عندما يحب الرجل

البارت الخامس عشر

:وإِن عَادَت الأَمَاكِن . . فَمَن يَعِيد الأَشخَاص ؟

ويخلق من الشبه أربعين بقينة وحدة صااافنة
بلخ ابتسمت هي ضاحكه واني بادلتهة انباوع
الايلين حطك وتموت تناظرنة بغيرة ;اكوللجن
ترا كمت أغار

وخرت ايدي عنهة وضربت ايلين على راسهة ;
بطلي وسوسه الشيطان البيج

باوعت للابنية;اني هم اكللهة

ضحكنه عليهة أتبوز ابزعل ;موصوجن صوجي
اني العرفتجن على بعض خوش أتحاد

حطت ايدهة جوه حنجهة امرجية كوعهة على
الحايط;اكلج رند تجين للحفلة

سئلناهة سوه ;ياحفلة

ياحفلة هاي الدتحجي عنهة بااوعتلنه: اوجعع
شبيجن كمت تحجن حتى سوة المهم الحفلة
مالت أسمر غير رجع عمي وحيسويهة

عكدن حاجبي;شو اني هسه يلا دريت

هزت ايدهة;هو انتي شدارية لازكة روحج ب
عمي

كرصتهة من زندهة عاطت تمسح عليهة اباوع
السمهة رند صافنة رفعت عينهة عليه;اشلونهة
علاقتج وياه

هزيت جتفي;عادي علاقه مساعده

نطت ايلين;والله جذابه هاي احجي لو ما
يحتاج

قلصت عيوني عليهة ضحكت رند من يمهة;يلا
همزين بلكت يفك عن نفسه وينسى

سئلناهة سوة; شينسى

هزت راسهة;لا هيجي

لحيت عليهة بلكت تعرف شي;فدوة احجي لا
تضمين علينة

توسلت بيهة أيلين ;اي فدوه انتي متضمين
عليه شي احجيلي شبيه عمي.

اتنهدت ;هو اصلا موعمج

هزت راسهة ايلين;اي هاي اعرفهة

عكدت حااجبي لحظة لحظة شنو موعمهة اني
كمزت عليه دايره وجهي اله;شنو مو عمج

باوعتلي مصوفرة تبلعم;ليش ماكتلج هو هو
اصلا مو اخو ابوية

ضربتهة على جتفهة حيل; فضيني افتهمت مو
اخو ابوج يعني مو عمج لعدددد

اتنهدت زافرة نفس;هو ايصير ابن عمتي الي
هي أخت بابا وابوه من هاي الديرة بهلبساطة

بلعت ريكي اني لعد عبالي هو ابن الحجيه هو
طلع حفيدهة لا اكثر عزااا هاي شضامين عليه
بعد زين شكو الاملاك كله باسمه وهو الي دااا
يدير البيت وهاي مكضيته عليه عمي وعمي ما
داصدك اكو شغلات وخفايا هواي .........

باوعتلهة بحقد وهي كامت اتمتمت;اوي لااااا
تباوعيلي هيج

قلصت عيوني عليهة; شضامه عليه بعد

ضحكت رند ;اووو كومة

رفعت ايديهة ايلين مستسلمة;ماعرف شيي
بعد وحق الله