#صاحب الظل...
[علياء محمد]
5 | قـطّـعـها اربـًا حـرفـيـًا|
قبل القراءة صل على الرسول الحبيب عليه افضل الصلاه والسلام ♥️
_______________________
خرج الطبيب من غرفة كارما عندما انتهى من فحصها وقابل في وجهه زكي الذي ابتسم له باتساع وسأله :
_ اقدر ادخلها ؟
_ ايوا اتفضل بس خمس........
قاطعه زكي بدفعه بكل وقاحة دالفًا الغرفة صائحًا وهو يفتح ذراعيه :
_ كرومتي حضن كبير.
انتفضت كارما بفزع من ذلك الاحمق وهي تنظر له بصدمة وانزعاج فهي لم تلحظ وجوده السابق في الغرفة قبل أن يخرجهم الطبيب لفحصها، قلبت عينيها وسألت بانزعاج :
_ عايز ايه؟
لوى زكي شفتيه بإحباط مصطنع وهو يقول مقتربًا منها :
_ هي دي مقابلتك.. قليلة أصل صحيح.
_ فين صابر بيه وجمال؟
قالتها بنفاذ صبر منه فهو دائما ما كان يستفزها بتصرفاته منذ الصغر حتى كان يخرج اسوأ ما بها، تجاهل زكي سؤالها وهو يضغط على إصابة ذراعها :
_ ده انت مفرومة.. ايه اللي عمل فيكِ كده؟؟
صرخت بألم دافعة إياه بقدمها واخدت تسبه أثناء نظراته المستمتعة ثم قالت بغضب :
_ انت ايه اللي جابك.. مش كنت متلقح في لندن؟
_ متلقح أنتِ لسه بيئة زي ما أنتِ.. جيت ياختي عشان اصلح العك اللي انتوا عاملينه.. وبعدين لما قالولي أن في بنت شغالة معانا اسمها كارما كان لازم اتوقع انه أنتِ مهو الغباء ده ميطلعش من اي حد.
يتفنن حقًا في إخراجها عن شعورها ولكنها بالكاد تمكنت من التماسك وهي تضغط على فكها قائلة :
_ اسمع يا زكي أنا اللي فيا مكفيني اقسم بالله كلمة زيادة وهكسر الفازة دي فوق نفوخك.
اشارت للزهرية التي بجانبها فقال باستفزاز :
_ هتكسريها على نفوخي وانتِ متدغدغة كده.
انتفضت تحاول الوصول اللي زر الجرس حتى يطردوه الممرضين من غرفتها ولكنه نهض بهدأها :
_ خلاص خلاص اهدي أنا آسف مش هتكلم تاني.. وبعدين بزمتك موحشتكيش؟
_ لا موحشتنيش وفين ابوك وجمال؟
نظر لها زكي بانزعاج واردف :
_ جايين اهو وكفاية تسألي نفس السؤال أنا مش بعُض.
صمتت وصمت هو قليلًا حتى سألها :
أنت تقرأ
~ صـاحـب الـظــل ~
Romanceإن التأخير في الانتقام يجعل الضرب أشد قساوة، فقد اعَمت غشاوة القتل عيناه وفي النهاية لم يتبقى منه سوى قناعه، بينما ظلت هي تركض وراءه لمعرفة هويته فوقعت في شباكه بالخطأ ....
