရှေ့ပိုင်းမျိုးနွယ်စုသည် ရိက္ခာမလုံလောက်ဖြစ်လာတာကြောင့် စစ်သည်များကအင်အားပြတ်လတ်နေပြီဖြစ်သည်။ အနောက်ပိုင်းမျိုးနွယ်စုမှစစ်သည်တို့သည်လည်း အရှေ့ပိုင်းစစ်သည်တို့၏ အဆိပ်မြားဒဏ်ကိုအလူးအလဲခံကြရသည်။
ခေါင်းဆောင် Jungkookသည် ရန်သူများနှင့်တိုက်ခိုက်နေစဥ် မျက်လုံးမှာလည်းအနီရင့်ရောင်ဝတ်စုံဖြင့်လူကိုလည်း မျက်ခြေမပြတ်လိုက်ရှာနေမိသည်။ အရှေ့ပိုင်းမျိုးနွယ်စု အကြီးအကဲရဲ့ တူတော်ဖြစ်မှန်းသိလိုက်ရချိန်တွင် ပို၍သတ်ချင်လာသည်။
ခေါင်ထိအကုန်စား........။
အခွင့်အရေးရသည်နှင့် တိုက်ပွဲအလယ်တွင်မြားတစ်စင်းဖြင့် ပေါ့ပါးစွာလှုပ်ရှားနေသောအနီရောင်လူသားထံသို့တရှ်ိန်ထိုးပြေးသွားလိုက်သည်။ မျက်စိလျင်သည့်သူကလည်း ချက်ချင်းမြားဖြင့်လှမ်းပစ်သည်။ မြားတွေကိုဓားဖြင့်ခုတ်ကာဖယ်ရှားလိုက်တော့မျက်နှာမဲ့ရွဲ့ကာကြည့်နေသောအနီရောင်လူသား..........။ လက်ထဲမှလေးကိုပစ်ချ၍ခါးတွင်သိုင်းလွယ်ထားသောဓားအိမ်ထဲမှဓားကို ထုတ်လိုက်ပုံအရ မြားတံကုန်သွားပြန်ပြီထင်သည်။
Jiminသည် သူ့ထံသို့ရည်ရွယ်ချက်ရှိရှိ ပြေးလာနေသောအနက်ရောင်ဝတ်ရုံနှင့်သူကို မြင်ပြင်းကပ်လှစွာ မြားဖြင့်အဆက်မပြတ်ပစ်ခတ်ခဲ့သည်။ တစ်ခါပစ်လျှင်မြားသုံးချောင်း အသုံးပြုတာတောင်မှ သင်း(ဒင်း) က ရှောင်ရှားနိုင်သည်။ ထိုမောက်မာသည့်မျက်နှာထားနှင့် သူဖြင့် ထိပ်တိုက်တွေ့ရသည့်အချိန်တိုင်းသူ၏မြားတံတွေကကုန်သွားတတ်တာကြောင့် သုံးလအတွင်းထိုသူကို ဓားဖြင့်သာတိုက်ခိုက်ခဲ့ရပြီး တိုက်ခိုက်နေစဥ်အတွင်းမှာလည်း ထိုသူ၏လှောင်ပြောင်သံအမျိုးမျိုးကိုကြားရသေးသည်။
အသွားနှစ်ဖက်ပါသည့် ဟန်နိုင်ငံမှပြုလုပ်သောဓားက ဂျိုဆွန်းနိုင်ငံမှ သံမဏိဖြင့်ပြုလုပ်သောအသွားတစ်ဖက်သာပါသည့်ဓားသွားအပေါ် အပေါင်းလက္ခဏာလို ဒေါင်လိုက်ပိုင်းခုတ်ထားကာ ဓားပိုင်ရှင်တွေမှာလည်းအကြည့်ချင်းစစ်တိုက်နေရသည်။
YOU ARE READING
ရန်သူမှကြင်ယာတော်သို့ { Completed 🍎}
De Todoအချစ်ကြီး၍အမျက်ကြီးခဲ့သူနှင့် နှလုံးသားနှင့်ရင်းကာချစ်ခဲ့ပြီးအသက်ဖြင့်ရင်းကာမုန်းတီးခဲ့သူ
