بعد شهر
(ردت عفراء البلاد و قبل لا تسير كانت مع سلطان في المطار )
سلطان: ادري مب وقته بس هذا رقمي اول ما توصلين البلاد كلميني و عفراء صح الوقت ابداً مب مناسب اوعدج اول ما اتخرج و ارد البلاد و اتوظف اخطبج .
عفراء: مع السلامه
(عفراء كانت مصدومه من كلام سلطان وايد حتى ما ردت عليه )
في بوظبي (الدوام)
هزاع: سلامه ليش تشلين سمانج وين بتروحين
سلامه: هذا اخر اسبوع عندي فيه القسم
هزاع: لاوالله ليش
سلامه: عندي ظروفي الخاصه
هزاع: ماشاءالله ظروفج الخاصه وشو هي الظروف
سلامه:قلت خاصه
سحبها هزاع و قال ليش تتهربين مني
سلامه: اي ايدي
هزاع: مب قصدي اسحبج والله
سلامه: هزاع انا احب ريلي و ولدي و حياتي مستقره والله يوفقك و شوف حياتك مع بنت احسن عني
بعد سنة و نص
(تزوج هزاع و شاف حياته و عاش في لندن مع حرمته و عياله)
في بيت عفراء رن تليفونها
عفراء: رقم امريكا غريبه ؟
ذياب (اخوها): لا تردين عليه
عفراء: برد ليش لا ؟ الو هلا
سلطان : مرحبا
عفراء: مرحبتين، منو معايه
سلطان: ما عرفتي صوتي
عفراء:....
ركضت عفراء و راحت حجرتها
عفراء: فدييييبت هالصووت
سلطان:فدا
عفراء: سلطان سلطان صح
سلطان: هيهه
عفراء: شحالك شخبارك ما توقعت تدق عليه اصلاً
سلطان: عفراء طرشي لي لوكيشن بيتكم او اقولج لا رقم اخوج خالج يدج
عفراء: شحقه بتخطفني ؟
سلطان: يا ليت
عفراء: ها؟
رد سلطان من امريكا و حدد يوم مع ذياب عشان ايي و يتقدم حق عفراء
بعد اسبوعين
ذياب: عفاري ترى في ناس بيون اليوم يخطبونج
عفراء: هيه سلطان
ذياب : شو
عفراء: لااا اقصد احس اسمه سلطان ولا بطي مادري يعني اتوقع
ذياب: شتبين باسمه اهم شي انه ريال و نعم فيه
عفراء: صح صح
حددوا يوم الخطبة و يو الحريم
في السياره ردين البيت
روضه: توقعت ذوقك حلوو بس مب جي تجنن ماشاءالله ادب و اخلاق
سلطان : اكيددد ذوقيي
عوشه(الام): يلا حددتوا موعد الملجة
سلطان: هيه امايه خلاصنا كل شي
سلامه: فديتها يحظك فيها والله
١١/١١/٢٠٢٢
عرس عفراء و سلطان
سلامه يالسه تتجهز و تتعطر و دش سعيد و فرا غتره و شافها يا من وراء تم يشوفها و سرحان و ساكت
سلامه: شفيك بسمالله
سعيد: حرام اشوف حرمتيه
سلامه: ... سعيددد تعال سكر لي القلاده
سعيد: من عيوني
سلامه: فديت عيونك
سعيد باسها على راسها و سلامه استحت
سلامه: سعيد تراني متاخرة يلاا
سعيد: انزين عادي أنا اوصلج
سلامه: سعود بتأخر عرس اخويه ترى
سعيد: ثوانيييي اسبح و اطلع
سلامه قعدت تصور و اطلع سعيد و تموا يتصورن
في العرس
نزلت عفراء و تموا يتصورون معها البنات و خوات سلطان و بعدها بساعه دش سلطان
في الكوشه
سلطان: اخيراً
عفراء : اخيراً شو
سلطان : خذتج
عفراء: ......
سلطان : ما عرفتج و انتي مستحية ترى قبل اقولج شي تأكلني
عفراء: بتكست ولا الورده هاي بتي على راسك بس الناس يشوفونا
روضة: سلطان ابتسم شوف الكيمارا
و خلص العرس و عاشوا حياه سعيده ما بعض
روضة و امها ردوا البيت
عوشه(الام): عقبالج يا رواضي
روضة: شقصدج امايه تبين تفتكين مني صح
عوشه(الام): لا يا امايه ادعليج بس
روضة: أمايه أنا مطوله و بعدني ماابا مليونير وزير شيخ تاجر شي كبير مب اي حد
عوشه(الام): الله يرزقج الريل الصالح
روضة: اميييين
