الصمت كمان لحن بس من حزنه مش مسموع ..
.
لميس ؛ عاد طلعتي على حقيقتج اني الچ اذا ماسويتلج سالفه شكبرها
.. تقدم علاوي يريد يضربها بس اجه ابو
ابو علاوي : شكو شنو هاي العركه التافهه
علاوي : بويه شوفها شوفها شتحجي شتهزر علي اني ومرتي اگضبها لا انعل والديها
ابو علاوي : ماعاشت ولله يعلاوي تحجي عليها ؟ انتَ منو حته تتجاوز ؟ اب ؟ اخ بي خير ؟ جايبين هاي مدري منين مامنين واستحلت المگان علينا ؟ اذا ماعاجبك انتَ والخاتون تكدر تتفضل يعني ،
علاوي : بويه تبيعني علمود سالفه نسوان ؟ بويه اني ابنك الربيتني وشغلتني بححلالك ومحد من ولدك اشتغل مثل شغلي وجهدي ! بعد كل هلتعب وياكم هيج تجازوني ؟ عمي حته مرتي اطلكها شتريدون مني ؟
لميس : ولله تسوي فضل
ابو علاوي : ااااش انتي لا تحجين
جرني علاوي للغرفه وضربني بأقوى ماعنده .. من قوه الضرب نمت مادري شلون بلا ما احس ...
كعدت بليل وشافني علاوي
علاوي : خل نطلك وتزوجي غيري والله يسترج لأن انتِ كاعده تسويلي مشاكل وي ابوي واني ماكدر اعيشج هينا فـ شوفيلج صرفه وحلي عني ..
لمار : شدتحجي ؟
علاوي : مثل ماسمعتي ، وطلع منا واني ضليت ادك والطم منا
ضليت اندب حضي واعاتب امي ليش هيج عافتني وراحت عني بعيد لا شافت بتها شبيها ولا خلتني مثل البنات مدلله ضليت وحدي معلعله الله ينتقم من كل واحد سوا بيه هيج .. جنت ليلتها كلش مقهوره والله ليشوف احد القهره الي اني بيها ..
نمت وكعدت الصبح ع صوت علاوي يكعدني
علاوي : وين جنسيتج تا نروح للمحكمه نطلگ
.. ضليت مصدومه وماعرف شأحجي
لمار : بس خلي افهمك شسالفه ليش هيج تسوي بيه يعني شسويت اني ووين اروح ؟
علاوي : شوفيلج صرفه رجاءً لاتهجمين بيتنا
.. ادركت انو مو كل رجال رجال ولا كل زلمه زلمه ، بوقتها حسيت نفسي فد سلعه رخيصه والكل يبيعني هيج بهل سهوله
.. انطيته جنسيتي وكمت بدلت ورحنه للمحكمه وطلقنه وهو راح وضليت بباب المحكمه كاعده والحراس كلساع واحد جاي
لحارس : اُختي صارلج وقت كلش طويل ممكن تفهميني شكو الاداره ميقبلون
.. كلت بكلبي حته انتو متريدوني
لمار : اخي اني قبل فتره تزوجت وسبب خلاف عائلي وزوجي يسمع لأهله طلقني واني اهلي ميتين وماعندي احد واني اصلي بغداد
الحارس : عيني روحي اوكفي يم السياره هذيج رقمها ****** ومن اكمل دوام اخذج لبيتنا يم امي ونفتهم منج اكثر
.. صدك رحت ولكيت رقم السياره ووكفت يمها بس جانت الدنيا بارده وليل ونسمات هوى كُلش بارده واني ملابسه ملابس ثخينه وجانت كُلساع تنگط وصار الوقت الي كمل دوامه الحارس او الضابط ورحنه لبيتهم ،
ام محمد : هلا يمه هلا الله يساعدك باوعت عليه واردفت .. منين يمه هاي الحلوه شني تزوجتها وضحكت ،
محمد : لا يمه هاي بنيه كالت انو زوجها مطلقها وماعرف ايش كلت افتهم منها شنو سالفتها ونعرفها شنو وشبيها وشنو موضوعها ونتصرف بعدين بللي نكدر عليه
لمار : شلونچ خاله ، اني لمار عمري 17 سنه اصلي بغداد من *****
ام محمد : ياهلا والف مرحبا تفصلي يمه تعاي تعاي شو وجهج صاير احمر سوده عليه صاحت بتها ، ولج سكينه تعاي جيبي ماي دافي للبت
اجت بنيه حلوه بگدي
سكينه : يمه منو هاي البنيه
ام محمد : مادري اخوج يكول خطيه مطلكها رجلها وعايفها وماعدها اهل متوفين
سكينه : يا هسه اجيب مي
لمار : خاله خاف تتعب خطيه لا تتكلفون بس يجي الضابط يفتهم مني واروح ادورلي فندق شيء
ام محمد : لا يمه لا لا فندق ولا شي اذا تطلعين خوش بت ونضيفه احطج بهلعين منا لهنا ما ترحين.
لمار : اشگرج خاله
فرشولي ونمت ...
كعدت الصبح والضابط كال يلا نروح للمحكمه وبعدها نروح لبيا طليقج نفتهم منه .. كمت غسلت وامه مسويه ريوك بس ماتريكت
مشينا للمحكمه واخذو اقوالي وبعدها رحنه لبيت علاوي او بيت اهله
.. دكينا الجرس وطلعلنه علاوي وكاله الضابط اريد اخذ اقوالك وكاله صدك انو انت طليقها وكذا وكذا
علاوي : اي اني طلكتها ما اريد اخسر اهلي
ابو علاوي : سيدي احنه هاي البنوه فصليه واحنه مانتچفل بليتامه خما مفتحين دار ايتام يمي
علاوي : سياره النقيب ، تكدر تاخذ راحتك
... رجعنا لبيتهم واني مگسوره جناح
ام محمد : ها يمه بشر
محمد : يمه هاي البنيه مضلومه ومحد الها
ام محمد : اجت لنصيبك يمه
محمد : هههه ، اني هم ابتسمت
لمار : لا خاله مثل اخويه
ام محمد : هههه اتشاقه بعد امج
...
ادري طولت بلغيبه ، بس تزوجت وحامل ببنوته 🙈💍💍 .
...
يجب ان نتعلم الأكتفاء بأنفسنا .. كي لا ينقصنا قرب أحد .. أو يؤلمنا بعده ..
أنت تقرأ
فصليه الشيخ علي باشا
ChickLitايناس امرأه مطلقه تبلغ من العمر 35 تذهب ابنتها البالغه من العمر 16 فصليه 💔😭
