فـي ضِـل آدم

الحـلقة الثـانية 🖤

اسعد الله اوقاتكم بكل حب زروف گلـبي 🦋

# في ضل آدم
بقلم::  بسـمة الحسـاني

.....

لا فرحنة ولا لگينة عيون
تستاهل بچينة مدري صوج
الناس شيبنة بصغرنة
مدري صوج گلوبنة الكلش حنينة..

......

عبـدالله

نزلنا من السيارة ...تكسرنة من الطريق من بغداد

لتكريت...لگيناهم ناصبين چوادر الفاتحة

كلش زعلت چان شگد حنين علينا صح مو هواي

نشوفة بس كلش نحبة...

وبدت الفاتحة ... بعد ما دخلنا لبيت جدي بس بالليل

ناخذ فراشات للعالم ...مرة وحدة شفت امي من

اخذت منها آدم ..

ثالث يوم بالليل شلنة چوادر الفاتحة...رحت وية

الولد ودينة غراض الفاتحة ..رجعنة لبيت جدي

مو حلو تحسة بارد ومظلم ...الوجوه كلهة حزينة

شفت امي جانت تعبانة ووجها شاحب ..

وبابا بشكل جان تعبان ومرتين بالفاتحة صعد ضغطة

بقينة اسبوع ورجعنة... وگفت السيارة يم بيتنا

نزلت فتحت الباب وبأيدي جنطنا

وانصدم بالمنظر ...ضليت واگف

واني اباوع على بيتنا ..شصاير بيه...الشبابيچ

متكسرة الأبواب مفتوحة ..اول واحد ركضت اشوف

دخلت البيت جان مگلوب گلاب ..امي ركضت تشوف

الذهب ...بين هوسة اخواني

واستغرابهم وبين هاي...وشصاير ....  وشكو...

طلعت ماما

وگالت::  ابو عبدالله الذهب والفلوس  ما مشيول

ولا فلس!!..

كلنة انصدمنة شلون هيج وين اكو حرامية يفوتون لبيت وما يبوگون شي؟

...شتا والجو بارد جان بداية شهر الواحد

والشبابيچ متكسرة.. والهوى يگص گص

بابا صاح :: لحد يكض اي  شي لاما توصل الشرطة  ..

رحت لغرفة أهلي اباوع وية ماما شصاير بالغرف

جان شفت ورقة على ميز المراية رحت بأستغراب

وبأيدي جان قميص لبابا شلتة لأن جان بالباب ..

شمرت وأخذت الورقة

اتسعت عيوني بصدمة وانة اقراها

"اليوم بالگزيز باچر بالعزيز يا حضرة
المحامي ضياء"