السلام عليكم شلونكم ، أني كاتب جديد أسمي حيدر أحمد وهاي أول قصة الي أتمنى تنال أعجابكم وبما انه هاي اول قصة الي فأذا شفتو شوية أخطاء فعادي عبروها ، ادعموني بتعليق و لايك يحفزني للاستمرار اذا عجبكم القصة .
في يوم في احد مناطق بغداد ..في يوم ممطر وعاصف وبارد في مستشفى بغداد في الغرفة رقم 32 هناك امرأة تصارع الولاده .. وفي هذا اليوم الممطر ولد طفلا صغير بريء لا يعرف ما الذي تحملته امه من اجله ولا حتى ماذا حدث في ذالك اليوم ..
كان اباه في جبهات القتال عندما كانت امه تصارع الولاده بمفردها .. بعد الولادة وهي تحمل طفلها وتنظر له وتتأمله رن الهاتف ..
علي : الوو شلونج
هيفاء : الحمد لله بخير ، انت شلونك هذا ابنك بحضني نايم يخبل يشبهك
علي : الحمد لله، عيوني يابة حبيبي انتة ؛ اريد اجي اشوفك ابوسك اشمك
هيفاء : اروحلك فدوة عيوني ،
علي : ربي يحفظج الي انتي والجهال
هيفاء : ويحفظك يعمري ، صدك شوكت تجي حتى تشوف ابننا ونسمي سوى
علي : ان شاء الله اني جاي بعد اسبوع انزل ..
هيفاء : هلا بيك حبيبي ، هاي أنهار و ادهم يسلمون عليك يمي و امي هماتين و ابوك .
علي : الله يسلمج ويسلمهم انطيني اياهم اريد احجي وياهم
هيفاء : هاي وياك ولدك .
أدهم و انهار : ها بابا شلونك .
علي : هلا يروح بابا شلونكم
ادهم : بابا اريد تجيبلي وياك سيارة
أنهار : واني اريد لعابة
علي : تدللون يا روحي ان شاء الله من انزل اجيبلكم احلى سيارة و لعابة لعيونكم
_انطيني جدو بابا
ابو علي : ها يابة شلونك شخبارك طمني عنك بالجيش شلون الوضع يمك
علي : الحمد لله يابة بخير الوضع مو تمام قصف و هجمات علينا بس ان شاء الله اجيكم سلامات ما ضل شي كلها اسبوع واني يمكم
ابو علي : هلا بيك يابة توصل بالسلامة ان شاء الله ربي يحفظك من كل مكروه
علي : ان شاء الله يابة سلملي على ام هيفاء الامر يريدنا بسرعة يلة من رخصتكم
ابو علي : الله وياك يابة .
فذهب الى التجمع فتجمع جميع الجنود فقال الضابط لقد تلقينا بلاغاً بهجوم علينا بعد اقل من ساعة علينا ان نكون مستعدين و حذرين ونحصن انفسنا لغاية وصول الدعم أريد منكم الصمود لغاية وصول الدعم الينا .
الجنود بصوت واحد : حاضر سيدي
علي : هاي شلون كشفو مكاننا و الدعم بس لا يتأخر
عاصم : يخوي اللي كاتبة الله النا يصير لا تشغل بالك
علي : والله هي اذا علية اني فعادي بس اني على زوجتي و اطفالي منو يضل الهم .
عاصم : خليها على الله ولا تضل حاير اخوي .
علي : الله كريم .
وصل الاعداء قبل وصول الدعم الى المقر وبدأوا بأستهداف المكان .
علي : عااااصم وينك
عاصم : وراك اني بالجهة الثانية
نفذت ذخيرة السلاح لدى علي وعليه التوجه لجلب المزيد من الرصاص .
علي : عاصم خلصت طلق ما عندك شاجور
عاصم : تعال ارجع ورا عندي
عاد علي للخلف لكنه اصيب برصاصة وبدأ بالنزيف بشكل سريع
عاصم : عللييي اخوية تحمل جيتك
حمل عاصم علي على كتفيه واخذه لمكان معزول وحاول علاجه
علي : عوفني اني راح اموت بس اوصيك باهلي وصللهم اغراضي و سلملي عليهم .
عاصم : لا لا انت راح تعيش لتخاف ... دكتور ماكو هنااا احد يجي يساعدنا شبااااب
علي : ما وصيك اخوية ولدي الاثنين أنهار و ادهم وديلهم سيارة و لعابة خطية وصوني وكلهم راح اشتقالهم هواية وابني اللي بعدني ما شفته كلهم خلي زوجتي تسمي واحد من الثلاث اسماء اللي اقترحتهم الها .
عاصم : لا علي انت مراح تموت وراح تسمي ابنك بايدك صدكني مراح تموت تحمل ما ضل شي ان شاء الله .
علي : مثل ما كتلك اخوي عاصم .
عاصم : علي عللليي علليييي لا لا لتموت علي رد عليه ولك علييي .
هذا البارت الاول من القصة اذا عجبكم ان شاء الله حتى انزل بارت ثاني و تابعوني على الانستقرام هذا يوزر حسابي opgie2 هناك انزل اخر الاخبار عن القصة و البارتات الجاية ان شاء الله
