#سمراء12:12
بقلمي: رحيق رعد
قرأه مُمتعه للجميع
♡♡♡♡♡
فيروز:
تقدم بأتجاهي مبتسم وگف گبالي مانطقت بولا حرف گال
مازن: هلا دكتوره شلونچ
_بلعت ريگي وگتله
هلا الحمدلله وانتَ
مازن: الحمدلله انه احم دكتوره اجيت هنا مخصوص حتى احاچيچ
_مازن رجائاً بدون مشاكل
مازن: ماكو اي مشاكل دكتوره اجيت لغرض ثاني
_شنو؟
مازن: اجيت اعتذر منچ على تصرفاتي قبل
_شعجب
مازن: ماكو عجب تگدرين تگولين اني وعيت على نفسي اكثر وعرفت غلطي وانه اسف جداً على الي سويته وياچ
_اعتذارك مقبول وانه هن اسفه خاف جرحتك او أذيتك بيوم من الأيام
مازن: لا ماكو مُشكله انه الي لازم اعتذر مو انتِ
_ابتسمت اجت بنيه حلوه من وراه لزمت ايده وگالتله
_حبيبي يله نروح
مازن: اي هسه
_معرفتني
مازن: هاي الدكتوره فيروز چانت زميله وياي بهاي المُستشفى وشفتها بلصدفه
_تمام
_راحت لبنيه تنتضره التفت الي وگال
مازن: هاي خطيبتي مُمرضه بلمستشفى الي اشتغل بيها حبينه بعض وخطبتها
_الله يهنيكم
مازن: ويهنيكم انتِ ولدكتور علي
_تسلم
ودعني وراح حسيت بصدقه بلموضوع وخسيت براحه كبيره هم الحمدلله علأقل اعترف بغلطه دعيت ربي يهدي منار هم وتعوفنه بحالنه كملت شغل وطلعت
علي منتضرني بلسياره صعدت حرك السياره بدون مايحچي اي شي استغربت منه لزمت ايده ماباوع لوچهي حتى
_علي شبيك
علي: مابيه شي
_لا بيك شي احچيلي
نتر ايدي وگال بصوت عالي
علي: گتلچ مابييه شي لاتلحينننن
_انخرست من صوته حسيت صاير شي يارب شنو هلمصايب لا اعتراض على حكمك بس تعبت من المشاكل
سكتت وماباوعتله اصلاً وصلنه لبيتنه اخذت جنطتي ونزلت بدون اي كلمه دخلت للبيت مبيز على وجهي الهم ولقلق شافتني ماما گالت
ام فيروو: خيرچ بنيتي مبين عليچ مهمومه
_اتصنعت الأبتسامه وگتلها
لا مابيه شي بس شويه تعبانه من الشغل
ام فيروز: ماشي روحي ارتاحي هسه اخذي حمام دافي ترتاحين
_تمام
رحت لغرفتي فعلاً سبحت مشطت شعري وتمددت على سريري لسه افكر بموضوع علي وليش هيچ صيح عليه اخذت تلفوني دزيتله رساله مارد عليه رغم شفته قبل دقايق چان مُتصل تركته گلت خلي يرتاح يجوز معصب من شي
أنت تقرأ
سمراء12:12
Romanceصدفه جمعتهم مع بعض وغيرت حياتهم حُب وهوس بينهم غيره وحقد من بعض الناس جمعهم القدر مع بعض سمراء تنمرو عليها وقالو لها لن يحبك احد وفجأه وقع في حُبها وانهوس بها ماذا ستكون ردة فعلهم غامض ولايحب الكلام الكثير من بعد تجربه فاشله في الخطوبه وعد نفسه...
