البارت الخامس والعشرون
يوم الجمعه العصر بيت ابوبدر
اطلعت ام بدر وبناتها للحوش وعباياتهم عليهن
واضح انهن بيطلعن برا البيت جت الشغاله
الاثيوبيه تركض ووقفت قدام ام بدر واهي تمسكن
وترسم على وجهها علامات الحزن: ماما انا يبغي
اجازه اثنين يوم ماما انا واجد تعبان لازم روح شوف
هيا
ام بدر انفخت بزهق : مافيه انا هالحين باروح
لسوق وبكره معزومين عند الجيران من يقعد عند ماما كبير اذا رحتي
الشغاله قامت تتذلل اكثر : ياماما انا واجد خوف
على ماما انا ايش سوي ماما مره تعبان يبغى شوف
ام بدر اشفقت عليها : طيب خلاص اليوم انا بطلع
لسوق وبكره في حفله حق ملكه عند جيران مااقدر
اخليك تروحين بس بعد بكره يوم الاحد الصبح
مهوب مشكله روحي
وحده من البنات بطفش : خلاص يمه سيارة كريم
عند الباب تاخرنا عليه
اتركن الشغاله واتجهن للباب واطلعن بيروحن
يشترن فساتين لملكة نايف والعنود
الشغاله استانست ان خطتها مشت زي ماتبي كان
ودها تمشي الحين بس ماعليه دامهم مانهم فاظين
لها ماعندها مشكله تنتظر يومين اصلا مافيه احلا
من العز الي هي عايشه فيه هنا ولولا خوفها انهم
يكتشفون سرقتها لذهب العجوز والاكان ماتركتهم
ابد
برا عند باب البيت وقف بدر سيارته واخذ كيس من
جنبه فتح الكيس وطلع منه ثلاثه كراتين صغيره
فرغ محتويات الكراتين في حظنه واهو يبعد عنها
الاكياس الي تحفظها ثم جمعها في كفه ودخلها
في مخباه نزل من السياره وتوجه للبيت فاتح الباب
بالمفتاح دخل للحوش واهو يسكر الباب وراه
