القربان

البارت الثاني عشر

انت ليش ازوجتني ..

ونزلت نونه بلكاع ..
نونه خلت راسها ع المخدة يمي .
.
وغطت روحها ..
بقت واكفه روايه ..
كالت بالله عليك جاوب ..
حجي بصدري صارله هوايه مدفون ..
كتلها ..احجي ..اسمعج ..
لا اسمعك الاول ..وبكل صراحه اريدك ..
مقابيل الجربايه ..عارضه مال تلفزيون ..
كعدت كبالي ..واتجت ع العارضه ..
اني نايم ..
ونونه بصفي ..
كمت ..وبقيت ايدي ع شعر نونه اللعب بي انومها
كتلها .
استرج
و ..انجبرت بيج ..علمود جهال اخوي ..
كالت رحم الله والديك ..
ليش اني جنت مصلخه لو ممستورة ..

ترة اني هم انجبرت بيك قصي ..
كتلها ..ادري ..
وسالفخ الستر ..مو هيج ..

كالت بس انت متحس شوف نفسك وبس الضحيه ..
وتحجي عليه ..
ونضراتك كلها احتقار وتقزز..
عبالك ..
اني غصبتك
اسألك سؤال ..

جواب ..
سالت روحك فديوم بهاي الاشهر او العشرين يوم الي تروح بيهن  اني شنو حالي ..

مو اني حلال اخوك ومجبور بينه ..

كتلها شبيج ليش....

ضحكت ..كالت سلامتك ..

بس مو هينه علي سالم صفى جوة التراب ..

كلت الها ..
ها انتي هم ذبين الصوج بية  ..واني موته

كالت لا لا ..قدر الله ..هذا ..

بس مو هينه عليه فراكه .الفراك صعب ياخذ الروح
الموت ميوجع الاموات .
احنه نتوجع ..ونحترك ..
ولا سهله عليه ازوجتك جبر ..
ولا سهله عليه ..تنام بغرفتنا اني وسالم
ولا سهله عليه نونه تكولك بابا ..
ومن تروح اضل تبجي ..وادور بهدومك ..
وحسوني الف مرة يسالني عليك وعلى ابو .بليوم
كلهن صعبات ..

كلت الها اني عمهم ومجبور بيهم هذول لحمنه ..وانتي بنت خالي مو غريبه روايه بس مداتقبلج كزوجه
كالت اوكف ..ليش اني متقبلتك .؟

تدري اول يوم من زوجنه ..وكتلي
لمي شعرج ..انتي حلال اخوي
فرحت ..حيل ..لان مراح تتقربلي

وكضيت ايام ابجي ..لان  صفيت بليه والي
بقيت صافن ع كلامها .
متوقعت هيج كلام منها ..
جريت جكارة ودخنت نونه نامت ..
وحسوني يم امي ينام ..
كتلها فهمتج خلص ..
كالت لا مخلص ..
تعرف شنو الي صار اليوم .
مو داعرض نفسي عليك
لا ..بس الحجي يوجع مثل السيف ويكص بيه ..
ياحجي ..؟
احلف متحجي ..
شكو روايه ..
احلف ..
بروح اخوي وتراب ابوي ..ماحجي ..
كالت ..عمه والبنات ..
شبيهن امي وخواتي..
سكتت..احجي ..
كالت ..
من مات سالم ورة العدة ردت ارجع راعي بيتي
راح ونهجم ..بيتي المن باقيه ..
وكل حايط بلغرفه يسلب روحي سلب ..
عمه مقبلت ..
ورة يومين دزت ع ابويه وعمي .خوالك
وكعدوني ..
راح ناخذج لقصي ..بسكوت ..
كل واحد حجالي جريدة ..
لخاطر الجهال ..
وبعدج اصغيرة ..خواني ونسوانهم من صوب ..
كل واحد يحجي شكل ..
وانجبرت اقبل ..
جوي البنات خواتك  انت تعرف كل اسبوع يجن .
عرفت ..سرى ..
اختي الصغيرة ..
كالت لعمه مكافي كرطت راس سالم هنوب قصي..
شزوجوها ..
عوفوها غصبا ما عليها تكسر ظهرها ع جهاله ..
لو اله رجال ..الا ..
متكدر تعيش بلياه .
قاطعتها ...
كتلها كملي ..
اعرف اختي ..سرى ..لسانه طويل ..
وشكلتي الها ؟