🩷 رواية حبيبة 🩷
🌱الحلقة الخامسة 🌱
🌹Hăbošh🌹للكاتبة
........................ 🩷🩷🩷🩷🩷🩷🩷🩷🩷🩷🩷
وقفت ع الباب صكراته بجسمها
حبيبة: تمسح في دموعها و يرجعوا ينزلوا؛ ارجوك تميم ما تمشيش، اااني عااارفة تبي تمشي عشااان زعلان مني 💔؛ قعدت تبكي بصوت
تميم: شديت ايدها اللي يرعشوا؛ خلااص ااهدي انا مش زعلان؛
قاطعتني
حبيبة: بالشهقة؛ باااهي علاااش 💔
تميم: زفرت بضيق؛ نبي نستقر و انشوف مستقبلي،
حبيبة: 😨 و اني يا تميم خلاص تخليت عني 💔؛ ما قدرت نستحمل نضراتها ليا ، شديت راسها و شبحت لعيونها بوجع؛
تميم: وقت تحتاجيني تلقيني جنبك؛ بست على راسها و بعدتها من ع الباب فتحته وطلعت،
كانت اتشوفلي بكسرة انصكر فيه و نتهرب بعيوني ما انشوفلهاش 💔
بحت صوتها وهي تبكي نسمع فاها من وراء الباب كان قلبي يبكي دم عليها، تمنيت نكسر كل الحواجز و ناخذها في حضني و انظمها لصدري جوا ،
"كم ارغب ب أحتضانك الأن لأخبرك بأن قلبي يتيم بدوونك "
💔😞
....
انتقلت لشقتي حطيت اغراضي و طلعت مشيت لشركة كان عندي شغل ضروري انتمه، و بعد طلعت من الشركة نزلت على محل شريت مواد تنظيف و تموين و اي شي نحتاجه و مشيت لشقة، كنت تعبان جسديا و روحيا و بعد ما رفعت المشتريات في المطبخ خشيت الحمام خذيت دوش ساخن نحى جزء من التعب الجسدي و طلعت مشيت لدار، نزلت الشنطة كانت ع السرير و رقدت فيه، ومن الساعة الخمسة لساعة اطناش باليل راقد و لما وعيت وفتحت عيوني كنت فاقد الذاكرة و دماغي واقف ،
قعدت على وضعيتي نشبح لسقف بسرحان جت قدامي صورة حبيبة شادة ايدي و تبكي، زفرت بضيق تذكرت انا وين 💔،
تضايقت و حزنت و للحظات حسيت بالندم، بس لما فكرت في كل شي صار و ح ايصير اقتنعت ان اللي درته هو الصح ، نضت من السرير و خشيت الحمام غسلت و مشيت المطبخ حطيت قهوة ع النار باش انحي الصداع و مشيت ناخذ الدخان كان في جيب القميص اللي كنت لابسه و رجعت للمطبخ خذيت فنجان القهوة و لعت معه سبسي و طلعت قعمزت في الصالة فتحت الtv عدلت فيه القنوات و قعدت امكسد و نفكر كيف انفوت الليل و الشقة تبي شوية تنظيف و تنظيم و كنت جعان و متكاسل ماعرفتش كيف اندير هذا كله بروحي، شبحت لساعة لقيتها واحد الا ثلث ، نضت خذيت تلفوني من الشحن لقيت هلبا مكالمات من امي ، رجعت قعمزت درت اول اتصل...
