#بارت8
#أحببتهُ_قارئاً
بعتذر عن التأخير...
ــــــــــــــــــــــــــــــــــــــــــــــــ
عدت ايام كتير وانا قاعدة فى البيت لا بروح جامعه ولا بروح الاستوديو ولا حتى صحابي بشوفهم واكتفيت بنزولى للكُتاب اللى تحت البيت،، ماما كانت مستغربه جدا ودايما تسألني اذا انا كويسه، الحقيقه مش انا عارفه اذا كنت كويسه ولا لأ حاسه بروحى مطفيه ولا انا مبسوطه ولا فرحانه
انا حاسه ب ولا حاجة وده احساس صعب اوى
العياط نعمه برضو!! واحنا مش حاسين بيهابعد شهر كامل وانا مُنعزله نزلت الجامعه وكله كان بيسألني حصل ايه واذا انا كويسه وخصوصا انى كنت باهته جدا ووشي مطفى وتحت عيونى سواد شديد
كل ركن كنت بقعد فيه الناس بتبصلى.. لانهم مش متعودين على كدة... مؤخراً انا بقيت اجتماعيه شويه وليا علاقات كتير وحتى لبسى رغم بساطته الا انه كان حلو ومُلفت
ف انى اروح الكليه بالشكل ده هو موضوع مُلفت للانتباه
ولكنى طلعت من كل الاسئلة بتاعتهم بانى قولتلهم عندى ظروف وكانت اقوى منىرجعت البيت وارتحت شويه وحاولت اعمل plan علشان اقدر اذاكر كل اللى فاتنى ده وفى نفس الوقت رجعت اكتب علشان انزل على الاكونت بتاعى واللى ليا شهر منزلتش عليه بوست ولا ستورى.. حاولت كتير وبدات فعلا انى الم اللى فاتنى.. ولكن كل ده بفتور وعدم شغف... انا بعمل كل ده علشان لازم اعمله.. مش علشان انا حابه اعمله
وأخيراً خدت الخطوة اللى كنت بفكر فيها ومن فترة كبيرة جدا وهى انى ارجع الاستوديو تانى واتعامل معاه تانى
هى صعبه عليا لكن انا اديتهم وعد ولازم اوفى بيه
جبت الدفتر بتاعى وبدأت اكتب الانشودةلولاك ما كنا. نسمو فى الحياة
سُنتك مِنهاجنُا صلي عليك الله
إن قلبي يحنو إليه ويشتاق للُقياه
كم طال العُمر ولم ينل قلبي مُناه
صلى عليك الله يا علم الدُجي
بلغت السماء ونُلت منها العُلاياقمر ويا نجوم ويا ايها الفضا
بلغ سلامي لحبيبي المصطفى
واخبروه ان دمعي بلل الثري
والقلب والغيوم والجبال لا ترى
الا حبيبنا وحبه بالقلب قد طغى...وفضلت اكتب ما شاء لى به الله
صحيت الصبح وروحت الاستوديو واللى حقيقي كنت مشتاقه للناس اللى.كنت بتعامل معاهم فيه
وبدأت تسجيل وطبعا طلعت للاستاذ خالد علشان اعتذرله
خبطت على البابالأستاذخالد:- اتفضل..
أمنيه:- السلام عليكم!
الأستاذ خالد:- وعليكم السلام ورحمةالله وبركاته..اهلا اهلا بكاتبتنا العظيمه..اتفضلى
أمنيه:- أهلا بحضرتك...عامل ايه
الأستاذخالد:- الحمدلله بخير وانتِ عامله ايه..
ايه الغيبه الطويلة دى طمنينا عنكأمنيه:- الحمدلله انا كويسه...الحقيقه انا مكسوفه منك والله يا استاذ خالد...بعتذر جدا انى اديتك وعد واتاخرت عنه
ولكن الظروف كانت ضدى
أنت تقرأ
احببته قارئا
ChickLitاحساسك لما تكون في ضلال كبير وما تعرف ربك انميح ومو متقرب لي ربك وبتعمل ذنوب و بلمح البصر ماشي في طريق وتسمع صوت احد يقرأ قرأن وايه تكون مأثره جدا وصوته يكون سبب هدايتك دا الي هتعرفوا في الروايه