بقى ..الفون بايدي ..
وروايه ..كعدت ..بصفي واتباوع ...
منو قصي ..
رفعت ..وجاوبت ..
الووو .
الووو.
شلونج ريحانه ..
هلو قصي ..تمام وانت ..
بخير ..
اكولك شنومحاجي .ياسين بشي ..
كتلها ..اي ..كلج .بلي صار ..
روايه ..رجعت ..نامت ..
بقيت ..بنفس مكاني متحركت ..
ريحانه ..كالت ..طب ياسين يضحك ..وكعد يمنه بلهول
اني ..جنت ..كاعدة ..
اكلب بلفون ..
كتلها كملي ..
كالت ..طب يضحك ..وامي سالته شبيك تضحك ..
كلها ..ابو شيبه....اجه ..ويضحك ..
امي ..كالت شبيك يمعود فهمنا ..
كلها ..يريد ريحانه من جديد ..
اني سويت نفسي ..ممهتمة..للموضوع ..
امي / كالت كمل ..شنو ..يريد ..
كلها ..يريد يخطبها ..
كالت ا اي ..وشكال ..
..اني سكتت ..و امي كالت اله وشراح تسوي
كلها ..طبعا مانطي ..
امي ..سكتت ..
وباوع عليه ..
كال اول شي ..عسكري ..
وثاني شي ..منزوجها هسة ..خليها ..
امي كالت ..بكيفكم بس هو من زمان يريدها ..
كام من يمنا ..وكال ..يمعودة هو جان لا بلحشد ولا شي
مقبلنا بي هنوب هسة ...ومزوج هم ..
اني مفشلته بس اكيد ماقبل بي ..
وراح ..
كالت ..الو ..انت ويايه قصي ..
كتلها وياج واسمعج ..
وانتي شنو رائيج ..
كالت ..
قصي بصراحه ..
اي احب الصراحه اني ومن زمان ..علمتج عليها ..
جان اكو بلكنتور مرايا ..وضوة خفيف يعكس ..
روايه ..كاعدة مو نايمه ..
كالت ..صح احبك ..بس هوايه اشياء تغيرت
كتلها شنو الي تغير ؟
بهلاثناء فوني خلص شحن ..
كتلها دقيقه بس اجيب الشاحنه ..
كمت فتحت المجرات ماكو ..
روايه رفعت راسها كالت هناك ع الكومدي موجودة ..
اخذتها وشحنت ..
اي .كملي ..
كالت قصي هاي منو يمك ..روايه مو ؟
كتلها اي ..يمي ..
كالت .اها حلو ..جيد ..
رجعت كملت كلامها ..
اي قصي ..خلي اكولك شي ..الزواج مو بس حب ..
اني مريت ..بتجربه الزواج ..واعترف اني احبك ..
بس ..كل واحد منه ..حياته شي ..ثاني
كمت من مكاني وكعدت بلكاع ..
وجريت الباكيت وورثت جكارة ..
اسمعج ريحانه ..
كالت لا ضوج مني صح اصغر منك بس ..
عرفت الحياه صح ..
اولا انت مراح توفر الي الحياه الي اريدها ..
اني اريد بيت وحد ..واريدك الي وحدي بس ..
......
كالت اشو ساكت ناقشني ..
كتلها اسمعج الاول وراها اناقشج ..
كالت ..اي اني اريد اعيش ..
اطلع واطب واجي وانت كلت الحشد ..
انت اختاريت طريقك
ع شنو ..تكول لاخويه اريدها ..
راح تترك الحشد
وتترك روايه
وتكعدني وحد
؟؟؟؟؟؟
كتلها لا ..
لعد من كيفك تقرر اريدك لو لا ..
راح تكول تربيتي وتعبي انتي ..
ترة انت مجنت تسهر الليل عليه ..وتشربني حليب ..
هذا فضل امي .واهلي .
راح تكول ..تعبت عليج ..
شنو ..الي تعبت بي ..شال ..فون ..كارت ..
فلوس ..مدرسه خصوصيه ..هدايا ..هدوم ..
هذا تعبك ..عمي شوف العالم شلون عايشه ؟وشسوي
..كملي ست ..
ضحكت ..اخ ..شنو هلكلام وهلاسلوب ..العجيب ...
كملي ..
كالت اني احبك ..بس ..مو الحب كل شي بلحياه ..
واني تغيريت ..هاي التجربه
عرفت ببيها الحياه اكثر ..
مو نفسي الي تلبسها جواريب او ..عبايه ..
وتسمعك ..بكل .شي ..
