قدرى متقلب المزاج ... " لهيب الحب "

(٤) وجهان لشخصٍ واحد

بسم الله الرحمن الرحيم ♥️
اللهم انى عليك توكلت و انت رب العرش العظيم❤️

ضغطة او نقرة .. هل تكلفك؟ ترى أنها شئ دون فائدة؟
مخطئ يا عزيزى ف تلك النقرة الصغيرة من وجهة نظرك أنا أنتظرها بفارغ الصبر و تدخل لقلبى السرور و يزداد حماسى لاكمال ما بدأته ...

تنبية بالمواعيد : فى يوم السبت و الاربع ٩ مساءاً ... ابتدائاً من الأسبوع المقبل ♥️

كل عام و أنتم بخير و سلام يا أحبائي راجيةً الله أن يسعدكم و ان تنعاد أيام شهر رمضان المبارك عليكم بالخير و البركة ... و كالعادة نبدأ ب الصلاة على حبيبنا نبى الرحمة ♥️♥️

أتمنى لكم قراءة ممتعة

♡♡♡♡♡♡♡♡♡♡

" جريمة قتل ازاى يعنى ؟ "

أسودت عيناه بغضب جحيمى ، ف كيف لحيلة بسيطة أن تقع بصديقيه أحدهما قُتل و الاخر يصدق أنه أنتحر .. ليحاول التهدئة من نفسه قليلاً .. ساحباً شهيقاً مرتفعاً متحدثاً بهدوء

" أولاً مش عارف من أمتى بقيت غبى كدة يا أيلاف .. بس أنا هعذرك عشان الى قدامك دى مش جثة عادية دى جثة أخوك .. و مع أنه مش مبرر بس ماشى .. قولى ازاى أنتحر و الرصاصة دخلت من ناحية الشمال و خرجت من اليمين و طبعاً ده باين من وصفك للجرح ان الرصاصة دخلت من الشمال .. طب بلاش دى البارود لقيت ليه أثر لو انتحر هتلاقى أثار البارود .. ولا أنت ما صدقت أنه أنتحر و مقومتش بدورك "

دهشة ! صمت ! عجز ! لعن ! حزن ! غضب ! ... مشاعر تتركز و رد فعل صامت .. لا يستطيع التحدث كيف ؟ كيف يصدق أن صديقه خائن ؟ كيف لأخيه الذى يأخذه لصلاة الجمعة و يتّلو عليه الآيات الكريمة ان يموت منتحراً ؟ كيف شكّ فى أخيه كيف .. لعن نفسه و الدموع تلألأ و سريعاً استسلمت العيون و تركت العنان للدموع

" لا حقيقى دى أبسط حاجة ... أنا لو قعدت أتكلم فى كل نقطة و كل الادلة الى تثبت انه اتقتل مش هخلص ... و تيجى انت و تقولى أنتحر .. إيلاف انت حقيقى متسرع .. و ده مش وقت عياط خالص أنت لازم توصل للى عمل كده فى راجح .... أنت عارف ان راجح كان من أكفئ الضباط "

مسح إيلاف دموعه .. و أشتد عيونه إحمراراً و الحقد و الغضب يغمره

" انا دايماً متسرع كده .. بس منظره كان صعب اوى عليا .. صعب .. خلانى فجأة عاجز و مش عارف أفكر "

" عموماً يا إيلاف .. الاستهتار ده مش هينفع قدام .. راجح هو الى كان بيشتال الليلة عنك .. دلوقتى انت لازم تبقى فايق عن كدة و تبطل الهرجلة دى " 
تنهد التنين و اكمل بصوتٍ حنون و لين أكثر