"ثأر الجنوب "

بارت 7

ثأر الجنوب

ابقلمي:-soo9mv

بارت السابع

...........................

لكيتهم كل واحد لازم وحده والحجي كاعد على الدواشك اول ما اريد اصل الماما وجنه لزمني الحجي اريده يهدني ماكو كمص اصرخ بل سد حلكي يمه اصار بيه من اخذو جنه وماما اريده بس يهدني ماكو مادري من اجته هاي القوه معنو هوه حجي طلعو همه كبل الحجي تركني وركض للباب قفله ودار عليه مبتسم اني شفته هيج لو انتهيت ركضت للغرف اريد اقفلها

_وينن اشردين مني موو عبالج لان جبير وماكدرج ولج وحق الله اموتج

_لكككك وخرر لو بيك خير ما تخاذ وحده ابكد احفادك

لزمني من شعري
_عادي مادام ابحيلي وكشي اكدر اسوي الي الحك اتزوج الي اريدها وغمزلي

_اييييع شنو السالفه جدو دوخر عني عوفني شنو لزكه انتَ ووين وديتو ماما وجنه

_خاذا الشي مايخصج اني جاي اخذ حقي وحق الفلوس والغراض الي اخذتيهن وشردتي مادري كم واحد لعب بيج

_من طيح الله حضك ياخسيس

ضربني على حلكي حيل حسيت اسنوني اتكسرن كامن يصبن دم وطاح عليه راشديات اني انتهيت ركضت للمطبخ جانت اكو طاوه على المغسله من جنه تغسل اماعين اتعوفهن على صفحه حتى يوشلن ميهن اني لزمت الطاوه هوه ركض وراي اول ما وصل يمي ركضت علي وضربته ابراسه داخ انوب ضربته اقوه على ضهره احس كلبي راح يوكف ركضت للغرفه قفلتها عليه ركضت ادور على مبايل كعدت بل كاع بعد ما اكدر اتنفس حيلل كلبي كام يدك سرييع اذا خاف لكيت مبايل جنه سحلت روحي سحل لزمته احس اعيوني بدن يغوشن طلعت رقم ذولفقار دكت علي ووكع المبايل على وجهي حسيته اتفلش خشمي دك الباب يفشر عليه وغلط اجاني صوت ذولفقار

_يعني احنه اشلون منخلص من خيال تجينه اخت خيال

ابهمس
_ساعدني فدوه راح يسوي بيه شي

_شكووو اصاير خيال جاوبيني

_كلبي راح يوكف تعالي ابساع راح يعددي عليه

اسمع صوت ركض وكام يصيح على عُمر اني بعد انتهيت كللش

_بس فهمني منو ابقي وياي

_الحكولي ابساع حبابين راح اموت

_لاا لا تحجين هيج هاي جاين والله بس ابقي وياي لا ترحين ماشي خيالل خيال جاوبني هاي منو الي يصيح

ماكدر اجاوب بعد حيلل اختنكت كمت ما اتنفس حيلل اسمع صوت بره اندك الباب وصوت هوسه صارت اني اعيوني ينفتحن وينسدن وحدهن النفس انكطع عندي الباب مال الغرفه اتفلس اعيوني انسدن حسيت بس جسمي انرفع بعد ما عرفت شنو صار مصار

__________________

حياة

جنت يم ذولفقار كاعده جنه امتانين خيال تجي بس طولت دك تلفون ذولفقار جاوب مادري شنو جان يحجي بس كبل طفر يركض ركضت ورا راح العُمر يكله