نجد ام عيون السود

ام العيون السود

لفت نجد وكانت الصدمه!!
لفت نجد وتلاقت في شخص خبيث جدا واسمه(مخلد)
مخلد اول ما شافها عصب لأنها كانت تخليه يتعب وهو يدورها نرجع للماضي

مخلد قاعد فجأة في بيضه تضرب راسه رفع راسه وشاف نجد تضحك عليه
هو عصب وقام يلحقها وطبعاً نجد يلقبونها الناس في الجنيه بأنها سريعه وتختفي بسرعه
قام يلحقها وفجأة تختفي وضرب براسه حجر لف نفسه وشاف نجد بعيده عنه بشوي وتضحك عليه وقالت
:اذا انت ولد ابوك امسكني وانحاشت
نرجع للحاضر
قام وقال:انتي ما تتركيني في حالي؟
نجد:وماني تاركتك ما اشتقت لدوامت التوتر والخوف والشك؟
مخلد :لا ماني مشتاق لها
نجد:شدعوه ما تتذكر يوم كنت اخوفك وكنت طول الوقت متوتر وما تدري وش تسوي ما تتذكر التعذيب الي كنت تعيشه؟
مخلد بتوتر:ها لا لا يلا انا طالع
مسكته نجد وقالت:تتذكر يوم كنت صغيره يوم ضربتني براسي؟
مخلد:يختي وش تبين
نجد:ابي ارجع حقي
مخلد كان بيتكلم بس نجد قمزت عليه وقامت تضربه وهو يضربها وطلعو من البقاله وراحو وراها ونجد لفت للولد وقالت له بهمس
:روح للعيال بسرعه
وفجأة مخلد طلع سكينه وقال:شكلك تبين تقابلين حمد صح؟
نجد قالت:لا لا معليك انا بخليك تقابل ابو الهول تعال ياعمري
وتقمز عليه هو جرحها في خصرها وخدها وهي اخذت السكينه ورجمتها وقالت:انا بنت وجيتك بيدي وانت طول بعرض وشنب وجايني بسكين وين الرجوله؟
عصب مخلد وقمز عليها وقام يضربها وهي تضربه لين فجأة سمعو صارخ!!
نروح للولد الصغير

كنت اركض وخايف على البنت الي كان اسمها نجد(هي علمت بأسمها)
ركضت واشرت على العيال يطلعون وهم طلعو وانخرشو من عيوني كنت خايف تكلم محمد وقال
:شفيك لا يكون البنت سوت لك شي؟؟!!
عبدالعزيز بعصبيه:شوف عيونه طايره وينها الكلبه سوت لك شي
خالد(الطفل):لالا ما سوت شي بس يوم كنت في البقاله معها شرت لي ويوم جينا بنحاسب كان في واحد يخوف دقها بكتفها وهي لفت وتكلمت معه وقالت شكلك اشتقت للعذاب وهو قال لا وهي قالت ما اشتقت لدوامت التوتر الي كنت عايش فيها وهو قال بتوتر لا لا ما اشتقت وثمن قالت تتذكر يوم ضربتني براسي هو قال اي قالت نجد انا جايه اخذ حقي وقمزت عليه وضربته وهو ضربها وطلعو وقالتلي روح للعيال وفجأة الولد طلع سكين وانا انحشت
محمد:اشوا مافيك شي
عبدالعزيز:الحمدالله ما سوا شي لك
خالد بخوف:تكفون ساعدوها البنت تعبانه
نرجع لنجد نجد ومخلد لفو وشافو العيال(نعم خالد راح ونادا شباب الي كانو /عبدالعزيز-محمد-سلطان-وليد)
نجد قالت:هلا امرو
مخلد شاف الفرصه وجا لنجد غدره وطعنها من ورا وهي قالت بألم:ايا يا ابن الكلب تجيني غدره وهي تطلع المسدس وتصوب عليه في كتفه وقالت
:ما اكون بنت محمد العقاب اذا ما عذبتك يا رخمه
خالد جا لنجد ركض وحضنها وقال:لا تخليني تكفين
نجد انصدمت وحضنته وقالت:لا تخاف ياعمري ماراح اتركك انا بروح للمستشفى اخيط الجرح واروح لأخواني
عبدالعزيز بخوف قال:ابك انتي ما تخافين منه؟
نجد قالت:ما اخاف انا ابوي رباني على المواجه واني ما اخاف وان لازم اواجه ما اغدر في الشخص لامنه عطاني ضهره
مخلد بتعب:بس انتي واخوانك تجونا غدره
نجد بضحكه:ياعمري حنى نجيكم بتخفي مو زيك يوم عطيتك ضهري طعنتني ذي الغدره الي اتكلم عنها
خالد:تكفين انتي بتقعدين هنا صح؟
نجد:لا ياعمري الفجر بنمشي تبوك عندنا اشغال
وقالت بهمس:مهمه عشان اقضي على الاشرار
خالد:طيب عطيني اي شي اتواصل معك فيه
نجد عطته سنابها وقالت
:يلا باي
وقالت:ممكن طلب؟
وليد:امري
نجد:ابيكم تقعدون عند مخلد ذا بروح اجيب اغراضي واجي اخذه
سلطان بصدمه:الحين هو طاعنك تبين تاخذينه
نجد:هو طعني بس لازم اسعفه بيفهمك مخلد وراحت
سلطان:اجل مخلد وش فيها تساعدك؟
مخلد:حنى بينا وبين عايلتهم عداوه وهم يبون ياخذون حقهم من كل شي سويناه فيهم وحنا الي بادين من البدايه واذا كانت على سالفت انها تساعدني فا ذي عاده عندهم وهم متربين عليها ان اي شخص هم يتضاربون معه لازم يساعدونه حتى لو هو قاتل احد لازم يساعدونه
فا عشان كذا هي تبي تساعدني اصلاً هم عيال اجاويد وما يرضون يضربون شخص ويتركونه لازم يساعدونه وبس يعني🙃
محمد:طيب ليش تضربها
مخلد:شوفو انا ما ضربتها هي ضربتني واصلاً انا اعتبرها اختي وحنى متعودين كل شوي نجلد بعض والحين اذا اخذتني راح نعتذر لبعض ترا حتى نعتبر اخوان يعين ميانه
خالد:ياويلك تزعلها
مخلد بضحكه:لا معليك حبيبتي هي
خالد بغيره:خير حبيبته ذي حقتي انا
مخلد فطس ضحك
عند نجد

دخلت الكافيه وجت تاخذ اغراضها مسكوها البنات بخوف وقالو:شفيك يمه
وش الي جاك
نجد قالت لهم السالفه كلها
البنت(٢):طيب يعيني انتم تعتبرون اخوان؟
نجد:نعتبر اخوان يعني ميانه اصلاً اذا اخذته معي هو بيعتذر مني وبيقول اسف
اخذت اغراضها وارقام البنات وطلعت وركبت اغراضها السياره وراحت واخذت مخلد وراحت لخالد وعطته بوسه ومشت
خالد:اخخخ حبيتك
محمد بضحكه:اخصصص حبيتها امداك
ضحكو ومشو
بالسياره عند نجد ومخلد
مخلد:اممم نجوده
نجد:هلا
مخلد:اسف
نجد بضحكه:شدعوا ياقلبي عادي بس كأنك تحمست وخدشت خصري
مخلد:ابيك تبعدين انتي زي القطو تنطين وتخدشين
نجد ضحكت ووصلو المستشفى وعالجوا نفسهم وكل واحد رجع
الفجر حركو لتبوك وصلو وفجأة نجد تتقدم وتحضن شخص
تتوقعون مين