وعي ع الصوت الرنة، فاتح عين و عين مصكرة سحب التلفون
اسامة: بصوت مغموم؛ اايوة تميم
تميم: شنو راقد؟
اسامة: بهزوة؛ لا كنت نلعب في كورة
تميم: وعيتك صح، اسف ع الازعاج
اسامة: خيرك مش راقد لتوا
تميم: حكت لحيته؛ مش متعود ع المكان و الحق ماقدرتش نرقد بروحي
اسامة: ضحك على جنب؛ خايف 😉
تميم: حاجة زي هك، شنو تقدر اتجيني توا
اسامة: تعرف الساعة كم؟
تميم: مزال بكري، هيا تعال
اسامة: انقلب على ضهره؛ توا انشوف
تميم: اسمع دير احسابك اتبات معاي
اسامة: نفخ؛ باااهي؛ جاء يبي ايصكر
تميم: قلتلك يا اسامة
اسامة: هممم
تميم: لو لقيت مطعم فاتح على طريقك جيبلي معك حاجة ناكلها
اسامة: اوكي تم؛
صكرت منه و سندت راسي ع الصالون انفكر نتصل بامي و خايف اتكون راقدة نرعشها، فتحت تلفوني بالنت وشبحت تسنيم متصلة بعثتلها
(شن جو)
شوية وردت
(تمام انت شن جوك)
بعثت (كويس، امي كيف حالها )
ردت( اتخمم عليك راه من بكري اترن ما تردش ع التلفون )
تميم (واعية توا)
تسنيم(توا انشوفها)؛
طلعت من الدار و مشت دقت عليها وفتحت الباب
تسنيم: بصوت ضعيف؛ شنو رقدت؟
امي: مقعمزة و مسندة راسها ع السرير؛ توا باش رقدت
تسنيم: تميم يسال عليك
امي: نزلت رجليها؛ وينه
تسنيم: كلمني بالتلفون
امي: خذت تلفونها وناضت؛ طفي الضي و صكري الباب بشويش؛
طلعت مشت دارها و رنت عليا
تميم: فتحت على طول؛ ايوة امي كيف حالك توا
امي: وينك من بكري انرن، شغلتني اللي ما رديت
تميم: سامحيني والله كنت لاهي في الشغل و بعد روحت الشقة لقيت روحي راقد توا باش وعيت
امي: باهي نوم العوافي و كيف داير بروحك في الشقة
تميم: اموري ماشية ما تشغلش بالك، كيف حال بوي، و و حبيبة 💔؟
امي تنهدت بضيق؛ حبيبة تعبت شوية و توا كويسة؛
كنت مقعمز جيت واقف
تميم: 😨 بخوف؛ خيررهااا حبيبة ؟
امي: الصبح شبحتها كانت كويسة ما تشكي من حاجة قريب الضهر خشيت عليها عشان تمشي المعهد لقيتها في حالة ما يعلم بيها غير ربك، ذكرتني بنفس الحالة اللي صارتلها بعد الحادث 💔
تميم: بلعت ارياقي بغصة؛ و توا كيف حالها ؟ هي وين 💔🔥
امي: ان شاءلله كويسة، خليتها راقدة
تميم: انجي نرفعها المستشفى؟
امي: رفعناها امبكري ضربولها ابرة و روحنا
تميم: 💔 شن قال الدكتور؟
امي: شافها بس من بعيد صرفلها على ابرة، و ما قال شي اخرى
تميم: غدوة توا انشوف دكتور كويس وانجي نرفعها
امي: باهي ان شاءلله
تميم: بالله يا امي ديري بالك منها
امي: من غير ما توصيني
تميم: صار شي رني عليا قاعد واعي
امي: ان شاءلله ما ايصير غير الخير
تميم: ان شاءلله، تبي شي
امي: سلامتك حبيبي؛
حطيت تلفون بحذاي و سحبت الدخان من ع الطاولة كنت نتنفس بيه و ايخفف عليا وجعي، عقلي قعد ايخمم على حبيبة و قلبي ملهوف عليها،شوية نجبد من السبسي و شوية نسرح بتفكيري 💔
.
.
نرجعوا وقت طلعت من الحوش و خليتها تبكي
كانت واقفة في السور تشبح للباب مصكر بيني وبينها و شهقاتها سريعة ودموعها ينزلوا زي الشلال،
تذكرت يوم اللي طلعنا فيه كلنا و نزلت من سيارة بوها و ركبت معاي تذكرت الحادث وصورة امها و بوها حاصلين داخل السيارة وصوت انينهم، و الحظة اللي سمعت الدكتور ايخبر ان امها ماتت و ما وعيت من الصدمة الاولى لتنصدم بالثانية و تفقد بوها 💔
برحيلهم فقدت حنان الام و دلال الاب و دءف العيلة و الأمان
تشبح للباب اللي طلعت منه ايشدوا فاها بالقوة تبكي بعلوا صوتها و رفعوها اتعيش في مكان بعيد عن ذكرياتها و الناس اللي اتحبهم وعيت عليهم ، تذكرت ايامها الاولى في حوش امراة متسلطة تعامل فاها بكل قسوة بدون ما تراعي وضعها النفسي و زادت من معناتها في ضل الاعمال الشاقة تحت الضرب 💔 طفلة بعمرها تخسر عيلتها و تلقى روحها وحيدة اتواجه في عنف جسدي ونفسي و تحس بشعور اليتم و كيف الدنيا تخلت عليها 💔
كبرت و كبرت معها المآسي و المعاناة و عاشت في رعب السقوط فريسة لذئب ملعون ينتهز في كل لحظة انفراد لتحرش 🔥
و اليوم اللي كان ح تطلع فيه من الجحيم تجبرها الظروف ترتبط بشخص و مستقبل مجهول...
