"ثأر الجنوب "

بارت 11

ثأر الجنوب

ابقلمي soo9mv

بارت أحد عشر

.............................

جنه

من اتزوجت خيال امي تعبت حيلل نفسيتها وخالي اتماده اهواي ويانيه وصار يكتل بينه وحنه ساكتين ولازم انصير خدم جوه ايده وايد مرته لو موجوده خيال جان ماسوه هيج هون ومرته يكتلون بينه هسه اتكولون شخصيتج مو قويه وشنو هاي بس لو اتعشون الي عشنا والخوف والكتل ماجن حجيتو هيج صح اني وحده جبانه مو مثل خيال بس هاذا الشي مو بيدي الخوف اقوه مني وماتمنه واحد يحس ابهاذا الشعور الي داحسه اني وماما وخيال لان كللش بشع ولازم تشتغل واحنه ساكتين لان اذا عارضنه لازم ننكتل ميهمه جبير او اصغير المهم من اتزوجت خيال وزوجها يدز النه مصرف ما انحصل منه شي لان ابكل بساطه خالي ياخذهن ويجيب النفسه السم ويكعد هوه وجماعته يسهرون وامي جانت هاي الشخصيه القويه ميهمها احد هسه هيج بس تحجي وخالي يكللها هاي احجي الخيال امي اتخاف اكو شي ضامي علينه اكو موضوع خافي عنه بس امي وخالي يعرفون بي هاذا السر وامي كل ما يجب سيره الموضوع امي تتمرض مرت فتره على زواج خيال وماكو بس زوجها كل يوميه يدك علينه يشوف محتاجين شي

اجتي مرت خالي اتكعد بينه اني وامي

مرت خالي:-يلا كومن نضفن البيت

جنه:-نضفته الصبح

_اي كومي نضفي مره ثانيه

جنه:-اي هسه كايمه عوفي امي اليوم مريضه

_هاي مشكلتها خلي اتكوم اتسوي عشه وانتِ نضفي البيت

_اني اسوي كلشي بس انتِ سوي العشه لان ما اعرف اسوي وعوفي امي خطيه

اجتي ودفرت امي ابرجلها

_يلا كومي سوي العشه عود سوي نفسج مريضه

_خالي عوفيها اني اسوي والله

_معليج انتِ خلي اتكوم اسوي العشه وهيه ساكته يلااا

كامت امي اسوي العشه واني انضف البيت وبتها كاعده ولا عبالك امسويت شي وتتئمر عليه

_جيبيلي مي

_كومي انتِ ماعندج رجلين

_اني اشكلت جيبيلي مي بلا نقاش

_مدشوفين دانضف كومي انتِ

_ماماااااا باباااااا تعالوي شوفو جنه شتكولي

كمت ارجف اني اشكلت الها اجوي يركضون عبالك شوف شنو سويت الها

جنه:-والله ماسويت شي بس كالت جيبيلي مي اني ماقبلت لان دانضف والله

خالي:-وليش ماجبتي مي الها

_دانضف

_اتعوفني التنضف واتخدمين بنتي غصبن ما عليج

_لااا بابا وهم كالت الي كومي انتِ اخدمي النفسج اني مو خدامه الخلفوج عندج رجلين رروحي انتِ جيبلي النفسج