ما كانت النية حُب بس عُيونه تجبر التايب يميل

البارت التاسع

التفتو من نطقت غيداء بصدمه:طلقني طلقنييي وطاحت تبكي
اتجهت غنود بغضب وتفلت على وجهه ونطقت:تستاهلين ي العقربه اتجهت ل غرفه غيداء واخذت ملابسها وحطتها بشنطه وطلعت:خذي ذي شنطتس واذلفي بيت ابوي وشوفي وجهه يوم يعرف ان صار لقبس(المطلقه)
واتجهت ورا عذبي

عند عذبي كان واقف عند الباب الخلفي يناظر بفراغ التفت من نطقت:ليه م نرجع الديره
عذبي بسُخريه:تعرفين الديره
وهمست ب أذنه وعقد حواجبه بأستغراب:ليه تبين الرابعه
ضحكت بسُخريه:نذر عليي ان تتزوج شَغب بنت مسعود
وسع عيونه بصدمه من نطقت ب أسم الي يحبها ولكن تلاشى الحب من كلامها:بس قاطعته ونطقت:معليك انا بكلم البنات واخليهم يقتنعون
وطلعت ناظرها بدهشه وذهول من الي قالته

الجناح
دخلت ونطقت:حريم عذبي تعالن ناظروها البنات بأستغراب واتجهو وراها
عهود:وش فيس
غنود:نذرت اني ازوج عذبي
وسعو عذوب وعهود عيونهم بصدمه ناظرتهم ونطقت:اتكلم جد وانا من زمان حاطه عيني على وحده من بنات الديره وجهزو نفسكن بنرجع الديره ونخطبها ونكلم آل نهيان يجون بعدنا ب يومين وقتها بتكون موجوده
عذوب بصدمه:ليههه حظي كذا كل م طلق وحده نجيب له وحده
غنود:نذرت ي بنت
عذوب:عشانتس بوافق والتفتو ل عهود ونطقت:مع الخيل ي شقراء بس ماعرفها لن ولا مره رحت الديره
غنود:ترا انا زيتس بس شفت كذا مقطع من عذوب
عذوب:اجل جهزو شناطكن لن من شق الفجر حنا هناك هزو روؤسهم وطلعت كل وحده ل غرفتها تجهز

الفجر
كان بأنتظارهم التفت من شاف زولهم جاينن يركضون وصرخ:شوي شوي
خففو من ركضتهم ونطقت عذوب بصراخ:انا قدام
عهود:لا انا
التفتو على غنود الي فتحت الباب الي ورا
عذبي:غنود تعالي قدام
التفتو عهود وعذوب عليه بصدمه:هاا
ناظرهم بحده ونطق:قلت غنود
زفرت عهود بملل:يليل
وركبو ورا

الطريق
كان يناظر عهود وعذوب الي كانو يسولفون عن الديره
التفت ل غنود الي نايمه ورقبتها مايله حط يده على راسها وحطه على كتفه
عذوب بغيره:خير ليه تسوي كذا لها
ناظرها وضحك:ي الغيوره بس عشان رقبتها ولجل ترتاح
التفتو من رفعت راسها بخجل وناظرت الطريق:م وصلنا
عذبي:باقي ساعه وقريب في محطه بوقف عندها واخذو الي تبونه على حسابي
عهود بفرحه:صدق
هز رأسه

المحطه
وقف ب المواقف ونزلو كلهم دخل السوبر ماركت ونطق:السلام عليكم
الموظف:وعليكم السلام
وناظرهم كل وحده اتجهت ل مكان غير الثانيه واتجهه ل رف المشروبات واخذ من كل شيء اربع
بعد عده دقايق ناظرهم جاين. وكل وحده بيدها ثلاث اكياس مليانه
ونطق:ياوجه الله وش ذا قلت اشترو بس مب كذا.
عذوب:ادفع وانت ساكت مب قلت على حسابي تحمل
التفت من دخل شايب باين عليه الكبر:ما شاء الله خواتك
عذبي ب ابتسامه:زوجاتي ي جد
الشايب بذهول:ما شاءالله على وين
عذبي:ديره ال......
الشايب بفرحه:ياهلا من ولده
عذبي:ولد نياف
الشايب:نياف بن جهار
هز عذبي رأسه ب أي
الشايب ب ابتسامه:ناوي على الرابعه
عذبي ب ابتسامه:جاي اخطب
الشايب بصدمه:وحريمك موافقين
عذبي ب ابتسامه:وحده منهن انذرت
الشايب ب ابتسامه:واضح عليهن القوه والثبات معك مسعود بن جسار ابو برجس
عذبي:ارحب ي عمي مسعود ارحب
ابتسم الشايب
عذبي:والله ي عم اني كنت جاي اخطب كريمتك شغَب
ابوسعد:ياهلا ابد حدد الخطبه واحنا جاهزين
عذبي ب ابتسامه:اليله
ابو سعد:اجل تم تعالو على المغرب
هز عذبي راسه وطلع وكانو البنات قاعدين ب السياره
ركب ونطق:الشايب طلع ابو شغَب
عذوب بصدمه:وانا اقول مشبهه عليه
عذبي بضحكه:واضح انتي م شفتيه ي الكذوب اول وحده طالعه
عذوب بفشله:لمحته
عذبي:ارجعن ل جوكن خليني اسوق
ابتسمت ورجعت تسولف مع عهود لحد م يوصلو