ماما : أيا كملي شغلك و بركاي من الهدرة الزايدة اه حقا وش قلتي على الخطاب تاع البارح نزيم 😭😂
ملاك : ياك مشي هوا لي هدر عليا يماه لي عجبتها برك
ماما : كي شفتو لبارح فالعرس يخزر فيك و نتي تشطحي بانتلي عجبتيه و منعرف و زيد ما عندك ما تخيري فيه زين و رجلة و لباس بيهم و يماه ناس ملاح وش حبيتي كثر من هاك
ملاك : منعرف ذرك نشوف كيفاه ندير
ماما : غير ديري عليا و قبلي رجال كيما هاك يجو خطرة في العمر
ملاك : اااا وقيل راكي حابة تتهناي مني 😕😂
ماما : نتي كيما درتلك ملقيتلكش حل دبري راسك
ملاك تحكي : خممت في هدرة ماما و رحت توضيت و صليت صلاة الاستخارة درت la sieste و كي نضت رحت عند ماما
ملاك : ماما قولي لخالتي سامية بلي راني قابلة
ماما : يااا الحمد الله نزغرت ولا وشنو 💃🏻💃🏻 كان علابالي بلي رح تقبلي و درك نعيط ل سامية فالتلفون و مام هي درك تفرح
ملاك تحكي : عيطت ماما ل سامية فالتلفون و فرحت بزاااف و قالتلها الخميس الجاية نجي نخطب 💃🏻☺️ فاتت هذيك السمانة غير مع التحضيرات تاع ماما اكو تعرفو ماما 😂 و فاتو ليام و جا يوم الخطبة تاعي ____________________💕_______________
نضت صباح هذي الخطرة مشي على صوت ماما هذي الخطرة على صوت صحبتي بشرى ااا نسيت محكيتلكمش عليها بشرى صحبتي لانتيم ملي كنت صغيرة و هي في نفس الوقت جارتي
بشرى : نوضي ملاااااك نوضي يا مصيبة راكي حابة يجو و يلقاوك راقدة 😕
ملاك : اوووه بشرى صايي درك شوي نوووض 😭
بشرى : ااااه صار متنوضيش درك نروح لدارنا و شوفي شكون لي ديرلك الماكياج
ملاك : صايي ني نضت اسيدي 😕
ملاك تحكي : رحت ضربت دوش خفيف 🧖🏻♀️ و بلا ما نحكيلكم على بشرى لي دارتلي مليون ماسك في وجهي دارتلي ماكياج سامبل وزدتلها robe noire شابة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
