دخلت تناظرهم يمسحون على شيلي ونطقت:الحين اوسكار وفهيدان بتطلعونهم ولا
وقفت ونطقت:انتظري دقايق وقولي ل الكل يطلع هزت راسها وراحت تقول ل جدتها وطلع الكل
الجهه الاخرى من المزرعه
دخلت وضحكت من نط عليها يلحسّها:فهيدان بعد خلاص وبعد عنها ومسكته ونطقت:تعال وراي ضحكت من سمع كلامها واتجهت ل الجهه الي بجانبه فتحته وطلع اوسكار واتجهت لهم وبيمينها اوسكار ويسارها فهيدان دخلت تناظرهم يناظرونها بدهشه وانبهار ب مروضه عائله ال جهار
وقفت تناظر شيلي يركض لها وحضنته وبعدت عنه تناظره يلعب مع اوسكار وفهيدان والتفتُ من اتجهو لها العقاب والنسر مدت يدها ووقف العقاب وبيدها الثانيه النسر:الاسد اوسكار والفهد فهيدان والنسر هزاع والعقاب كاسر والصقر شيهانه ناظرو فوقهم من وجود صقرين ونزلو لها ونطقت بضحكه:شيهانه و شحاب والتفتُ من الكلب والقطوه والارانب والحيوانات بجانبها
وضحى بأستغراب:من وين جت ذي وأشرت على ناقه ناصعه البياض وجميله ب الحيل
الجادل بضحكه:ذي نواره بنت عنان
شهقت وضحى:من متى انولدت ذي
الجادل:قبل سنه
ابو عايض:كيف مب شرسين وكل واحد منهم يرعب
الجادل بضحكه:خايف؟ تراهم مولودين مع بعض ولا مره تهاوشو بس يلعبون
اتجهه فواز ل شيلي الي كان منسدح قرب رابح يلمس اوسكار ووقف بمكانه من زئر اوسكار
الجادل وهي تهدي اوسكار:اول مره يشوفك
اتجهه ابو عايض يلمس فهيدان الي استقبله بتخويف وقف ابو عايض بمكانه بصدمه وخوف
الجادل بضحكه: ي مقلبك
ابو عايض:اخلص من الانس يجون الحيوانات
الجادل:يحب المزح
ضحكت من ناظرت شيهانه متجهه ل ضي توقف بكتفها وضي تضحك
وقفت واخذتهم ترجعهم ل اماكنهم
ام جهار. ب ابتسامه:ماتوقعتها تجي منتس ي ساره جبتي بنت عن ألف رجال
ام فواز:اجل م شفتي وش يسون لو ضايقتيها او بكت بيهجمون عليتس اسالي مجرب
ام جهار:لذي الدرجه يحبونها
ام فواز:ماشفتي شيء
المجلس
ناظرهم مشغولين ب السوالف طلع يتجهه ل اخر مكان ب المزرعه وكان هدوء
التفت ل مصدر الصوت الي داهم تفكيره دخل يناظر بنت بكامل اناقتها تلعب مع غزال صغير وتضحك وسُرعان م صرخت من ناظرته وصد عنها ونطق بهدوء:أسف ماشفتس
الجادل بغضب:تنحنح مب تدخل كأنك جني اعوذ بالله
زفر بغضب ونطق:وانتي وش يجيبتس بذا المكان وب الليل
الجادل:عندي فضول انت ولد من
وايل:وايل بن ثنيان
الجادل بسُخريه:واضح انه م خلف رجال وشهقت من خنقها ونطق بصراخ:وش قلتي
الجادل بخنقه:يعني بتخوفني وانصدم من ضربته الغزاله وراها خمس غزلان ناظرهم ونطق:خليهم يبعدون
الجادل بصراخ:كل تبن وضربته بقهر وبكى ودخلت ل مكان الغزلان وجلس يلتقط انفاسه المنتثره من نظراتها الي م طلعت من خياله الي بدات تبان فيه الجادل
داخل مكان الغزلان
جلست تناظرهم ونزلت دموعها ومسكت مكان الخنقه الي بانت بقع الخنق وفتحت شنطتها تناظر المكياج الموجود وبدات تحط على عنقها وسُرعان م اختفت البقع رفعت راسها تناظر مكانه وحصلته جالس ومقفل عيونه وانفاسه السريعه رجعت مكانها تناظر الغزاله الصغير تحاول تلعب معها ابتسمت تلعب معها
أنت تقرأ
ما كانت النية حُب بس عُيونه تجبر التايب يميل
Aléatoireوبتكون الروايه الجديده تتكلم عن بطلتنا عذوب عايشه ب لندن ورجعت ل الديره بعد م صارت ظروف صعبه ب لندن واول م ترجع بشهر جدها يجيرها تتزوج من ولد عمها عذبي العصبي وتنصدم من يطلب منها تختار له زوجه واختارت بنت خالتها ولكن جده يغصبه يتزوج بنات صاحبه
