PART:23🥀
🔥🫦جــــمـــــران♡الــــشــــهـوة🫦🔥
بقلمي:#Doja_Didija
تقريبا مع الثلاثة دالصباح، كلوشارا اللي نعاسها نورمالمو ثقييل، بدات تأن وتفرك على صبعانها من فوق البلاستيكة الطبية االي كانت ملبساهوم حامية من الماء ، كلاوها بزااف...
حلاات عويناتها فالظلام، باش ضور مفزوعة تشعل الضو وتبدا تفيق سلطان من الكابوس فاش راهو ..
سلطان: [ كان باقي على حالو رما من جيهتو الغطا و تايتحرك، عرقان و يدعق فنعاسو بكلام ماواضحش تايتكلم وكأنو طفل صغير ]: انننننن لااا حببس لاااا باباا لااا...
كلوشارا: تلفات تاتحاول تفيق فيه تحركوو وتعيط باسموو: سلطااان فييق سلطااان [و هو ماقادرش يسمعها او يخرج من الحلمة ] و اخيرا هزات من القرعة ديال الماء حدا راسها شويا ديال الماء مقصحة فيدها كثر و رشاتو..
سلطان: عاد استوعب بعد قطرات الماء الباردة االي نزلو عليه، ناض جلس مفزوع شاد على راسو ، قدر يستوعب دغيا انو الكابوس اللي راودو بزااف فحياتو رجع لو اليوم من سوء حظو، دار مخنزر فكلوشارا: مالك؟
كلوشارا:[ماعجبتهاش نبرتو وشوفتو ] مالك نتا؟ بشنو كنتي تاتحلم؟
سلطان: [مخنزف فيها كثر و نطق بعصبية] ماشي مهم [وناض مامسوقش للفوطة للي طاحت دخل للحمام تايغسل وجهو ]
كلوشارا: عصبها كيفاش ضار فيها وعاد معصبها صبعها المهرس بالضبط اللي واجعها بسبابو اصلا. نهار هرسها و اليوما اللي فورصا عليه ، ناسية انو تاهي كانت ناسياه وغارقة معاه فعالمو، ناضت وقفت مخنزرة كثر منو شادة ففوطها و دخلات عليه للحمام
سلطان:كان سرد وجهو بالما وواقف مركز نظرو على عيونو فالمرايا ، عينيه كيف الجمر مخنز نفسوو تاتسمع مجهدة دليل على عصبيتو ، حتى فيقاتو من سهوتوو داخلة فارعة الباب،
كلوشارا: شافتو بنص عين شنو تايدير ، ودازت مخنزرة، تاتأفف وقفات حداه ، بلاما تعيرو حتى اهتمام ، مدات يدها للبلاكار معافرة مع اليد لاخرا اللي زادت فصداعها تشد الفوطة ، للحظة كانت غاطيح ، لقفاتها دغيا معصبة، هزات المهدئ و ضارت
خارجة.سلطان : هاز فيها حاجبو ، خلاها حتى سالات وضارت و هو يجرلها الفوطة مطيحها مخليها تخرج تاتجري، وتلفت فيه ، سمع منها غير كلمة مرييض اللي نطقات ..
🥀PART:24🥀
تخشات فالسرير مغطية دغيا تاهي مافيها اللي يلبس عليها. بغات غير تشرب ديك الكينة و تنعس من عصبيتها بهادا ، خداتها شربات جوج فدقة عالله يهدا و سلتات البلاستيكا حطاتها، قلبت صبعانها لقاتهوم ماسردوش يعني غير حيث فورصات عليهوم ونسات راسها باش ضروها.. لمحاتو خارج ، هبطات دغيا و تغطات كاملها بالكوفرلي و دارت عاطا جيهتو بالظهر..
أنت تقرأ
🔞🔥🫦جمران♡الشهـوة🫦🔥🔞
Lãng mạn💥💣#قــــــــــصــة_رأس_الــــــســــــنـــــــة💣💥 🔞🫦جـــــــمـــــران♡الــــشــــــــهـوة🫦🔞 #حصــريــــــا_على_السرمــــــديـــــــات💥 ~~مـــمنـــوعــة_الـنــــشـــر🥀 بقلمي:#Doja_Didija 🔞🖤مُتحمّس للفـراق، فـراقُ ساقيْكِ...