⌨︎ تطبيق المواعدة | 𝐃𝐀𝐓𝐈𝐍𝐆 𝐀𝐏𝐏 ⌨︎
➪ 𝐖𝐫𝐢𝐭𝐭𝐞𝐧 𝐛𝐲 : 𝐀𝐳𝐨𝐫𝐢𝐭𝐚 | أزوريتا ☕︎
⚠︎ ممنوعة من إعادة نشر أو الإقتباس منها ⚠︎
____ 𝐏𝐚𝐫𝐭 : 014 ____
• فتح الباب وتم جاي داخل وهوا مفاهم والو ، مشا حط دكشي لي فيديه فوق الكرسي وهوا ممحيدش عينيه من عليها ، قرب ليها وقفها كيشوف فيها...
فجر : كتخربقي ليا المشاعر بهاد زين
صفاء [نزلات راسها حشمانة] : أمم
فجر [جرها من خصرها ملصقها معاه] : الحشمة ومعامن كتجي [حط وجهوا فعنقها ونطق] عيني مكتشوف من غيرك ، شتي واخا يوقفوا قدامي عريانين ماشي غير بشوميز سيكسي
صفاء [بعدات عليها شوية كتشوف فيه] : كتبغيني
• هز راسوا للفوق وقهقه بنبرة رجولية لي خلاتها تدفعوا بعصبية ولكن كان حاكمها ، بدات كضرب ليه فصدروا وكتغوت...
صفاء : طلق مني بعد مني ، مني مكتبغينش لاش مزوج بيا أصلا
فجر [زيرها لعندوا وحط جبهتوا على جبهتها] : أنا فت مرحلة أنني نبغيك ، واش كتعرفي أنك تولي هايم فتفاصيل شي إنسان رغم البساطة تاع ديك الحاجة ، ولا واش كتعرفي العشق الجنوني [طبع قُبلة خفيفة على فمها ونطق بهمس] هيا لي دابا أنا واصل ليها
صفاء [نزلات عينيها للأرض ونطقت] : وعلاش نسرين ساكنة هنا
فجر [دفعها شوية عليه ونطق بعدم فهم] : أش دخل نسرين دابا فهضرتنا
صفاء [حطات عينيها فعينيه وتكلمت بعصبية] : حتا هيا كتبغيها دكشي باش مسكننا بجوج بينا فدار وحدة
فجر [وهوا قارن حواجبوا وكيحرك راسوا يمين شمال] : أش كتخربقي طبعا أه كنبغيها ولكن ماشي نفس الحب لي كنبغيك بيه نتي ، هيا ختي ونتي مرتي وراه دارنا هادي نورمال حتا هيا غادة تسكن معانا هنا راني ديجا قلت ليك بلي هيا معندها حتا حد فهاد دنيا من غيري يعني فين بغيتي نرميها
صفاء [سدات لبينوار تاعها ونقطت وهيا كضحك بإستهزاء] : لا راه باينة بحال ختك ، واش كون كانت ختك غادة دور قدامك بشوميز وغادة تلبس قدامك كساوي معريين
فجر : دابا نتي هدشي كلوا دايراه حيت هيا كتلبس معري قدامك ياك
صفاء [بنبرة عصبية] : كون لبست أنا هاكاك كون راك معرت أش درتي
• قرب لحداها وجرها من خصرها لعندوا وحط يدوا على وجهها ، أما هيا فكانت كدفع فيه وكتحاول متحطش عينيها وسط عينيه...
صفاء : بعد عليا متقربش مني وسير لعندها
فجر : صافي أعمري كنعتاذر أنا لي مني كلشي وغدا نهضر معاها باش متبقاش تلبس هاكاك واخا راه هيا تربات خارج المغرب ومولفة أنها تلبس هاكاك يعني راه عندها عادي
صفاء [هزات راسها فيه ونطقت بزربة] : لا متقوليها دير والو دابا تصحبني غير غايرة على زينها
فجر [قهقه بضحكة خفيفة ونطق] : على دابا نتي مغايراش منها
صفاء [ضربتوا لصدروا ونطقت] : بزاف عليك أنا تا نغير من شي وحدة
فجر [طبع قُبلة فحنكها وهوا كيضحك] : لا أنا حبيبتي مكتغيرش كااع [شد ليها وجهها بين يديه] متبقايش تعصبي على أمور هاكا إلى كنتي معصبة من شي حاجة هاكا قوليه ليا نلقى ليك الحل ونديروه بجوج ونسرين غدا اعمري نهضر معاها باش متبقاش تلبس هاكاك
صفاء [هزات راسها بلا بتوتر] : لا متقوليها والو عفاك غير خليها [سرطت ريقها وكملات] يعني غير خليها تلبس لي بغات أنا معنديش مشكيل أصلا عارفاك مغاديش تشوف فيها
فجر [ضربها لراسها ضربة خفيفة] : كاين شي حد غادي يشوف فختوا واش تسطيتي
صفاء [شافت فيه وهزات بحاجب] : موهيم مغادي تشوف فحد حيت نقدر ندير شي جريمة لا تغتفر
فجر [جرها لعندوا ونطق وهوا قريب لفمها] : خليني دابا انا لي ندير شغلي حسن من دير شي جريمة
أنت تقرأ
تطبيق المواعدة | Dating App
Mistério / Suspenseهِي : جميعنا نكسِر قواعِدنا لشخص ما ، أما انا فـ فُضولِي من دفعنِي لكسر قواعِدي ، دائما ما أجد نفسي غارقة في طغيان حديثه ، كلماتهُ تهمِس في أُذني كالأمواج صاعّقة ، يملك فن فرض السيّطرة على كل لحظة وكأنه يَرسمُ الحياة بألوانهِ الخاصة التي من صّعب دخو...
