البارت الثاني
يوم جديد و اول يوم وحياة جديده بالنسبه ل جود ومُناي
الكل صحى ونزل لجل الغدا .. الكل لازم يكون موجود
اما مُناي اللي صحت متأخر وجهزت ونزلت
عبدالعزيز : صح النوم
الجده : صباح الخير يا بنيتي تعالي تغدي
مُناي : صباح النور عافيه
عبدالعزيز : مُناي تعالي جنبي
استغربت مُناي وهي كانت بتجلس جنب البنات
راحت وجلست عنده
وقالت : سم يبه بغيت شي؟
عبدالعزيز : لا بس تغدي
خلصو وطلعو البنات الغرفه وكانت الجادل مسويه شاي وجايبه فصفص لجل تكمل الجلسه .. جلسو يسولفون
تحت عند الجده والجد وعبدالعزيز
الجد : يعني مافيه امل !
عبدالعزيز : لا للاسف مجبور
الجده : كم بتجلس طيب ؟
عبدالعزيز : شهرين او ثلاث
الجد : يوه كثيره وما يمدي تتهنى البنت بالجيه !!
عبدالعزيز : عوافي نعوضها مره ثانيه
مرعي : ما تقدر تخلصون شغلكم وتتركون البنت عندنا ؟
عبدالعزيز : صعبه
العصر ~
بغرفة عبدالعزيز
دخلت نجوى ومعاها مُناي
عبدالعزيز : مُناي ..
مُناي : لبيه
عبدالعزيز : تدرين .. طلبوني للشغل ضروري ولا اقدر ارفض
مُناي : طيب ؟
نجوى : يعني ان طيارتنا الساعه ٧
مُناي : طيارت ايش
عبدالعزيز : يعني مجبورين نرجع بعد ثلاث ساعات !
مُناي : ابوي تكفى امس جينا بدري على الشغل !
عبدالعزيز : ادري .. بس مو بيدي مجبورين والله
ضاق صدر نجوى بسبب ان الشغل طلع لهم فجأه
عبدالعزيز : ماعليه يا بنتي اوعدك نعوضها اول ما نرجع
مُناي كانت تحاول تخفي دمعتها : نجلس بس اليله ! تكفى
عبدالعزيز : مو بيدي يا بنتي .. لو ودي العمر كله هنا
مُناي ماقدرت تمسك نفسها : ووين الرحله ؟
عبدالعزيز : دبي
مُناي : يصير اجلس .. تكفى يا ابوي ماودي بالرجعه
عبدالعزيز : لحالك ؟ صعبه
نجوى : ماهي لحالها امي وخالاتي موجودات .. ولو بغينا شي نتصل ب اي وقت .. وهي ب امان لا تخاف دام ودها بالجلسه
مُناي : شفت ما علي خوف .. تكفى بجلس عند البنات
عبدالعزيز مسح دموعها وحضنها وقال : تبشرين يا ابوي بس توعديني تنتبهين ل نفسك و ل اكلك
ابتسمت مُناي : ابشر ماعليك
خرجو عبدالعزيز ونجوى بعد ما ودعو بنتهم والجد والجده .
عدا اليل بسهرة البنات ومحاولة تخفيف حزن مُناي بسبب سفرة اهلها
الساعه ١٢:٤٥ بالحوش بالهواء البارد والضلام جالسين
ريما : بنات ما عاد اقدر فيني نوم
ميهاف : نفسي والله ما نمت زين
ضحكت جود : كلنا ما نمنا زين
قامو البنات ما عادا مُناي اللي جلست ورفضت تطلع معهم .. ماحبو يضغطون عليها البنات وخلوها
بعد ساعتين هواجيس .. الساعه ٣:٠٠ الفجر
دخل دحام البيت وشافها تردد يروح لها .. حاول يناديها بس الاسم ؟ كيف ما فكرت اعرف اسمها ولا حتى اسال!
تقدم دحام وقال : عادي اجلس ؟
ما ردت مُناي وهي سارحه ..
جلس وقال وين ماخذتك الهواجيس ؟
تنحنحت وسكتت
قال : فيك شي !
مُناي : يهمك ؟
دحام : شفيك معصبه مجرد سوال !
مُناي : مافيه شي
دحام وهو حالف يستلمها
قال : كل هاذا وما فيك شي؟
قامت مُناي وطلعت ل غرفتها وهي مو طايقه احد .
صباح ييوم جديد
اسرار : خاله ريما ما قالو لك من بيجي ؟
ريما : الا خاله احلام واريج وبناتهم
غزلان : ايه اشوا مافيه احد غريب
جود : يوه يقدمي .. من زمان عنهم !
الجادل : ماعليك ساعه وهم عندك
ميهاف : مُناي وين ماشفتها من صحيت
جود : نايمه .. حاولت اصحيها مره رافضه
الجادل : شكلها نامت متاخر
ريما : يروحي ما يمدي تتهنى والا وسافرو اهلها !
اسرار : عادي اهم شي هي جلست وان شاءالله تصحى وهي مروقه
بعد ساعه وصلو اريج و احلام وبناتهم
بعد ترحيب .. جلسو ومابين سوالف وضحك ووناسه لاكن بغياب مُناي اللي صحت والحراره مولعه بجسمها
حاولت تفتح الباب لجل تنادي اي احد ..لاكن بدون فايده .. انتبه لصوت الون والحركه الخفيفه وطلع
مُناي وهي مو قادره تمشي تحس بجسمها ثقيل
مُناي : تكفى
دحام : لبيه شفيك ..راح لها بدون تردد !
طاحت على صدره ولا هي حاسه مين الشخص اللي قدامها !
حس بسخونة جسمها ولا هي قادره تمشي .. شالها ودعى ربه ما يشوفه احد ويفهم غلط و حاول يدخلها غرفتها وما عرف يتصرف .. سدحها بسريرها .. وجاب كماده ومررها على وجهها ويديها .. حس بيها تستجيب معه .. فتحت عيونها بشويش وصارت تتكلم كلام ما ينفهم .. مدت يدها ولا شعورياً مسكها دحام .. وقال معي لا تخافين .. دمعت عيونها بغزاره ومدت يدها تغطي عيونها .. ماتدري ليه بعد هالمسكه حست ب امان .. بس هي ما تعرفه ولا هو يعرف اسمها ..
دحام : تبين انادي لك احد ؟
مُناي : ابي جود !
دحام : ابشري طلع دحام من الغرفه وهو يرجف .. اتصل ب اسرار وطلب منها تطلع له فوق هي وجود
دخلت اسرار وقالت : سم وش بغيت ؟
دحام : ما اعرف بنت خاله نجوى طلعت وواضح تعبانه ادخلو لها
خافت جود وقالت : مُناي ؟
راحو لها .. ودحام واقف مكانه .. معقول اسمها مُناي .. غريب .. وحلو .. نادر .. مسك قلبه وسمى ودعى ربه الثبات .. مايدري هو طاح بحبها صدق ولا بس اعجاب!
لاكن هيهااات يا دحام بن مرعي ..
مو بس اعجاب ..
الا حبيتها .. وطحت ومحد سمى عليك !!
