တစ်​နေ့​နေ့​တော့ ချစ်၍လာလိမ့်မည် | HEEYUNKI ✔

တစ်​နေ့​နေ့​တော့ ချစ်လာလိမ့်မည်

ရာသီဥတုကြည်လင်​နေတဲ့ ​နွေရာသီည​နေခင်းတစ်ခု။ ​လေရူးတသုန်သုန်တိုက်ခတ်​နေတဲ့အခါ ပတ်ဝန်းကျင်က ​အေးမြလှသည်၊ ကျန်ရှိ​နေဆဲ​ရော်ရွက်ဝါ​တွေဟာ ကိုင်းဖျားကိုင်းနားမှာ တွဲလွဲခိုလျက်။ အစိမ်းနုနုပုရစ်ဖူး​လေး​တွေကမူ ရွက်သစ်များအဖြစ် တာဝန်ထမ်းရန် အသင့်။

ထူးထူးခြားခြား တိမ်​တောက်​နေတဲ့​နေ့ရက်ပေမို့ မိုးသားတစ်ခုလုံးဟာ လိမ္မော်​သွေးကြွလျက်။ အလွှာလွှာဖြစ်​နေတဲ့တိမ်စိုင်​တွေဟာ ​ရွှေရည်သုတ်လိမ်းထားသလို ​တောက်ပ၍​နေသည်။ ​ရွှေအို​ရောင်​တွေဟာ ​ကောင်းကင်ပြင်အနှံ့ မျက်စိတစ်ဆုံး။ မိုးကုပ်စက်ဝိုင်းကိုပင် လျှံကျလုမတတ်။

မုတ်သုံ​လေ ​မြောက်ပြန်​လေနဲ့ မတူညီတဲ့ ​နွေ​လေရူး​တွေဟာ ဦးတည်ရာမဲ့ဖြတ်​ပြေး​နေကြသည်။ ​လေပြည်​ကြောင့် ရွက်​ကြွေ​တွေဟာ ဟို​ပြေးဒီ​ပြေး။ အကျီစားသန်တဲ့​လေညင်း​တွေဟာ ရွက်ဝါ​တွေကို အတင်း ​ခေါ်​ဆောင်သွားသည်။ မသိလိုက်ခင်မှာပဲ ပန်းပွင့်ငယ်တို့ထံ တို့ထိကျီစယ်ပြန်​တော့ ​လေ​ဝှေ့တိုင်း ပန်းရနံ့​တွေဟာ ခပ်သင်းသင်း။

ဤသို့ သာယာလှပ​နေ​တဲ့ရာသီဥတုမှာ ရီခီက​တော့ ​နစ်​မြော​နေသ​ယောင်။ ​လေသာ​ဆောင်ခုံတန်းလျားမှာပဲ ထိုင်ရင်း သဘာဝတရားကိုပဲ ခံစား​နေမိသည်။ ပင်ပန်း​နေတဲ့မျက်ဝန်း​တွေကို မှိတ်သည်။ နွမ်းလျလျအကြည့်​တွေကို သိမ်းသည်။ သဘာဝရဲ့စကားသံကို နားစွင့်သည်။

ငှက်က​လေး​တွေက မကြားတကြား​လေး ​ပြောသွားသည်။ "မင်းရဲ့ချစ်သူက မင်းကို ​မေ့​လျော့​နေပြီ" တဲ့။

ဒါဟာ ဖြစ်​ကောင်းဖြစ်နိုင်ပါသည်။ အကြင်သူဟာ ဘယ်တုန်းကမှ သူ့ကို သတိတရ မရှိခဲ့ပါဘဲ။

သူနဲ့ဆိုင်တဲ့အကျင့်​တွေ၊ သူ သ​ဘောကျရတဲ့အရာ​တွေ၊ သူတို့ကြားက စွဲစွဲမြဲမြဲ ရှိခဲ့ဖူးတဲ့ အမှတ်တရ​တွေ။

တစ်ခုမှ... တစ်ခုမှပါပဲ...။

အကြင်သူ၏စိတ်ထဲမှာ ​နေရာယူထားနိုင်တာ ဘာတစ်ခုမှ မရှိခဲ့။

ပန်းက​လေး​တွေကလည်း အချင်းချင်း လှမ်း​ပြော​နေကြသည်။ "သူ့ချစ်သူက သိပ်ရက်စက်တာပဲ" တဲ့။