سمراء12:12
بقلمي: رحيق رعد
قرأه مُمتعه للجميع
♡♡♡♡
رزان:
ركضت على ماما گاعده بلگاع وبصفها بابا مدد ماعرف شبي تبچي وتحاول تگعد بي نزلو علي وحسنين ركض شالو بابا واخذو للمستشفى گبل ضلينه انه وريم وحدنه
نلطم ونبچي يارب كون بابا مابي شي ليش هيچ تخربط مساع چان يضحك ويانه ويسولف شبي هسه
دخيلك يارب دخيل اسمك رجعلنه بابا سالم
گمت توضيت ولبست چادر الصلاة وگعدت اصلي واقرأ قرأن
للفجر اذن الأذان صلينه وضلينه گاعدين اندگ الباب خفنه نروح بس طلعنه ثنينه صحنه منو گال
حسنين: انه حسنين فتحن الباب
_اخذنه نفس براحه وفتحنه الباب دخل گعد استلمناه تحقيق
_شبيي بابا احچيي
ريم: حسنين حباب احچي راح توگف گلوبنه
حسنين: اهدئن بابا زين مُجرد صار عنده هبوط بلضغط واغمى عليه
_متأكد متچذب علينه
حسنين: ولله ما اچذب ابد
ريم: لعد ليش ماجبتو وليش علي وماما ما اجو
حسنين: يحتاج راحه وعلي وماما ضلو يمه اكيد خو مايعوفو وحده وعلي گلي ارجع يم البنات لأن انتن وحدچن
ريم: عفيه ماراضيين نخلص مشاكل
_اي ولله مارتاحينه من مشكله لمشكله ثانيه
حسنين: الله كريم يله روحن نامن هسه
_هوه يهو يجيله نوم هسه ولله ماگدر اغمض عيوني خاف اغمض واگعد على مشكله لو خبر مفجع
_ضربني على راسي خفيف وگال
حسنين: كافي تشائم وروحي نامي طاقه سلبيه عندچ قويه
ريم: ديله ولا يگعد ابو السلبيات والايجابيات
حسنين: انچبي
_هسه عأساس طاقتك ايجابيه انتَ
حسنين: انه سلبيجابيه
ريم: يعني شنو
حسنين: يعني خبط بين الأيجابي ولسلبي
_عفنا ورحنه حطينه روسنه على المخده نريد ننام حرفياً يمكن ساعه اتگلب يله گدرت انام
_ثاني يوم طلعو بابا من المستشفى واستقبلناه عأساس نبقى بلبيت بس بابا مقبل واجبرنه نروح للشغل
بدلنه انه وعلي ورحنه للمستشفى لاگينه فيروز حالتها ماعرف شلونها ترتبك هواي وجها اصفر ماتباوع لعلي اصلاً استغربنه حالتها بس غلسنه
مشه اليوم وخلص الدوام طلعنه لگيناها بره رحنه يمها گال علي
علي: امشي
أنت تقرأ
سمراء12:12
Romanceصدفه جمعتهم مع بعض وغيرت حياتهم حُب وهوس بينهم غيره وحقد من بعض الناس جمعهم القدر مع بعض سمراء تنمرو عليها وقالو لها لن يحبك احد وفجأه وقع في حُبها وانهوس بها ماذا ستكون ردة فعلهم غامض ولايحب الكلام الكثير من بعد تجربه فاشله في الخطوبه وعد نفسه...
