(بالصدفه شافت هزاع في المطار )
سلامه: هزاع
هزاع: تخليتي عني بهالسهوله ؟
سلامه: النصيب ي هزاع
سعيد: سلامه وينكم اختفيتوا
سلامه: ماشي كنت واقفه هني (سعيد قاطعها)
سعيد : اخويه بغيت شي منو انته اصلاً
سلامه: اسفه سعيد ما عرفتك على هزاع صديق العائله
سعيد: اه هيه تشرفنا
هزاع: الشرف لي تسلم
في بوظبي
سلطان قدم على بعثه عشان يكمل دراسته الجامعية في امريكا و انقبل
عوشه(الام): تروح و ترجع بسلامه حبي الله يحفظك
زايد(الابو): اول ما توصل اتصل فينا
سلطان: ان شاء الله ابويه
روضه: سلطاني حبيبي اخويه اول ما توصل صورلي اوكيه عشان انزله ستوري اونه انا بعد مسافره
سلطان: يلايلاا فاضي انا اصورلج حطي صوره من قوقل فكينا ترى محد يشوف سنابج غير حصوه و سلامي انا مسولج بلوك
روضه: اقول توكل توكل الطياره بطير
وصلنا سلطان المطار و ووصل عند البوابه
عفراء : الوو ابويه 3 terminal صح ؟
سلطان : لااا terminal 2
عفراء : شو رايك تكمل المكالمه عني بعدد
ابو عفراء : شو بالج تكلميني منوه ؟
عفراء : شدراني عنه مسوي فيها يعرف كل شي في مطار
بعد ساعه ركبوا الناس الطياره عفراء و ابوها كانوا اخر ناس كانت تصور ممر السعاده و تمسح و ترد تعيد الصوره .
قعدت عفراء ادور مكانها في الطياره
عفراء : ابويه يعني ليش مكاني هب عند الدريشه ابا اصور
ابو عفراء : سكتي احين و ربطي الحزام الطياره بطير
عفراء : ابويه ما يخصني بغير مكاني.
لو سمحتي لو سمحتي شو رايج نبدل امكان ؟
الحرمه:لا طبعاً مكاني و بقعد فيه
عفراء : انزين ترى هب طيارة ابوج
سلطان : ترى شي مكان فاضي هني و عدال الدريشه
عفراء : يا ليل الليل انته هني
سلطان: لا هناك
عفراء : هههه انزين شكراً اخويه
سلطان : ما قلتي لي شو اسمج
عفراء : عفراء عبدالله
سلطان : عندج خوان ولا يايه مع ابوج بس و اقول انتوا ياين امريكا سياحه ولا دراسه ؟
عفراء : اعرفك تعرفين !! وااي نحنا في لقاء ولا ف طياره اخويه ممكن تسكت اسألتك ما تخلاص ولا اقوم اغير مكاني
سلطان: اصلاً ما عندج مكان ثاني
عفراء : بسير عند الكبتن
سلطان: عمج خالج عشان تسيريله
عفراء : لا يدي السابع
سلطان: ماشاءالله انا خل اعرف يدي الاول عشان اعرف السابع
عفراء :لا الله الا الله
سلطان : ومحمد رسول الله
عفراء : اقولك هاذا ليش ما يشتغل حطلي فلم
سلطان : لانج داخله على الخريطه هب الأفلام
عفراء : الي هو حطلي احين الفلم
سلطان : انزين اي فلم تبين
عفراء : lilo and stitch my favorite movie
سلطان : الله انا بعدد يوم كنت صغير دوم اشوف و اعيده ما امل منه يلا اشتغل الفلم انجوي
عفراء : شكراااًً وين سماعتييي ياربي اكيد في الشنطه الي فوق احين كيف اروح ايبها
سلطان: تبين سماعتي مالت التليفون ؟
عفراء : لا عادي والله مشكور خلاص بسير ايبها من فوق
سلطان: ليش اتعبين عمرج خلاص خذي سماعتي و عقب رجعيها
عفراء : اوه يخي thank you so much ما اعرف شو اقول
سلطان : لااا عادي ما سويت شي اصلاً
عفراء : كسرت خاطري و انته جي تشوف و ما تسمع خلاص هاك اسمع انا واحد و انته واحد
سلطان : هههه بموت اشكالنا تفشل بس اوكيه يلاا اهم شي اجوف الفلم
بعد ست ساعات
المضيفه الي في الطياره قعدت توزع المنيو على الناس
المضيفه: sir what will you have for dinner
سلطان: steak and mashed potato with 7up
المضيفه: how about your wife ?
عفراء: no no I am not his wife بسم الله
سلطان:انزين انزين شو بالج معصبه
عفراء: لاوالله
سلطان:خلصيني شو تبين
عفراء: كرك
سلطان: تراج في الطياره لا تستهبلين بعدين منو يتعشى كرك
عفراء: انا خلاص خلاص اطلب لي نفسك
سلطان: تم
عفراء : اونه شو قالت his wife يا زيني بس باجر اقول حق عيالي تعرفت على ابوكم في الطياره
سلطان: لاا قوليلهم تعرفت عليه فوق السحاب