و تعيش في صراع داخلي ما بين احلامها و الواقع 💔
___________________________
خشت الحوش منهارة و خايفة امي تشوفها بالحالة هذه ، طول مشت لدار و طاحت على سريرها تبكي بالعبرة 💔
و لما خشت عليها امي بعد ساعتين لقتها في حالة تبكي بالشهقة و ترعش ، و على قد ما دارت فاها باش تدوي و هي امغير تشهق بطلوع النفس...
طول رنت على امجد و جاء رفعوها المستشفى
كان امجد خايف عليها و لما روحوا بيها الحوش قعمز معها و حاول يفهم منها عن السبب اللي خلاها تنهار هك...
كانت في حالة صمت ما تبيش تدوي مع حد و لا تبي تاكل ولا تبي تشرب بس ضامة ايديها لصدرها و تشوف قدامها بسرحان
ما قدروش ايخلوها بروحها قعدوا امي و تسنيم جنبها طول اليوم لعند ما رقدت ...
.
.
رن الجرس مشيت فتحت لاسامة
اسامة: خيرات
تميم: خش ؛ مشيت خليته واقف و رجعت قعمزت
اسامة: خش مستغرب ووصكر الباب؛ جبتلك بيتزا و هامبورجر؛ نزل الاكياس ع الطاولة و جاء قعمز بحذاي
اسامة: شبحلي بستفهام؛ شكلك كنت راقد!؟
تميم: لا وقت اتصلت بيك دوبني واعي
اسامة: والله!؟ و خيرك قارن حواجبك
تميم: مصدع شوية ما دورش
اسامة: باهي هيا كول قبل ما يبرد؛
قرب بوكس البيتزا افتحه
تميم: شبحت فيه و صكرته؛ مش خاطري توا
اسامة: بتعجب؛ مش كنت جعان و من الصبح مش ذايق حاجة في بطنك!؟
تميم: خليه بعدين بعد انجوع ناكل، كول انت كان تبي
اسامة: لا انا متعشي؛ الحق ناقصني نوم؛
اثاوب و سند راسه على مخدة الصالون و رفع رجليه ع الطاولة
تميم: شبحتله؛ الشقة تبي تنظيف
اسامة: بملل؛ جيب حد اينظفها
تميم: لا موضوع ما يستهلش، توا انت اتساعدني
اسامة: ما تعباش عليا، راه جاي نعسان ما انشوف في شي قدامي 🥱
تميم: نمشي انطيبلك قهوة توا اتصحصح؛
مشيت المطبخ و درت فنجانين قهوة و طلعت عليه
تميم: هيا قعمز؛ حطيت السفرة و خذيت الدخان؛ نعطيك سبسي 🚬🔥
اسامة: لا اعوذ بالله، لو اتبطله حتى انت و الله مافيه فايدة امغير ايضر صحتك
تميم: عاض عليه بين اسنوني؛ الشي الوحيد اللي ايبرد عليا
اسامة: ربي يهديك و خلاص؛ خذا فنجان القهوة؛ ما مشيتش غادي
تميم: لا؛ زفرت الدخان بنفس طويل؛ اتصلت بامي و قالتلي حبيبة مريضة
اسامة: شبحلي؛ من شنو؟
تميم: نفس ما صرلها زمان بعد الحادث
اسامة: و شن السبب اللي خلاها تعاود عليها الحالة !!؟
تميم: مش عارف بس الصبح لما طلعت من الحوش قعدت تبكي تحسابني ماشي عشان زعلان منها على موقف امس، يمكن ايكون السبب
اسامة: لالا ما عتقدش حتى لو كنت زعلان منها ما توصلش لاهني
تميم: تنهدت بضيق؛ غدوة نرفعها لدكتور اعصاب ايشوفها ، قلقان عليها بكل و قلبي مش مطمن
اسامة: ان شاءلله خير ما تغشش روحك؛ نزل الفنجان و ناض؛ نمشي نرقد؟
تميم: شبحتله؛ جبتك هنا عشان ترقد
اسامة: مالا شن بندير!!
تميم: طفيت الدخان ونضت؛ نظف معي الشقة و بعدين ارقد 😎
اسامة: عقد حاجبه؛ تدوي جد؟؟؟
تميم: دفيته من اكتافه؛ تي مالا شنو هيا حرك روحك؛
اسامة: ماشي ملتفت وراه؛ وعيتني من نوم عشان انظف معك 😡
تميم: ضحكت؛ معليش اتعيش وتاكل غيرها، تعال نبدوا من المطبخ
اسامة: 😡😤؛
