( Uni )
" မင်း ဘာလို့ ငါ့ကို မနမ်းတာလဲ ၊ ငါတို့နှစ်ယောက်ကြားမှာ တစ်ခုခုခြားနေသလို ခံစားရတယ် ၊ ဒီတစ်နေ့လုံး မင်း ငါ့ဘေးမှာ ရှိနေပေမဲ့ ငါ မင်းကို လွမ်းနေရတုန်းပဲ ၊ မင်းက ငါ့အပေါ် နည်းနည်း စိမ်းနေသလိုပဲ ၊ ငါ ...ငါ မပြောတတ်တော့ဘူး ဘုဏ်းဇေ ၊ အရင်ကမင်းကိုပဲ ပြန်လိုချင်တယ် "
မျက်ရည်တွေကို မြင်မြင်ချင်း လန့်သွားပေမဲ့ ငိုရသည့်အကြောင်းပြချက်ကို သိရချိန်မှာတော့ ဘုဏ်းဇေ မပြုံးဘဲမနေနိုင် ။ သူက မနမ်းလို့တဲ့ ၊ သူက စိမ်းနေလို့တဲ့လေ ။ မျိုသိပ်မထားဘဲ ခံစားချက်ကို အရှိအတိုင်း ထုတ်ပြောလာသည့် ကိုကိုရှင်းရှင်းလေးကြောင့် ကြည်နူးရသည်။
တကယ်တော့ သူလည်း စဉ်းစားနေရလို့ပါ ။ ရှင်းသန့်နှင့်သူ နောက်ထပ် မခွဲနိုင်တော့ ။ သူတို့အကြောင်းကို အားလုံးသိအောင် အသိပေးမှဖြစ်တော့မည် ။ ခမည်းတော်ဆီက အဆုံးအဖြတ်ကို ခံယူရတော့မည်။ ထိုအရာက သူ့ဘဝအတွက် အကြီးမားဆုံး အပြောင်းအလဲလည်း ဖြစ်သွားနိုင်သည် ။ သူ့ခေါင်းပေါ်က သရဖူကို တခြားတစ်ယောက်ကို လွှဲပေးလိုက်ရမှာထက် မိသားစုဆိုသည့် သွေးသားသံယောဇဉ်တွေနှင့် ပြတ်တောက်ဝေးကွာသွားမှာကို စိုးရွံ့သည် ။
နောက်ပြီး ရှင်းသန့်ကရော ဖွင့်ပြောမည့် သူ့ စိတ်ကူးကို လက်ခံပါ့မလား ။ ဒီက သာမန်လွတ်လပ်ပေါ့ပါးသည့် ဘဝကို ထားခဲ့ပြီး သူနှင့်အတူ ပြန်လိုက်ချင်ရဲ့လား ။ အကယ်၍ သူတို့အတွက် ပြဿနာတွေ ဖိအားတွေသာ ခေါင်းပေါ်ရောက်လာခဲ့လျှင် စိတ်ဆင်းရဲနေမှာလား ။ ဒါမှမဟုတ် ခမည်းတော်တို့က လက်ခံလို့ အဆင်ပြေခဲ့လျှင်ရော လူအများ၏ အာရုံစိုက်ခြင်းခံရသည့် ကြင်ယာတော်ဆိုသည့်ဘဝမျိုးနှင့် နန်းတော်ထဲမှာ နေနိုင်ပါ့မလား ။
အဘက်ဘက်ကတွေးပြီး ပူပန်နေရ၍ ရှင်းသန့်ကို သူ စကား ကောင်းကောင်းမပြောနိုင် ဖြစ်နေခြင်းပါ ။ ဒါကို သူက စိမ်းတယ်ထင်ပြီး ဝမ်းနည်းနေသတဲ့ ။ မျက်ရည်စတွေ သုတ်ပေးရင်း နဖူးကိုဖွဖွနမ်းတော့ ပါးလေးတွေ ရဲသွားပုံက မြတ်နိုးဖွယ်အတိ ။
" ငါ စိမ်းနေတာ မဟုတ်ပါဘူး ရှင်းရဲ့ ... တကယ်တော့ ငါက .... "
" ကြည့်ပါလား ...မင်းက ငါ ငါ နဲ့ ပြောနေတာ "
![](https://img.wattpad.com/cover/347048558-288-k755697.jpg)
YOU ARE READING
Forget-Me-Nots { Completed }
General FictionA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...