متلازمة جوسكا

من البدايه 💜

من البدايه 💜

_ اخدت خطوات التعافي التام يمكن مكنش مرض يمكن مكانتش حاله نفسيه زي ما شخصت نفسي يمكن كل ده حصل عشان سبت نفسي للاوهام الي ضيعتني و ضيعت اغلي حد في حياتي ملقتش نفسي غير وانا قدام عيادة دكتور نفسي بصيت علي اللوحه المدون عليها اسم العياده بتردد غمضت عيني وماسمعتش غير كلمه واحده بس "ابدا من جديد عشان نفسك مش عشان حد تاني "

_ اخدت الخطوه و دخلت العياده و مكنش فيه غير شخص واحد استنيت دوري
الوقت كان بيعدي ببطء غمضت عيني وسرحت معرفش قد اي بس حمدت ربنا ان اسمي اتنادي
في الوقت المناسب دخلت بتردد

"الدكتور" اتفضل يا استاذ "حاربي" مالك متردد لي ؟

_ ها لا ابدا بس دي اول مره ادخل لدكتور نفسي
"الدكتور" وان شاء الله اخر مره  احكيلي يا سيدي مالك ؟
_ مش عارف يمكن دا اكتر سؤال بحتار في اجابته

_ بلاش السؤال دا اي اكتر حاجه بتفكر فيها طول الوقت ومش عارف تتخطاها

_  الوهم انا في دماغي أشخاص بيكلموني 24 ساعه لو سرحت شويه بروح لعالم تاني بحقق فيه الحجات الي مقدرتش اني احققها في الواقع
حياتي عباره عن حياتين لشخصين مختلفين شخصيه "حربي" الي دايما شايف ان أبوه جه عليه و أنه السبب في الي حصل و في نفس الوقت "حربي" الي عايش حياه سعيده مع باباه و مامته وأخوه "يوسف"
و الموضوع ده بيحصلي بقاله اكتر من 7 سنين

_ اتعرضت لحاجه خلتك كاره العالم بتاعك و حاولت تهرب منه بانك تبني عالمك الخاص الي انت شايفه من وجه نظرك أو الي كان نفسك يبقي هو ده الحقيقه !

_ كنت دائما بحس أن كل حاجه ضدي واني مش بعمل حاجه استاهل عليها العقاب ده كله بنيت لنفسي احلام و حققتها بس برضوا في الخيال اول مره دخلت فيها المسجد مع "عم صبحي " غصب عني اتمنيت يكون بابا هو الي بياخدني للطريق الصح مش حد تاني يمكن محستش براحه في حياتي غير لما بدأت اصلي في المسجد حسيت اد اي اني كنت فاقد نعمه كبيره اوي

_ "حربي" انت لا مريض ولا محتاج علاج انت علاجك في ايدك

_ ازاي ؟
_ الصلاة و قربك من ربنا اكبر علاج  وذي ما بتحاول تصلح علاقتك بربنا حاول تصلح علاقتك بوالدك و انت الكسبان هتكسب راحت بال و رضا والدك عليك و نعم كتيره انت لسه متعرفش عنها حاجه امشي يا "حربي"

_ مش هتكتب اي ادويه
_دواك في ايدك  ابقي اطمن علي "يوسف" كل يوم هو محتاجكك جنبه في فتره التعافي كن اخ كبير و سند ليه اديله الحب الي معرفتش تاخده انا الي ماسك حالته النفسية و بتابعه

_ شكرا لحضرتك مش عارف اقولك اي
_ تقولي انك هتتخطي الماضي و ترميه وراء ضهرك و تبص للمستقبل اكنك طفل لسه بيكتشف الحياة و الدنيا من اول وجديد  ودلوقتي اقولك ام الجلسه انتهت
______________________________________

خرجت وانا مبسوطه حسيت براحه رهيبه قرارت اجيب ورد و اعدي علي المصحه اقعد مع "يوسف" ساعتين ولا حاجه و ارجع احاول اصلح علاقتي انا و الحج

دخلت من باب المصحه بس كنت واقف وراء الباب بتابع "يوسف " وهو بياخد علاجه و بيقراء في كتب عن العلاج النفسي و الادمان

دخلت بهدوء و قعدت علي طرف السرير
لقيته قفل الكتاب و بص لي وقال : اتاخرت عليا نص ساعه دكتور "احمد" قالي انك خرجت من عنده الساعه 4 ودلوقتي الساعه 4/30 كنت فين النص الساعه دي

ابتسمت وقولت : كنت بجبلك شويه ورد ريحتهم تحفه قولي بتقراء اي

_ كام كتاب كده لعلم النفس وكيفيه تخطي الادمان وعدم الرجوع ليه تاني

_ شد حيلك كده كلها كام يوم وتخرج و الحج يعملنا صنيه بطاطس ب الفراخ انما اي لوز اللوز
_ مش عايز ارجع البيت هنا احسن كتير
_ متكرارش غلطتي يا "يوسف " عايزين نتجمع و نبقي عيله بجد كفايه ماما مبقتش وسطنا
_ عشان كده انا مش عايز ارجع البيت مش هقدر ادخل البيت و هيا مش موجوده فيه مش هقدر
_  مع بعض هنقدر صدقني أخرج انت بس و ملكش دعوه
_ طب اي مش ناوي تاخد خطوه
_ خطوه في اي
_ في البت الي هتموت عليك دي من يوم ما مشيت
_ مين دي
_ زينه يا غبي بنت عمك
_ واخد خطوه لي أنا لا عشمتها بحاجه ولا واعدها ب الجواز

_ يعني هتكسر قلبها بعد السنين دي كلها
_ "يوسف " نام احسن ما اجي اخدرك

اغلق عيناه بجفاء ثم غفا في نوم عميق نظر له "حربي" بحب ثم تمدد و نام علي الاريكه الموضوعه بجوار سريره

يتبع

عارفه البارت صغير اسفه جدا بس انتوا عارفين مش فاضل غير 80 يوم علي امتحانات الثانوي العام بتمني تدعولي كتيييير

وكل عام وانتم بخير 💜💜💜💜💜💜💜💜