حب نمار

بارت 2

"لا يمكنك أن تفهم شيئاً لم تشعر به"

"" "" "" "" "" "" "" "" "" "" "" "" "" "" "" "" "" "
دخلت للاستقبل واشوف نسوان اقاربنه نايمات عبرت من يمهم وصعدت فوك سبحت  ونمت من التعب

٧:٠٠ صباحا
ما احس غير امي تكعد بيه ولج ريمممو اكعدي يمه علمود ترجعون
جاوبتها اي ماما بس شوي ولج شنو بس اشوي اخوانج منتظرينج
كعدت من النوم وصبحت على ماما وكتلها يوم نزلي واني على ما اغير ملابسي الحكج كالت خوش يمه
رحت رتبت نفسي وغير ملابسي ونزلت جو لگيت كلها كاعده صبحت عليهم ورحت لابوي بوسته ونصحني بويه ريم انتي راح ترجعين وي سجاد وسيف لبيت اريدج عينج على البيت واخوانج ودراستج اهتمي بيها باوعت علي وكتله زين بابا وانت وماما ما تجون ويانه جاوبني لا بابا ما نجي احنه منا للابعينيه جدتج وحتى اختج الصغيره نرجس ما تقبل ترجع الا وي امج واني وصيت سجاد كل خميس تجون هنا تمام بابا انتبه لنفسك لماما ولا تنقهر ماشي بوسني وانطاني فلوس وكال بعد ما اوصيج. رحت لماما سلمت عليها وكالت كل خميس سجاد يحيبج كتلها اوك ماما بوستها ووسلمت على الكل ورحت للطارمه (الحوش) البس حذاءي ماما واكفه يمي وتسولف كتلها ماما ارجعي جو  اني راح اروح كالت خوش يمه لبست وكملت جان اسمع صوت ب الترك رحت  اشوف شنو هذا الصوت بحيث محد يسمعه بس اني لان ذكيه وانتبه بسرعه ههههه
المهم رحت اشوف مصدر الصوت وياريت ما شفته شفت نمار وبنت عمي تقى بوضع ياربي فتحت عيوني واني مصدومه جان تقى انتبهت علي وفلتت راحت بسرعه وهو دار وجهه وشافني ومصدوم اجه بتجاهي وكلي ريم اسمعيني باوعت علي اخر نظر وركض طلعت للشارع شفت سجاد وسيف يم السياره ويسولفون من شافوني بقى سجاد يرزل بيه وينج بعد ابقى هناك صالي ساعه منتظرج
نط سيف وكاله هجم بيتك ساعه هيه نص ساعه وانتظرناها بقو واحد يداهر ب الثاني لحد ما صعدنه كلنه بالسياره علمود نرجع للبيت وشوي واشوف نمار اجه ب اتجاهنه وسجاد نزل سلم علي وكله هاا نمار محتاج شي كله لا بس الشغل مو تنساه مال ابو رائد جاوبه سجاد كله لا ما ناسي باجر امر عليك ونروح اله كاله هاي هيه  وباوع عليه اخر نظره واني درت وجهي منه وهم راح للبيت رجع المواقف الي خلاني اغير نظرتي لنمار الي جنت معتبرته صديقي وابن عمي ابد ما متوقعته هيج يسوي رغم حتى لو يحبها ويكن مشاعر الها بس بالحرام ما تدخل عقلي
بقيت الطريق مخليه راسي على شباك السياره واذكر الموقف

كان خذلانهم كفيلا بأن يُخبرك أنّ كل اللحظات الجميلة التي جمعتك بهم ماهي إلاّ فقاعات صابون رغم أنك تشبثت بها بكلتا يديك وبكل قوة إلا أنها تطايرت إلى أماكن لا يحقّ لك الوصُول لها أو أنّها تلاشت قبل وصُولك
"" "" "" "" "" "" "" "" "" "" "" "" "" "
وصلنه للبيت وسجاد ركن السياره بالكراج وسيف جان نايم وكعدنا
البيت عباره عن تراب وهوسه صاير
باوعت عليهم كتلهم ماكو نوم نكمل تنظيف البيت وكلمن على غرفته خطيه ما كالو شي سيف انت عليك المطبخ والكراج
سجاد انت الديوانيه والصاله
واني الغرف كلهم خوش نط سيف حرام عليج يعني المطبخ اني ما احبه ليش مو  انتي باوعت علي وكتله سيف تره بيت جدي كرهوني بالمطبخ ويله بلا كلام زايد كلمن على شغله سجاد  باوع على سيف وكاله اختك اخذت الدور سيف كاله وهو كفخني على راسي اي عود صايره ام بيت وضحكو باوعت عليهم وكتلهم للشغل يله انطيتهم ادوات التنظيف وبدينه نشتغل لحد ما صار العصر سجاد راح جاب الغده اكلنه ونسولف وسجاد كال ريم باجر الصبح اروح للجامعه مالتج علمود احاجي العميد وهم تعهد تسوين كتلها ان شاءالله
بعدها البيت صار نظيف باوعت برضى
وكلمن راح للغرفته رحت اجيب موبايلي من الصاله جان امي تخابرني وسالت عني وعلي اخواني طمنيتها ورحت للغرفتي اخذت ملابس نظيفه لبستهم وصليت ونمت ولليل يله كعدت على صوت سيف وهو يصيح كمت مخروعه رحت كبل لمصدر الصوت جان اشوف واحد لازم الثاني ودك يتعاركون بقيت اباوع على المطبخ الهوسه كابه والطحين مطشر كمت ادك على اخدودي وبقيت اعيط عليهم ولكم شمسوين هاا انتبهو علي ونزلو روسهم ماخذين الدور عود اني امهم 😂 واحد اشر على الثاني جان يكول سيف ريم والله اني معلي هذا سجاد هو هيج سوه
سجاد باوع علي وكال تره كتلله سوي اكل جان اشوف لاعب المطبخ وضربته
اباوع عليهم وكتلهم اذا جاوعانيين ليش ما كعتوني واني اسويلكم اني كال سيف والله اجيت اكعدج بس سجاد ما قبل يكول تعبانه باوعت عليهم ورحت حضنت سجاد وكتله حبيت اختج الصاك جان سيف يجرني من حضنه ويكلي وهو عصبي عشتو واني شنو طرطور طرطور لو لان اني ما احجي رحت علي واني ابتسم يمه سيوفي اببو الكفشه الحلوه شعندي غيرك حضنته وهو ابتسم ويطلع لسانه لسجاد وسجاد يضحك علي
المهم يله كافي روحو انتم واني اجهز الاكل ما صدكو رحو للاستقبال واني رحت غسلت وجههي وبديت اسوي الهم فنكر وعدنه كبه بالمجمده هم كليتها وحميت الصمون وسويت زلاطه ورتبتهم ورحت للاستقبال وقدمت الصينيه وبدو ياكلون واني رحت اسوي جاي واغسل ب الاستكانين وجان يفززني سيف وهو يبوسني من خدي وصحت بي هاا شكو تبوسني جان يكول عاشت ايدج ع الاكل 😂ويضحك كتله ابو بطن غير ضحك و صبيتله جاي ولسجاد ورتبت المطبخ وصحت اخوان اي شي تحتاجونه كلولي جان سجاد يكول باجر حضري نفسج علمود نروح لجامعتج كتله اوك
رحت لغرفتي ورتبتها اضيع وكت وحضرت ملابسي وجان يدك علي رقم ما جاوبت انوب صوت رساله مكتوب بيها

"" اثاري انت
سفر دنيا ؛ وحلم مبيوكً
مر صدفه وخلص وكته!

استغربت منو يدز هيج لان اني ارقام العشيره كلها عندي المهم ما هتميت وطيزت الرساله
نبهت الموبايل لان وراي جامعه ونمت

كعدت ب 6 على ما صليت وسويت ريوك وكعدت سجاد ورحت لسيف انطي علم لان اروح للجامعه جهزت وضعي وصعدت بالسياره وي سجاد وصلنه للجامعه ونزل وياي اخوي وجان ادلي  على غرفه القسم مال الدكاتره علمود الغياب مالي وقبل لا نفوت جان سجاد يسولف وياي وما منتبه واصددم بنيه وجان جنطتها توكع وطشرو الاغراض الي جانت موجوده بالجنطه وسجاد اعتذر من البنيه بس جان مصدوم ما اعرف ليش اتعذرت من البنيه ولميت وياها الاغراض جان تباوع على سجاد وراحت المهم موقف مدري شلونه احس واحد يعرف الثاني لان نظراتهم مو خاليه باوعت على سجاد اريد احجي جان يكول يله خل اروح للدكتورج سكتت بعد اني المهم دخلنه للغرفه وسجاد سلم وكتبت تعهد بعد ما اغيب سجاد طلع وكال اني عدي شغل وانتي من تكملين دوامج خابريني كتله تمام سلم وراح كملت يومي والتقيت ب صديقاتي سوالف وضحك لحد ما صارت 2 خابرت سجاد جان يكول سيف راح يجيج لان اني طالع بمكان بعيد كتله خوش وهيج تقريبا عشر دقايق واجه سيف ورجعنه للبيت ويانه اكل من المطعم سيف مشتري حبيب اختو

مرت الايام وصادف دراسه وامتحانات  وكلما يصادف خميس جنتت اتحجج ادرس لو ما فارغه علمود ما اشوفه هناك   جانو اخواني يرحون وماما شكد ترزل بيه علمود اجي لان كلها تسأل عني عشتو بس اني قافله ما اروح
اندك الباب مالنه جان يدخلون اخواني واني محضره حبشكلات ومرتبه الحديقه لان اليوم اهلي يجون واخواني كعدو بالحديقه كتلهم راح اغير ملابس ما تاكلون اموتكم جان سيف يكول اخذي راحتج وحاولي تتاخرين فوك علمود تلكين بس سجاد مكابلني والاكل ماكو جان سجاد يكفخه على راسه وكال روحي معليج بسيف باوعت لسيف بنضرات واشري ب اصبعي عود اخوفه انو اذا مد ايده اقتلك جان يسوي روحه خايف مني واني اذا اصف يمه يمردني مرد الله وكيلكم بس ما خذيني على كد عقلي عفتهم ورحت سبحت ولبست تراكي الاسود وسويت شعري كعكه وخليت مرطب وكذا ونزلت وكعدت يمهم لحد ما ندك الباب وجان اروح ركض وسيف وياي يركض يريد هو يفتح الباب بس اني اسرع منه وجان افتح الباب ورجعت لي وره ونصدمت بسيف واشوف .....

شنو رأيكم بالبارت...
تصويتكم يحلوين +احبكم
.
* الكـاتبة
موعد العـلي

"" "" "" "" "" "" "" "" "" "" "